ابو وجهين

[نمش الشمري]

يا شين الصدمه اللي .. في صديقن تحسبه نبراس=تظن إنه جبل .. صعبن بناه .. وصعب تهديمه
تشيله في عيونك .. والمكانه فوق هام الراس=و هو حرّم حلال .. و حللّه .. و يجوز تحريمه
تظن انه تجاره رابحه .. لكنه الإفـــــــلاس !!=تغرّك ريشته في رسم لوحاته .. و تصميمه
يغرّك في بناياتن يعمّرها .. بليّا ساس=هياكل .. والهياكل تخدع الرجال و تضيمه
ذهب لونه .. ولكن معدنه وقت الصحيح ..نحاس=هدام .. ومستحيل ان الهدام .. يفيد ترميمه
تحسب انه يجيب ((أوّل)) نهار مسابقات الكاس=وهو بمسابقات الكاس ..لا معنى ولا قيمه
يحدّك للخساره من ظروف و من فكر واحساس=ومن بعض الشعور اللي غياب الشعر.. تحجيمه
وعلى شان الصداقه ما تفكر في وزن و قياس=و هو ما فكّر الا كيف تأخيرك و تقديمه
لو انك ما تشوف الا الرجا .. ترجع تشوف اليأس=تغّير في مفاهيمك .. لأجل خاطر مفاهيمه
الى منه بغاك .. يخلّي الدنيا فرح و اوناس=والى منك بغيته .. غاب نوره وانجلى غيمه
وتروح تراجع الذكرى .. تجي من ضيقتن لاعماس=عليك اكبر من اللي طاف .. تحليله و تقييمه
ولكن العوض باللي ما جاء عينه خدر وانعاس=هو اللي واجبن شكره و توحيده و تعظيمه
هو اللي يعلم الخافي و ما تحمل قلوب الناس=هدانا للسراط .. و لا قصرنا عن تعاليمه
بذلنا جهدنا في طاعته .. غصبن ماهو نوماس=حكيمن عادلن رحمان في عدله .. وتحكيمه
حروف اسمه تزيل الهم والهوجاس والوسواس=نلوذ برحمته عن ضيقة الخاطر .. وتكتيمه
خلق خلقه .. وغيّر بينهم بالطبع والاجناس=و قال انه يحب اهل الوفاء والطيب والشيمه
وانا طالبك... يا رب الملا يا خالق الأنفاس=ابو وجهين .. بين الناس .. لا تبقيه و تديمه

[saad saif]

رائع يانمش قصيده رائعه تستحق الاشاده (لاتبخل علينا بالتوصل) تحيااااااااااااااااااااااااتي

[محمد المقبل]

يا شين الصدمه اللي .. في صديقن تحسبه نبراس== تظن إنه جبل .. صعبن بناه .. وصعـب تهديمـه

تشيله في عيونك .. والمكانه فوق هـام الـراس==و هو حرّم حلال .. و حللّه .. و يجوز تحريمـه

الشاعر الكبير نمش الشمري

هلا فيك وشكرا لك على إهداء المنتدى هذه الرائعه من روائعك التي لها الكثير من العشاق الذين ينتظرون جديدك .

شكراً لك لإختيارك لهذا المنتدى لطرحها لجمهورك الغفير .

قصيده ليست بحاجه الي إشاده .

واسمح لي ان اسجل اعجابي بما تكتبه ولك كل الود والاحترام

[الحميدي النبات]

صح لسانك

مليووووووون

ولاتعليق


لك التحيه والتقدير

[موسى المشعان]

صح السانك

وعلى شان الصداقه ما تفكر فـي وزن و قيـاس-----------------و هـو مـا فكّـر الا كيـف تأخيـرك و تقديمـه

لو انك ما تشوف الا الرجا .. ترجع تشوف اليأس ---------------- تغّير فـي مفاهيمـك .. لأجـل خاطـر مفاهيمـه

الى منه بغاك .. يخلّـي الدنيـا فـرح و اونـاس ------------------ والى منك بغيته .. غاب نـوره وانجلـى غيمـه

[ماجد الوايلي]

خلق خلقه .. وغيّر بينهـم بالطبـع والاجنـاس
و قال انه يحب اهل الوفـاء والطيـب والشيمـه

وانا طالبك... يا رب الملا يـا خالـق الأنفـاس
ابو وجهين .. بين الناس .. لا تبقيـه و تديمـه

الشاعر / نمش الشمري .... صح لسااااااااااانك مليون ولا يكفون ...

لاهنت

وبيض الله وجهك

بأنتظار رائعه اخرى .....

[مزيد المزيد]

نمش الشمري




هلا بالشعر وهلا برااعيه








نمش الشمري وبدون اي رتووووش










































اكيد ستكون قصيده رائعه كروعتها لانه المبدع بكل حالاته




والجميل بصدقه وقلبه





صح لسااااااااااااااانك ولاهنت



وشرف لنا ان تكون هذه القصيده في منتدانا


دمت بخير