... الصواديف ...

[أبو غرام]

السلام عليكم ورحمة الله وبركاته

اما بعد ...

................................اهديكم احبتي في الله هذه المتواضعه وهي التي اتت من داخل دهاليز القلب وخفاياه
................................بعد تشجيعكم ودفعكم بي الى هذا الطرق وهذا الباب : باب الشعر
................................عسى ان نتجمل بما كتبناه وعسى ان نكون وفقنا بعكس مايدور بداخل الصدر

...................القصيده : الصواديف

عزي لقلبٍ ربعة به صواديف=وألحانها من نزف جرحه تجره
تسمر على ليل العنا والتكاليف=وتطرب على شكوى القضى والمضره
وإن كانها تضفي على القلب وتضيف=اضفت بلاوي كايده ماتسره
حمله ثقيل وباقي الحمل ماشيف=ولو ينتخي بالعزم فالعزم غره
خارت مطايا هقوته والتحاسيف=انشت سحابة دمعته من مقره
يسبق خياله برق ورعود ويقيف=يمنع شموخ العز هله ودره
تسمع صهيل الظيم في خايع الريف=وتلمح على خديه كره فره
كنه جمع حظه وزين التصاريف=وفي ظلمة الحرمان فكه وذره
ماعاد باقي له مع الوقت تعريف=على ضفاف الهم محدن يمره
قل الفرج ياكود طرق التواصيف=يطفي بها نار(ن) بصدره تحره
باسه شديد ولا لقى له مجاديف=تاه بعذابه والبحر ضاع بره
من شاهده بالعين صدّق بلا زيف=ان النوايب تكسر اللي تمره
العام تذكر ضحكته باول الصيف=واليوم كن الضحك مايوم مره
يالله انا طالبك حقق له الكيف=عسى السعد ياتيه بالعمر مره
قلبٍ عرفته همسته حيف ياحيف=واليا نطق دعيت لله دره
يرجي من الرحمن صبر(ن) وتخفيف=ويبعد خفوقه عن تدابير شره

............................وسلامتكم

اتمنى منكم صدق النصح والاجابه ... ونحن عن نقدكم لا نستغني

شكرا لكم مرة اخرى .

إن استحقت الخروج والتنزه بين المحاولات الشعريه : فلا بأس بذلك

مادام في تنزهها تطور ورقي للقائل

[عناد الغريب]

اخوي الشاعر القدير ابو غرام صح لسانك ولله درك

كنه جمع حضه وزين التصاريف\\\\\\\\\\ وفي ضلمت الحرمان فكه وذره

الله لايذر حضك وبيض الله وجهك

نص يعانق سماء الابداع

تقبل مروري واعجابي الشديد

اخوك عناد الغريب

[أبو غرام]

المشاركة الأصلية كتبت بواسطة عناد الغريب

اخوي الشاعر القدير ابو غرام صح لسانك ولله درك

كنه جمع حضه وزين التصاريف\\\\\\\\\\ وفي ضلمت الحرمان فكه وذره

الله لايذر حضك وبيض الله وجهك

نص يعانق سماء الابداع

تقبل مروري واعجابي الشديد

اخوك عناد الغريب

صح بدنك ولاهنت يالغالي

ان يأتي اطراء من شاعر متمكن كعناد الغريب لا املك ان اقول الا

لله درك

شكرا لك فلقد اسعدني مرورك اخي

لاعدمت تواصلك

[هبوب العنزي]

حمله ثقيل وباقـي الحمـل ماشيـف
ولو ينتخـي بالعـزم فالعـزم غـره
خارت مطايـا هقوتـه والتحاسيـف
انشت سحابـة دمعتـه مـن مقـره



انا اشهد صح منطوقك ابو غرام مليووون ولاهنت ,,, كتذوقه فقط للشعر اعتقد انها قصيده


شاعر متمكن وليست محاوله بإنتظار المزيد اخوي ابو غرام,,,,

[سالم صالح]

يسبق خياله برق ورعود ويقيف ---يمنع شموخ العز هله ودرة
رائع يابو غرام رائع رائع


اليوم تذكر ضحكته باول الصيف --- واليوم كن الضحك مايوم مرة

مبدع بيت ولا اروع ومن صميم صميم القلب اعجبني جداً


قصيدة جميلة فيها من الجمال الشي الكثير وتدل على ابداع وروعة يحملها شاعرها


لله درك ومناجاة لله عز وجل وهو من يفك الكربات ويخفف الاهات


تقبل تقديري وشكري على هذه الفاتنة والى الامام

[سعد النفج]

ابو غرام

و الله شاعر مميز لله درك و جزل لأبعد حدود الجزاله ..

صح لسانك و انت لست بحاجه الى شهادتي..

اعجبني النص جدا جدا

قرأته بتمعن عسى أن أجد ملاحظه و لو بسيطه و لم أجد ..

الله يعطيك العافيه .. و احرجتنا بالنصوص الرائعه يا بو غرام ..

لك التقدير ..

[سعود المسعودي]

ابو غرام

و الله شاعر مميز لله درك و جزل لأبعد حدود الجزاله ..

صح لسانك و انت لست بحاجه الى شهادة


سجل اعجابي وتقبل مروري


دمت بكل خير وعافيه