دون الـوطـن

[نايف هويدي العواجي]

..مسـاكم الله با الخير..

دون الوطن لو راحت الروح يا زيد=ما ني عليه يشهد الله شفقان
دون الوطن ناقف ونبقى صناديد=يا لين نردع كل عايل وخوان
انشهد ان اللي لفونا مقـاريد=ما دريو ان اهل الوطن ناس شجعان
نحماه بعد الله ولو بأول العيد=ولا احدن على الروحه يا ابو طيف ندمان
بس الوكاد انك اذا مت شهيد=ملفاك للجنه بأذن عالي الشان
اهل السعوديه مع الجو والبيد=دون الوطن يحمون بدوان حضران
على العدو ضرباتنا دون تقصيد=ومنهو نطحنا دايم الدوم خسران
ونكد ايام العداء دوم تنكيد=والموت الاحمر نشربه شرب فنجان
عجزت اقول القول يا زيد واعيد=ترا وطنا دايمن قدم الاوطان
هو الذي ضم الشقي مع السعيد=ويبقا لنا شامخ على كل مكان
وان كانك شاعر عرفت المقاصيد=القصد واضح دون لوحه وعنوان
اعداد ما قلنا من حروف القصيد=واعداد مرقب با المراقيب شيهان
تسليمتن تاصلك با القول يا زيد=تسليمتن تشملك من دون نقصان

[سعد النفج]

قراءة أولى مختصره و لي عوده بعد القراءة الأخيرة
.
تقبل تحياتي إلى ذلك الوقت .. يا شاعرنا المميز نايف العواجي ..

[نايف هويدي العواجي]

المشاركة الأصلية كتبت بواسطة سعد النفج

قراءة أولى مختصره و لي عوده بعد القراءة الأخيرة
.
تقبل تحياتي إلى ذلك الوقت .. يا شاعرنا المميز نايف العواجي ..

لاهنت شاعرنا المبدع سعد النفج

مشـكور ما قصـرت
تحياتي وتقديري لك

[عبدالمحسن الجلوي]

الشاعر نايف العواجي كفوا والله وصح لسانك ابيات جميلة وحماسية من شاعر منبري مميز ....


الشاعر الجميل نايف العواجي صح لسانك ... تحياتي ...

[نايف هويدي العواجي]

المشاركة الأصلية كتبت بواسطة عبدالمحسن الجلوي

الشاعر نايف العواجي كفوا والله وصح لسانك ابيات جميلة وحماسية من شاعر منبري مميز ....


الشاعر الجميل نايف العواجي صح لسانك ... تحياتي ...

صح بدنـك
لاهنت اخوي عبدالمحسن الجلوي على كلامك الطيب الجميل
بيض الله وجهك
تحياتي وتقديري لك

[نافع عيد الجديد]

صح لسانك حتى ترضى
قصيده شامخه
والوطن يستاهل ومهما قلنا عنه لن نوفيه حقه
رعاك الله

[فيصل الدخيل]

لاهنت شاعرنا العزيز نايف هويدي العوااجي
ولاتحرمنا من جديدك
اخوك"" فيصل الدخيل