قصيده وطنيه للشاعر عوده حمدان الجعفري العنزي

[أبو فارس العنزي]

سميت بسم الله علــــام ماخـــفـــى =ولينا رب المـلا مـعـبــودهـــا
خلاق مخلوق ومــحصيــه بالــعــدد =ومحيي عظام باليه في لـحـودهـا
ومن بعدها يامرحبا في ملــيكنــا =ترحيبـةٍ منا لكـم مقـصـودهـــا
يامرحبا به وبالحــاضــريـــنــا =اعداد ماارزم بالسحاب ارعودهـا
يامرحبا اعداد ماينزل المـــــطـر =واعداد رمل جبالها مع نفــودهـا
انتم السعود اهل الشرف والمعـــزه =لكم المفاخر من قديم جـدودهــا
ابن عبدالوهاب لجى بــــدعــوتـه =لمحمد ابن سعود واثبت وجـودها
ارسى قواعدها وثبت اركــــانهـا =غصب عن اهل الشرك واخرس حسودها
حمو جزيرتنا من اشرار الـــعـداء =ورسم لنا عبدالعزيز حـدودهـــا
خاض المعارك في جميع اربوعهــــا =ياماء اخضعت له اسباعها واسودها
تسمع ضريس السيف بارقاب العــداء =ياما سال الدم الحمر في خدودها
عساها بجوار النبي والصحـــــابه =في جنت الفردوس يقطــف ورودهـا
ومن بعده انتم ياهل العز والوفاء =لكم فعولٍ واضحات شـــهـودهـــا
افعولكم تشهد بها الارض والسمــاء =وتشهد بها بيض الليالي وسودهـا
المملكه في عهـدكم زاد عـــزهــا =مثل الهنوف اللي تنقض جعودهــا
بالدين والدنيا رفعتو مقامــهــا =منها يتعجب كل من جاء يـرودهـا
وشرفكم الخلاق في مهبــط الــوحـي =تزوركم كل الدول بــاوفــودهـا
تزوركم الاســلام لاداي حـــجــهــا =الله يقبل سعيهــا واســجـــودهـا
انتم حماة الدين والشعب والوطــن =عدوانكم ماتهتني بــرقــودهــا
لياهاجت سباع البر وسباع البحــر =منكم تموت وسمها باكبـــودهــا
حنى سعوديين يــاجاهـــل بــنــا =نصبر على عسر السنين وكـودهــا
والله مانخشى دسايــس عــــدونــــا =اهل الدسايس عارفين احـقـــودها
والله مانخــاف الا مــن ربــــنـــا =وعدواننا منى تخــيـب ســـدودها
عاش ابو متعب وعاشو جميع اخوانـه =اللي على الشدات ترقى ســنودهـا
انتم حكومتنا وحنى شعـــبــكـــم =والشعب للدوله يشد عــضــودهــا
عشنا بعطاكم ياهل الجود والعطـاء =ماليةٍ يصرف لنا من بــنــودهــا
وحنى نعاهدكم على الحب والوفــاء =ولاخير في قوم تخون عــهــودهــا
واللــه والـله مانخون بعــهـدنا =عهود علينا موثقين عقــــودهــا
قلته وانا من اولاد وايل قبيلــتي =قوم على العايل يطول زنـــودهـا
والناس كلن دون حقــه يـعــتــزي =حجه خصيمه عــــارف مـــردودهـا
كل ديرةٍ بها حقها من رجــالهــا =وتعيش قدر بذرها ومحــصـــودهــا
وختامها مني صــلاةٍ على النـبــي =عداد ماخضر بكل روض عــــودهـــا

[سالم العنزي]

شكرا يابو فارس لتواجدك


لكن اعتقد ان القصيده تعاني من مشكله في الوزن

ننتظرراختيارات افضل

[صالح الأسود الجعفري]

ابوفارس العنزي

حياك الله بشبكة ويلان

ويعطيك العافيه ع نقل القصيده

اتفق مع اخوي سالم بالوزن وفيه اخطاء املائيه

دمت بخير

[هندي المقبل]

اهلا بك يابو فارس والله يحييك في بيت الجميع

اخي الكريم .. انا لا اعلم هل القصيده لك ام لا ؟ هل انت عوده حمدان ؟!

اذا كانت القصيده لك وانت عوده حمدان فالافضل كتابة قصائدك في قسم الشعراء بعد تعديلها وتنقيحها بشكل سليم

واذا كنت لاتستطيع كتابتها في قسم الشعراء ابلغنا وان شاء الله سوف يتم ترقية عضويتك لتستطيع الكتابة بقسم الشعراء

اما بخصوص القصيده الحاليه فالتعديل لايختلف كثيرا عن الاولى والخلل في الوزن واضح جدا خصوصا في الاشطر الاولى من الابيات ..

ودي وتقديري لك

[خلف الغريب]

كلام الاخوان صحيح حول موضوع الوزن والقصيدة تحتاج الى صياغة من جديد ولعل المشكلة الاساسية هي البحر الهلالي الذي يحتاج الى ممارسة كثيرة لضبطه ...