مرثية الشاعر فهد عواد المطرفي رحمه الله - °~*¤®§(§ شبـــكة ويــلان العـربـيـه §)§®¤*~ˆ°

**سلمان الردسا** · 31/12/08, (11:12 AM)

مرثية فهد عواد المطرفي

السلام عليكم ورحمة الله وبركاته

عذرا على الغياب لفتره طويله

اخواني الكرام لله ما اعطى وله ما اخذ الحمدلله لا اعتراض على حكم الله وعلى الاقدار
لقد طال هذا الااسبوع على جدا جدا حتى كأنه شهر كامل ومع بداية سنه جديده لم نحسب فيها اعمالنا واقوالنا صافحتنا يوم السبت برحيل احبه لنا في حادث مروري اولهم اطفال اخي وصديق عمري شامع الشبيب السبيعي العنزي حيث توفيا ابناءه سعود ووايل سويا على طريق الشيخ جابر بحادث دهس من قبل سياره واحده واعمارهم 9- 8 سنوات ودفنتهم مع الاقارب في صلاة عصر السبت وانها صدهم بحكم معرفتي لهؤلاء الاطفال وحسن تربيتهم وبرائتهم حيث بكيت بشده لاتلقى خبر الصدمه الثانيه في حادث اخي وصديقي الشاعر فهد عواد المطرفي في حادث ايظا في منطقة حائل وتوفي عصر يوم الثلاثاء انا لله وانا اليه راجعون

اللهم اجعل الاطفال سببا لدخول والديهم الى الجنه

واللهم اسكن اخونا فهد فسيح جناتك والحمدلله على كل حال

والمصاب واحد والالم واحد واللهم الهم ذويهم الصبر والسلوان

والله ماكان ودي اكتب بفهد مرثيه لا اليوم ولاغيره ولا كان ودي اكون اول من يرثيه بس حكمة الله وقضاءه

اتقدم باحر التعازي والمواساه الى اسر الفقداء رحمهم الله

ونحن جميعا مؤمنين بالقضاء والقدر

كذا فجاءه وانا جالس اقلّب بحث جوالي = ابي ارسل عزى صاحب واخبر ناسه الغالين
لأنه مات من ربعي عزيز وصاحبٍ غالي = وصلني علمه البارح ودملت الجرح في جرحين
لقيت اسمه فهد عواد على الشاشه بدى قبالي = تسمّر شوفي ووقّفت أطالع بالزمان الشين
وانا زرت القبور السبت واعزي همي لحالي = واشوف الصاحب الوافي يودع من ضناه اثنين
فروخ توهم ناشين الا يالله ياوالي = تصبر حالة آبوهم وتشفي امهم هالحين
بكت حتى القبور اللي احضنتهم وانصدم فالي = بكت كل المقابر خوف بكا حتى الحجر والطين
وزادت صدمتي صدمه جريحه وانشغل بالي = وانا من وين ابي ابدى واكافح طعنة السكين
يابو خالد عساك اليوم نزيل بمسكنٍ عالي = ابي ادعي عسى ربي يروف بحالة المسكين
ويجبر في عزى اهله ويمسي بالهم سالي = ويصبّر امه الثكلى ويقضى عنه ذنب ودين
وابنه خالد صغيّر يتيم ولاهو مبالي = ولايدري وش الدنيا تدور وتاخذ الوافين
شهادة حق ياعالم حسيبه ربنا العالي = رفقته عدة اسنين ولقيته مزبن الجالين
وجيت اقصد قبل دفنه واجر احزان موالي = لأنا بعد عصر اليوم ترانا بالنعش ماشين
يموت الصاحب الطيب وعليه الدمع لو سالي = ترى من مات مايرجع كفايه يادموع العين
فهد اكبر من اشعاري واكبر من عزى حالي = فهد اكبر من اللي جا يبي يرثيه في بيتين
الا رحماك ياربي ابي ادعي بالخلا الخالي = تسكّن عبدك الجنه وتجزاه بثواب ولين
ترى هذا العمر فاني وزخرف دنيتي بالي = الا يالله ثبتنا على دينك نجي باقين

بقلم اخوكم سلمان بن خالد الردسا
حرر يوم الاربعاء بتاريخ 3/1/1430 هـ الموافق31/12/2008م

**خلف الغريب** · 31/12/08, (11:36 AM)

اخي سلمان الردسا ..

اولا الله يحييك والف تحية لحضورك ..

لله ما اخذ وله ما اعطى وكل شيء عنده بمقدار ..

رحم الله شاعرنا الرائع المهندس فهد عواد المطرفي واسأل الله ان يجعله في عليين مع النبيين والشهداء والصالحين ..

مصابنا بفهد كبير وعزاؤنا انه خلف سيرة عطرة وان كل من عليها فان ..
واذا اتتك مصيبة تشجى بها ...فاذكر مصابك بالنبي محمد

وعظم الله اجر الاخ شامع السبيعي بوفاة ابنيه وهما بإذن الله حجاب له عن النار وكذلك لأمهما فنسأل الله ان يلهم ذويهما الصبر والسلوان ...

اخي سلمان الردسا .. وفاؤك لأصدقائك لا يستغرب فلك جزيل الشكر والعرفان ..

تثبيت للقصيدة بواسطتي..

**جبار بن عابر** · 31/12/08, (11:46 AM)

صح لسانك اخي سلمان

وجبر الله مصابك ومصاب الجميع

لله ما اخذ وله ما اعطى وكل شيء عنده بمقدار ..

وهذا الموت ياتــــي كعادته بدون استئذان , نسأل الله ان يختم لنا ولكم بخير , ونفارق هذه الدنيا وربنا راضي عنا .

اللهم اغفر لــــــعبدك فهد عواد المطرفي , ولجميع موتى المسلمين ....أمين

**سالم صالح** · 31/12/08, (01:46 PM)

الاخ العزيز

سلمان الردسا

الله يعطيك العافية وهذه هي الدنيا دار رحيل وفراق وكل من عليها فان فهذا درباً ماشينه وانا اخوك ولكن لانعلم عن وقته لانه ياتي بغته

اللهم ارحم موتا المسلمين اجمعين

اللهم ارحم الاخ فهد رحمة واسعة والهم اهلة الصبر والسلوان

انــــــــــــــــــالله وانــــــــا اليـــــــــه راجــــــــــــــــــــعون

**سعود المسعودي** · 31/12/08, (02:11 PM)

صح لسانك اخي سلمان

وجبر الله مصابك ومصاب الجميع

لله ما اخذ وله ما اعطى وكل شيء عنده بمقدار ..

**رابح الغضيان** · 31/12/08, (02:29 PM)

سليمان الردسا

صح الله لسانك

ورحمهم الله عزوآجل

أنا لله وأنا إليه راجعون

**masha3el ** · 31/12/08, (04:01 PM)

اخوي سلمان الردسا
جبر الله مصابك واسكنهم فسيح جناته
ويصبر اهلهم
وصح لسانك على المرثيه
ان لله وان اليه راجعون