اللي يبيني يبشر القلب مفتوح=واللي يروح ياعساه بحريقه - °~*¤®§(§ شبـــكة ويــلان العـربـيـه §)§®¤*~ˆ°

**عبدالرحمن الجابري الحربي** · 20/05/12, (12:55 AM)

السلام عليكم ورحمة الله وبركاته
أسعد الله جميع أوقاتكم

حاولت الابتعاد في هذه الفترة بسبب الاختبارات عن كل شيء ، لكن أبى الشعر أن يمرر ذلك الموقف مرور الكرااام

أترككم مع الأبــــيات وكلي أمل أن ترتقي لذائقتكم ،،،

الوقت يمضي والزمن يهدي جروح=والآدمي ما بين وهم وحقيقه
واقسى جروحـ (ن) تجعل القلب مذبوح=جرح الرفيق اللي بطش في رفيقه
تدري بسيطة مسألة وقت ويروح=تتبدّل أحزاني فرحْ عقب ضيقه
لا تحسبنّي عقب فرقاك بانوح=لا والله إلا العز فيني سليقه
هذي كرامة ما بها ضحك ومزوح=يبطي سفيه العقل ما بَلْ ريقه
اللي يبيني يبشر الباب مفتوح=واللي جفاني يا عساه بحريقه
لكن طلبتك قبل لا قول مسموح=بعلمك درس الحياة بدقيقه
خلّك وفيـ (ن) طيب القلب مشروح=تكسب محبّة واحترام الخليقه
واصحى الحسد والحقد من قلبك يفوح=ايحمّلك ياهوه مالا تطيقه
خوّة رجال العز تبني لك صروح=ولاّ ردي القوم حذرى رحيقه
اليوم طارح باكر تصير مطروح=والآدمي يلبس ثيابـ(ن) تليقه
ولاّ اختصار الهرج كله وبوضوح=فتّح سموعك سجله بالوثيقه
إن كان صار القرد بالعين مملوح=الله يهني الصديق بصديقه
لا ناقص(ن) عمري ولا فاقد(ن) روح=الله يسهل للحبيّب طريقه
ماني وربي عقب فرقاك بانوح=دام الكرامة والمعزّة سليقه
اللي يبيني يبشر القلب مفتوح=واللي يروّح يا عساه بحريقه

وسلامتكم ،،،

تحيـــــاتي / شاعر عظيم المشاعر ،،،
29/6/1433 هـ
20/5/2012 م

**حمد الضوّي** · 20/05/12, (01:26 AM)

الشاعر القدير

عبدالرحمن الجابري الحربي

صح لسانك مليارات يالطيب قصيده كتبت ابياتها من ذهب
لافض فوك يامبدع والله يوفقك بالإختبارات
وفالك النجاح إنشاء الله

أنقى تحيه

**سعود المسعودي** · 21/05/12, (03:43 AM)

الشاعر القدير

عبدالرحمن الجابري الحربي

صح لسانك

وبيض الله وجهك على الحضور الجزل

دمت بكل خير

**بنت راشد** · 21/05/12, (10:54 AM)

الوقت يمضي والزمن يهـدي جـروح =والآدمـي مـا بيـن وهـم وحقيقـه
الشاعر القدير

عبدالرحمن الجابري الحربي

صح لسانك

وبيض الله وجهك والله بارك فيك

**سعد النفج** · 21/05/12, (10:57 PM)

عبدالرحمن الجابري ..
صح لسانك على هكذا نص ..
مميز في المفردة و الاسلوب ..
نصائح جميلة و تجربة كتبتها لنا بهذا الرقي و الجمال ..
فقط لدي رأي :
إن كـان صــار الـقـرد بالعـيـن ممـلـوح

لو كان هكذا ( ان كان شفت القرد بالعين مملوح ) ربما أنسب

هذا لا يلغي جمال القصيدة و هو ليس عيب في النص و لكن وجهة نظر مني

مميز في كل حضور و دمت بود ..

**رونق الحياة** · 23/05/12, (05:23 PM)

ما كذب لسانك وللقلوب جروح والقلب ما ينفتح إلى للحــــبايب
بس الزمن شافي قلوب وحروج وكلا له كرامته والقلب محبوب[/SIZE]
تحياتي مع تمنياتي بتوفيق

**صالح الأسود الجعفري** · 26/05/12, (07:03 PM)

عبد الرحمن الحربي

صح السانك نص مميز
دمت بخير