راع الجزيله

[ابوالهيثم]

ياميرمدري وش اباقـول محتــار = محرج ولا من يابوسلطـان حيلـه
وانا من اللي صار كنـي علـى نـار = أقوم وجلـس والجـوارح عليلـه
تعبت من كثر الهواجــس والأفكـار = أرهقت نفسـي والمحامـل ثقيله
الوضع كايد والسبب مـاله أعــذار = اللـي كتـب يجيـك والا تجيلـه
اشكي عليك الحـال ياواف الأشبــار = يافزعـت المضيـوم يـوم الدبيلـه
الوقت قـاسي والليالـي لهــا ادوار = وغير الله وثم أنت مالـي وسيلـه
وانتم من اللي يوم روغـات الإبصـار = عـز الدخيـل ويكسبـون النفيلـه
آل سـعود اللي لهم كـل الافخــار = حكمنا اللـي يحتمـون الفضيلـه
امجـادهم ماتنحصر بين الاسـطـار = صحايف بيـن الصحايـف نبيلـه
وانا نصيت اللي ليـاصـار مصــار = ذاك الـذي يعـز مـن يعتزيلـه
بندر ابو سلـطان محمـود الاذكــار = اللي وصوفـه بالوصايـف قليلـه
واخـتامها بزكاء تحيـه بالأشــعار = وعذر وسامح وأنت راع الجزيلـه

هذه القصيد موجهه الى صاحب السموالامير/ بندر بن عبدا لله بن تركي آل سعود
حفظه الله
مدير إدارة الثقافة والتعليم للقوات المسلحة

من الشاعر/عياد بن عازم العنزي

[نايف سعد الخمعلي]

صح لسانك يابوالهيثم
ويستاهل الأمير بندر المدح وهم أهله

[أبو غرام]

صح لسانك ابو الهيثم

والامير منصى وزبون بحول الله

وانت شاعر

صح لسانك حتى ترضى

دمت بود

[أميرة الذوق]

«®°·.¸.•°°·.¸¸.•°°·.¸.•°®»صح لسانك يابو الهيثم

ودمت بخير«®°·.¸.•°°·.¸¸.•°°·.¸.•°®»

[سعود المسعودي]

ابوالهيثم

صح لسانك قصيده وافيه ومتكامله

بيض الله وجهك نص راقي


ويستاهل الأمير بندر المدح وهم أهله


دمت بود

[سالم صالح]

الشاعر

ابو الهيثم


صح السانك قصيدة رائعة بمن يستحقها وهو اهلا لها

[فهد الشافي]

صح لسانك يابوالهيثم
ويستاهل الأمير بندر المدح وهم أهله