البياض 00 متعب عيسى الشملاني 00 يرحمة الله - °~*¤®§(§ شبـــكة ويــلان العـربـيـه §)§®¤*~ˆ°

**منصور الرويلي** · 18/05/09, (11:48 PM)

لو مات راع الطيب مامات طاريه = والا الردي طاريه ميت وهو حي
مرحوم ياللي له مواجيب تحييه = وسط المجالس سيرته ترسل الضي
من بعد (متعب) مابقى حي نبكيه = كن البشر من بعد موته ولا شي
من طيب ساسه شامخاتً مباديه = ومن طيب رأسه مامشى سكة الغي
اللي علوم الطيب حاضـر لماضيـه = له حكمةٍ مضمونهـا ماهـو شـوي
متعب مدار الفكر هاجس معانيه = صورة خياله فيها الابعاد تشفي
صفحة بياضً عطرتها قوافيه = على الوفا ماهي خيالات منفي
له سيرةٍ مابين ربعه واهاليه = بصدورنا لو غاب تبقى كما هي
وله صورةٍ مافارقت عين مغليه = رغم الفراق اللي كوا مهجتي كي
ياوجد حالي وجد من غـاب غاليـه= وجد الذي ذاق المراره وهـو صِْبـي
راضي على المقسوم والوجد طاويه = همه طواني وانطـوى داخلـي طـي
يالله ياعلام .. ماكان نخفيه = لك أبتهل وادعوك وارفع لك أيدي
يارب تلطف به وترحم وتنجيه = وتجعل مقره بين الانهار والفي
وتجبر عزا ناسً تحبه وتغليه = ياكاتب الآجال .. يالدايم الحي

*

*

*

*

**عناد الغريب** · 18/05/09, (11:57 PM)

الشاعر ابو نايف

صح لسانك والوفاء طبعك

رحمة اللة على متعب

ولا الردي طاريه ميت وهو حي

لله درك

مبدع بجميع حالاتك

الله لايهينك

دمت بخير

**ناجي الخمشي** · 19/05/09, (12:16 AM)

لو مات راع الطيب مامات طاريـه=والا الردي طاريه ميت وهو حـي

الشاعر القدير منصور الرويلي

صح لسانك

على هذه القصيده الشامخه بعلو حرفك

ولاهو غريب عليك

ورحمة الله على الشاعرمتعب عيسى

كان من الرجال الوفياء ومن شد بيدي بدايتي الشعريه

سمع ليه قصيده واتصل على وانا معرفه ونزل القصيده

بالجريده

الله يرحمه برحمته الواسعه

تقبل مروري مودتي

**ناصرالسويلم** · 19/05/09, (01:47 AM)

رحمك الله يامتعب

انأشهد أن رحيله خساره

شكراً اخوي منصور بيض الله وجهك

مودتي

**دمع الغزال** · 19/05/09, (04:02 AM)

أسكنه المولى فسيح جناته
عزائي لكل قلب افتقده

صح السانك

كن بخير

**منصور الرويلي** · 19/05/09, (05:43 AM)

الوفي عناد

الله يسمع منك

دمت بخير يالغالي

**جبار بن عابر** · 19/05/09, (07:58 AM)

يالله ياعـلام .. ماكـان نخفـيـه
لك أبتهل وادعوك وارفع لك أيـدي
يارب تلطف به وترحـم وتنجيـه
وتجعل مقره بين الانهـار والفـي

اللهم امين

اللهم امين

اخي الشاعر/ منصور الرويلي . ماهو غريب عليك الوفاء ياراعي العلياء.جزاك الله خير