حب الوطن للشاعر فرج عوده حمدان العنزي

[أبو فارس العنزي]

حب الوطن ماهو مجرد وظيفه
محبتي لارض الحرمين دين وايمــان
انا السعودي طب قلبه وريفـــه
يبقى الوطن واهل الوطن بـ امن وامان
خدمة وطنا ياخوارج شريفـــه
لاسلم الله خـــايـــبٍ لــلــوطـــن خــــان
من ينصر الاسلام ربه حليفــه
يامشوهينٍ صـــورتــة بــيــن الاديـــان
البيرق الاخضر يرفرف وسيفه
نصرٍ لديـــن الله وذربــيــن الايــمــــان
آل السعود مزبنين المخـــيفـــه
ذروه هل العوجــا سلايل كــحـــيــــلان
وماهي على الله يابو متعب كليفه
ينصركـــــم الله ياجزيلــيـن الاحـــســان
انتم لنا مثل الحصون المنــيفــه
ضد الطغاه اوقات روغـــــات الاذهــان
حب السعودي لآل مقرن بكيفه
وتجديدنا لعهود الاخــــلاص بــــرهــــان
حب الوطن ماهو مجرد وظيفه
وصلى الله وسلم على نـــســـل عـــدنـــان

[صالح الأسود الجعفري]

اللهم صل على محمد وعلى آله وصحبه أجمعين

الله يحيك بمحلك يابو فارس

وصح السانك ولسان الشاعر فرج عوده العنزي

بيض الله وجهك ع الاختيار المميز
دمت بخير

[طالب الونيس]

صح لسان قائلها وناقلها