خلك معي

[انور العبدلي العنزي]

اسعد الله صباحكم ومساكم بكل خير
رغم الغياب الا انكم في القلب

خلك معي دام العرب مستشيطه=واترك هذاك اللي من بليس منفوخ
خلك بسيط وكل امورك بسيطه=وقابل سوالف تايه الراي بشموخ
وخل الغلط للي تحب الغليطه=اللي خفاياهم تطابخ لها بوخ
واسمع وكاد اللي سبوره غويطه=بهرجن مبين دون لفات وفخوخ
ترك السفيه يحسسه بالغبيطه=وينقز كما ينقز من النار صلبوخ
يزوم لكن زومته في محيطه=ويركد وكنه من على الوجه مصبوخ
لامن نغط لاتجاوبه في نغيطه=خله ويلقى مثل شكله له فروخ
ارفع مجالك لاتخبط خبيطه=وتصبح عقب سترك من الستر مصلوخ
البشت لو هو زاهيٍ لون خيطه=ماينلبس لاجاك بمتونه شلوخ
وهالوقت واجد فيه ناسن عبيطه=تمسي معك رعيان واتصبح شيوخ
لازم تكون لمثلهم فيك حيطه= غصن الرتم ماهقوتي يطرح الخوخ
وحذرى يغرك من يكرر شريطه=اللي تمرك كذبته تقل صاروخ
اللي عمامه يطلقون الربيطه=واللي خواله كلها تلبس الجوخ
كم طيبن بالقوم جده صقيطه=وكم صاقطن جده وليده ومطنوخ
الطيب ماهو بالعضود النشيطه=ولاهو بكثر المال في خزنة دلوخ
الطيب وهبه من اله البسيطه=من ضخ دم الادمي فيه مضخوخ
كم واحدٍ محتاج ثوبه يخيطه=وواجب ظيوفه حين يلفون مطبوخ
وكم وحدٍ ماله بماله خليطه=وعقله من اللي يكرم الظيف مفضوخ
حدد حدود المنطقه بالخريطه=والا العرب ياصاحبي كلها شيوخ

[مشهور الرشدان]

الشاعر القدير / انور العبدلي
صح لسانك وعتلا شانك على هذه المعلقه الرائعه
شاعر متمكن مشاء الله عليك قصيده فيها من الحكم الشي الكثير
انور العبدلي اسم رسخ في ذاكرتي منذ هذه اللحظه
بنتظار جديدك دمت بحفظ المولى

[محمد بن موسى]

كـم طـيـبـن بالقـوم جـده صقـيطه
وكم صاقطن جده وليده ومطـنوخ
الـــطيب ماهو بالعضود الـنشيطه
ولاهو بكثر المال فـي خزنة دلوخ
الطيب وهبه من الــه الــبــسـيطه
من ضخ دم الادمي فيـه مضخوخ

انور العبدلي

صح الله لسااانك
صح الله لسااانك
صح الله لسااانك
ماحييت

قصيدة رائعه فيها من الحكمه الكثير الكثير
وهي تحكي واقعنا المؤسف بلاشك

ابدعت يا انور بما نزفته هنا من درر
اعبجتني الابيات كثيراً
فكل بيت بنظري عن قصيدة كامله لما يحوية من معاني ساميه ومضمون رائع

لله درك يا انور

وقصيدة تشفع لك غيابك

تقبل مروري واحترامي

كن بخير

[بدرفهد الجعفري]

هنا الحضور اللي يفتح النفس ويسر الخاطر

الشاعر انور العبدلي

صح لسانك على كل حرف كتبته بهذه القصيده المميزه بكل شيء

ابداع ورب البيت لايجيده غيرك

صح لسانك الي ان ترضى وترانا مانرضى بالغباب منك

[البدر]

الشاعر القدير انور العبدلي العنزي

شاعر كبير مثلك تعجز الحروف عن التعبير لكنه هو الاعجاب الذي نعجز احيانا عن التعبير عنه

انه الشعر الحقيقي يا انور الذي يحسسك بقيمة الشعر وهيبته التي فقدت

اخوي انور ارجوا منك ان تسمح لي بأخذ عدة صوره من هذه القصيده لأوجها الي :

- صوره مع التحيه لكل مستشعر !
- صوره مع التحيه لكل من ظن نفسه شاعرً كبيرا
- صوره مع التحيه لكل من يطبل لصفصفة الحروف !

[بنت الكحيلا]

صح لسانك اخوي انور العبدلي

قصيدة شامخه وباذخه

الله يعطيك العافية على هذا الإبداع

وهو غير مستغرب من شاعر متمكن

تسلم على هذا البوح الراقي

لك كل الشكر

[حمد الضوّي]

الشاعر

أنور العبدلي العنزي



صح لسانك مليون ولا يكفون حبكة شاعر متمكن
هذا هو الإبداع على حقيقته
سلم فكرك واللسان يعجز عن شكرك
شاعر مبدع وخطير جدا ً جدا ً جدا ً
أدام الله أهل الإبداع والتميز




تحايا