علي الساابل تفضل

[ماجد الغانم]

هذه القصيدة رد على قصيدة اخي الغالي على السابل واعتذر منه على تواضعها امام الشامخة التي قدمها لي...

المشاركة الأصلية كتبت بواسطة علي السابل

متواضعه في كل شئ عدا من جائت من أجله .. الأخ القدير ماجد الجعفري

ما دامها تجمع اليمنى فناجيله= ودلة العذر ماسكها بيسرايه

والله لصب القصيد وشرهته هيله = الين يرضى كبير الشان لرضايه

جت لك ياماجد تسوق البرق ومخيله= تنثر مطرها على قافي ومعنايه

هذا سحاب العذر لوجاب لك حيله=ماهو موفي مادام ان الوفا غايه

ولولاك ماجد ما اقول ايوالله اجي له = ولولا ظروفي ماتخطي دربك خطايه

احيان صعبه ونلقى لحلها حيله= واحيان سهله ولكن حلها تايه

هات العتب والعتب من يمك نشيله= واحكم وحنا على ماقلت مشايه

لرضاك يا مسرج ن للمرجله خيله = تسوق عذري مع الفنجال يمنايه

الوقت لياعدوا رواته مشاكيله = لك اول ماتعد امجاده روايه

عيال ماترضى على تاريخها عيله=وبالطيب ترفع لهم بين العرب رايه

جعافره يوم العمر يدفع بتهليله= عقبان خيل تعشي الذيب بادلايه

لابو زمانن توطتنا مهابيله= كلن يصنف من اكذابه له حكايه

ضاعت معالم عدوده في طمي سيله= وحتى الموالي غدت تشره على ولايه

علي السابل

وهذا الرد تفضل يابو مصعب....

مادام جهز علي سابل معاميله=واقبل عليه يسوق الكيف بعنايه
ياراس لاتنحرم من كيفه الليله=اشرب من الكيف لاتجزيه بقفايه
من دلة/ن في يساره دوم توحيله=إنه كريم/ن ولايحتاج لوصايه
وفنجاله اللي يسوقه ماني محيله=اباخذه من يمينه واتبع رايه
والا العتب ماعزف حولي مواويله=مبطي وماجد محطم ياعلي نايه
وان كان برق/ن تخيلة دوك تحليلة =سحابة الود ماتنوى لها جناية
وش يعني الغيث لاهلت هماليله=يروي ضما حيرتي ويبلل شفاية
انا طموحي معك جلسة وتعليله=وحولك قدوعي يابو مصعب ومركايه
مثلك نعزة ونفخر في مواصيلة =والاخوتك يارفيع الشان شراية
اقدرظروف راع العذر واويله= واتجاهل اللي تجاهل لحظة اندايه
منهو يشرف مكاني جيت ناصيلة=مجبور/ن اجيه لوخارت بي أقوايه
أقدرالطيب باهل الطيب وكيله=ورد الوفا يابن عمي فيني أهوايه
عهدن قطعته على نفسي وقاويله=ماخون عهدي ولوهو باشرس اعدايه
ومثلك نشوفة مميز عن طبع جيلة=مادمت من روس قوم/ن فيهم كفايه
جعافره مجدهم محدن قوى يزيله=وتاريخهم مايبي يالصاحب ادعايه
كم من هبيل/ن خذاله شيخ يفتيلة=من شان يقطع شعور الشك بقرايه
غريب هالوقت ماتفهم تفاصيلة =واللي يغني يبي ال تحريمته آيه
ماكل حلم يشوفه جاه تأويلة =من فسر الحلم ماهو مدرك الغايه
اطغاث احلام كيف الناس توحيلة=اعطيتك العلم واحفظ نص فتوايه

وسلااامتكم

[أبو غرام]

الله الله الله

واتشرف بمعانقة هذه الدرر

صدوت وصدى ولا اروع

ابدعت يابو مصعب ولا هي غريبه

وتفننت يابن غانم ولا جديد في ذلك

فلله دركما من مميزين .. وصحت السنتكم جميع

لكم الود والتقدير من اخٍ لكم

ابو احمد

[صبيح العوض]

اخوي الشاعر القدير /ماجد الجعفري

صح السان علي السابل وصح الله السانك عزل انك رديت رد وافي وكافي

الجميع مبدعين ولاغرابه

تحياتي وحترامي للجميع

[سالم صالح]

الراقي دائما بشعره وخلقه


ماجد الجعفري


صح السانك وكفيت ووفيت وعزالله انها قصيدة مليئة بالشعر من اول بيت الى اخر بيت

ولاهي غريبة عليك هذا الابداع فانت بحر من الابداع والروعة

وابو مصعب يستاهل الطيب

مدرستين شعريتين ترتقي بالادب الى العلا وتمزج معه جمال المفردة وقوتها فالله دركم

صوت وصدى يتردد في ارجاء شبكة ويلان ويعلن الجمال والشاعرية الفذة

تقديري وودي لقلميكما ونزفهم الباذخ

[بروق الشمال]

صح بدنك وانا اختك
مدد بلا عدد
تقبل احترامي

[حمد الضوّي]

ماجد الجعفري
كلكم مبدعين صح لسانك ولسان علي
هذا الأبداع وإلا بلاش تسلم أناملكم جميعا ً

[تركي علي الخالدي]

ما اجمل هذه المشاعر بين الرجال اهل الوفاء والطيب

كفو يالجعافره والنعم عز الله انكم تستاهلونه

ماجد الجعفري

صح لسانك