الــضــيــقــه ....!!! - °~*¤®§(§ شبـــكة ويــلان العـربـيـه §)§®¤*~ˆ°

**طلال الايداء** · 14/05/09, (03:50 AM)

الضيقة اللي حشرجت بالصدر لين=هزت جبال طويق وفجّر دفينه
واصبحت مثل اللي حدى حاله أمرين=الكل منهم مرّ حاله غبينه
ياضحكة شفاهي فقدتك من سنين=مثل الضرير اللي فقد ناظرينه
يادمعة عيون" قضى جفنها البين=كم لي اجامل هم ماتسترينه
والله لو قلبي يشيل احتمالين=لأقسمه بيني وبين ماتطلبينه
مير البلا شتان مابين الإثنين=الكل منهم صعب لو تدركينه
يا أهل الصبر وين الصبر راحل"وين=صبري فقدته ضايع في المدينه
احيان اسج بخاطري واحلم إلين=اصحى على الواقع واصافح يمينه
الحلم دافع معنوي للبسيطين=فيه يتناسوا شي هم فاقدينه
لا حلم نافعني ولا واقع" زين=الكل ماخذ قسمته في يدينه
الواقع احياناً اعيشه أمرّين=والحلم يقتلني ولا أقدر ادينه
خيرني أمري بين اصعب خيارين=واخترت مااخترته وعسى الله يعينه
يالله ياللي بيدك العسر واللين=تنزل على قلبي رياح السكينه
ياللي على ذكرك تردد ملايين=نسمعه فيه كل القرى والمدينه
عسى الفرح يصدف معي يوم ويزين=ويكبت بقلب" كم تفجر دفينه

**فهد الشافي** · 14/05/09, (04:24 AM)

شاعرنا الرائع طلال الايداء

صح لسانك على هذه القصيدة الجزلة

مودتي

**masha3el ** · 14/05/09, (05:45 AM)

الحلـم دافـع معنـوي للبسيطيـن
فيـه يتناسـوا شـي هـم فاقدينـه

قمه الاحساس صح لسانك شاعرنا الرائع
طلال الايداء
نص رائع وجميل

الواقـع احيانـاً اعيشـه أمـرّيـن
والحلـم يقتلنـي ولا أقـدر ادينـه

دوما تفاجئنا بالمميز
تمنياتي لك بالتوفيق
والله لايجيب ضيقه على احد
تحياتي واعجابي

**أبو غرام** · 14/05/09, (09:29 AM)

الشاعر والمبدع دوما طلال الايداء

لله درك

وصح لسااك حتى ترضى

مببببدع حتى الابهار

سجل اعجابي لديك ومروري وعسى ان تتقبله

دمت بود يالغالي

**طلال الايداء** · 14/05/09, (04:25 PM)

هلابك اخووي فهد شافي

ولاهنت على الاطرااء والقااااادم افضل بااذن الله

وصح الله بدنكـ

**طلال الايداء** · 14/05/09, (04:26 PM)

هلابك اختي مشااعل

ولاهنتي على الاطرااء

والقاااااااااادم افضل بااذن الله

**طلال الايداء** · 14/05/09, (04:27 PM)

صح الله لساانكـ

اخوووي ابو غراام ولاهنت على الاطرااء

وسرني مرورك الرااقي

والقااااااااااااادم افضل باااذن الله