دلـــــوعتــــي رغــــــد - °~*¤®§(§ شبـــكة ويــلان العـربـيـه §)§®¤*~ˆ°

**محمد المغيلث** · 15/05/09, (09:34 PM)

اخواني في منتدى الويلان يسعد ربي مسائكم

هذه القصيده قلتها عندما دخلت رغوده مستشفى سميراء

ارجو ان تنال على أستحسانكم

....................

آ آ آ آ ه شين البيت عقبك يارغد=آ آ آه والحيــين مظلم دورها
آ آ آ ه والقمراء ضياها مفتقد=في رحااااب الكون ولا نورها
والله اني من غيابك مظطهد=والهموووووم اتـسـيـد ت طابورها
في سميراء خافقي راح وقعد=وسط مشفاها ودونه سورها
لعنبو جد الدلع اثره لهد=او بعد نارن تكــــــيــــد احرورها
اذكر الله واطلبه وادعي بعد=العـــــــلل ياحر والله جورها
يالله المعبود عبدك لك سجد=اشفها وانت اعلم ابمضرورها
وارحم العبد المعذب في وغــــد=والقهر لاجيتها وازورها
لادخلت الغرفتــه قامت تصد=شرهتن مستعجله من فورها
قلت وشبك قالت ابعد عن رغد=المغذي مخرجه عن طورها
قلت صبرن قالت الصبر ابتعد = ماحكتلي لكن بمنظورها
عبرته قامت تهامل كالبرد=وعبرتي خفيتها بحضورها
من عيونه شفت انا عز النكد=والله اعلم بالنكد واجمورها
قلت عذرن واخرجك يوم الاحد=كانك ابصحه فنا بسرورها
اتفقنا والله , الفرد الصمد= ينجيه من صادفات اشرورها

,,,,,,,,,,,,,,,,,,

لكم تحياتي جميعا

[/quote]

**سعود المسعودي** · 15/05/09, (09:56 PM)

الشاعر محمد المغيليث

صح لسانك وعلئ شأنك

والله يخلي لك رغد ونهاية الاحزان ان شاء الله

لاتحرمنا جديدك

**أبو غرام** · 16/05/09, (12:06 PM)

الله يشافيها ويبقيها لك نوارةً لقلبك

وصح لسانك اخي على ابداعك

متميز اخي لله درك

=

اذكر الله واطلبـه وادعـي بعـد
العلـل يـاحـر والله جـورهـا

=

فائق الود والتقدير

**عناد الغريب** · 17/05/09, (07:18 AM)

اخي الشاعر محمد

الله يشفي لك رغد ويمتعها بالعافيه ويطمن قلبك عليها

صح لسانك على النص اللذي احزنني

دمت ودامت لك الافراح برغد

تحياتي

**حمد الخمعلي** · 17/05/09, (11:48 AM)

الاخ الشاعر

محمد المغيليث0

الله يخليها لك ونشاء الله ماتشوف باس يارب0

قصيده محزنه تلامس الخفاق بموضوعها وتعبير المشاعر0

تحياتي لك

**سعد النفج** · 17/05/09, (06:53 PM)

محمد المغيلث

مبدع بكل حالاتك..

و الله يخلي لك رغد و يحفظها و يديم عليها الصحه و العافيه..

و النص من أروع النصوص و انت من أعذب الشعراء..

تقديري لك يا بو سعود..

**منصور الجلعود** · 18/05/09, (02:10 PM)

طهور ان شاء الله يا رغد

أسأل الله أن يشفيها وأن يلبسها لباس العفو والعافية

محمد المغيلث صح لسانك مليار وتكرار

مشاعر بنبض الحنان طمن قلبك الرحمن وأسعدك بكل مكان

,