خلف مطر العنزي - °~*¤®§(§ شبـــكة ويــلان العـربـيـه §)§®¤*~ˆ°

**رضاء الحصن** · 29/05/12, (05:56 PM)

شخص وزع قصيدته ويقول انه شاعر وهي دون ذلك ثم قال الشاعر/ خلف مطر العنزي هذه القصيده 1417هـ

يقول من وظـف على القاف تجـميل

قول حسـب ما يستطيعـه لساني

لاتخــرب القيفــان يا جـاهل القـيل

خلــوه للي يفهـمـون المـعــاني

بعض القصـايد لـوتجـي بالتفاصيل

ما تـنـفــهـم يبـغـالهـا ترجمـاني

اشوف انا ناســا ً تسـوي تهــاويل

كـلا ً يقـول الـيــوم لشعــر بــاني

مادريـوا ان الشعر من عقب تحليل

يوضع مثل نقـش الحجر بالمـباني

صوغ ٍ على الميزان من غير تمييل

خوفـا ً مـن النـقــاد يقـــول داني

عـن الـوطـن يكـفي خــلف بالتماثيل

اللـي يجيـبـه بالـمـحافــل بيـاني

وغـيره مـن الشعار من يوفي الكيل

لوقـلت الاول يلحـقـه شخص ثاني

واللـي ذكـر رشـيد مابه تجـاهـيل

وعدوان عــددهـم بمـاضي الزماني

قلـته ولابـريت نفـسـي عــن المـيل

الكـامـل اللـي بسمـه الكــون كــاني

ندعـيه باسـمه في تظـرع ابــتذليل

انه على درب الصــواب يهــداني

الشاعر / خلف مطر العنزي

**الدفيان** · 30/05/12, (12:12 PM)

صح لسان الشاعر قصيده حكيمه

**رضاء الحصن** · 31/05/12, (12:32 PM)

اقتباس:
المشاركة الأصلية كتبت بواسطة الدفيان
صح لسان الشاعر قصيده حكيمه

صح بدنك ونحن من يسعى لتوصيل صوت شاعر لم يصل للاعلام
مشكور على مرورك الجميل

**صالح الأسود الجعفري** · 31/05/12, (06:54 PM)

رضاء الحصن

تسلم يمينك ع النقل المميز
وصح السان الشاعرخلف مطر
دمت بخير

**جايز المفوز** · 31/05/12, (08:50 PM)

تسلم يمينك ع النقل المميز
وصح السان الشاعرخلف مطر
دمت بخير

**عبدالعزيزالشملاني العنزي** · 01/06/12, (11:42 PM)

صح لسانك ولسان خلف مطر العنزي

على هذه القصيدة الشيقة

دمتم برعاية الرحمن