جيبي تويوتا - °~*¤®§(§ شبـــكة ويــلان العـربـيـه §)§®¤*~ˆ°

**لافي مسند العنزي** · 29/10/10, (07:59 PM)

جيبي تويوتا ولاكن 000000

--------------------------------------------------------------------------------

حق الله اني معجبن باا سفاري = عقب اتجارب مع طويل المسيره
اليادق في راسك إلى البر طاري = قم شغل النيسان مافيه غيره
ماصمموه ازمالتاً للحواري= قير ادبل موجودفي جنب قيره
إليا رخصو لمدورين الحباري = وكلاً حزم عفشه وحضر بطيره
دق السويك وعرضه لسحاري = يعجبك مع عرض المسيف صفيره
يازين زوله في افياض اوخباري = يازين صوته يوم يدهش غديره
يسري مسار اذيب وقت الغداري = ويودع ظلام اليل مثل الظهيره
سواقه الي ضارياً للمساري = مايرغب الديباج ولاحريره
معودن نفسه لنوم البراري = افراشه اماء صمد والا حصيره
ومكمل العزبه بكل المشاري = ماناقصن مثقال حبة شعير ه
ومعه على ماقيل بندق اسواري = مالين محزمها جديد الذخيره
وكلاش ومسدس وسكتون ناري = ودربيل مع كنود وخنجر شطيره
جميع ماقلناه فوق اسفاري = ومعك ثلاثه من اكرام العشيره
ادناهم احلاهم يدوس المحاري = يعطيك عينه يعتبرهابريره
مالك حسايف في ازعاج البواري = وشوف المشاكل في قناة الجزيره

00 هاذي القصيده قلتها بعد تجارب طويل مع جيوب اسفاري
وتقبلو تحياتي

**محمد بن موسى** · 29/10/10, (10:01 PM)

لافي مسند

صح السانك واعتلا شانك

تقبل مروري وفائق احترامي

كن بخير

**البدر** · 30/10/10, (01:05 AM)

الشاعر لافي مسند

ياهلا وغلا .. شاعر متمرس وذو قدره فذه في كتابة الشعر

في الحقيقه القصيده فيها من مواطن الجمال الكثير وفي توصيف مميز .

صح لسانك ودمت مبدعاً

اسمح لي بملاحظه واحده فقط :

اقتباس:

ومعه علـى ماقيـل بنـدق اسـواري == مالـيـن محزمـهـا جـديــد الـذخـيـره

انت في الشطر الاول تخاطب او تصف شخص واحد مفرد بقولك "معه" وفي الشطر الثاني صار جمع "مالين" وكلمة "مالين" تصف الجمع .

ملاحظه بسيطه لاتنقص من جمال القصيده لكن اهتم في الاملاء لان القصيده في اخطاء املائيه كثيره جدا .

تحياتي لك فأنت مبدع لاشك

**حمد الضوّي** · 30/10/10, (01:05 AM)

لافي مسند العنزي

صح لسانك وإعتلا شانك قصيده جميله ويقف ورائها شاعر مبدع ,, ومن خلال ماقرأت تبين لي أنك صاحب ولع الله يوفقك يا لافي ,,, أما السفاري ونعم ولكن الجيب في نضري أفضل ولاتزعل علي يالغالي كلا ً له وجهة نضر ,,,,,,,,,,,,,,,,,,

يقول الشاعر / مرير الحبيل العتيبي في قصيدة ٍ له يصف بها الجيب

أبيض ٍ لونه مثل زبدة صميل === وأرثم ٍ خشمه مثل خشم الفحل

**سليمان مفضي العنزي** · 30/10/10, (01:52 PM)

الشاعر لافي مسند

الله عليك فأنت مبدع .. صح لسانك

وانا معك اكره التويوتا كره الموت وارفع القبعه للسفاري

وارفع عقالي لك فأنت شاعر كبير تمتع القاريء

صح لسانك مره اخرى

**بدرفهد الجعفري** · 30/10/10, (02:00 PM)

صح لسانك شوقتني للبر

واطربتني بما كتبت

صح لسانك يالافي مسند

**لافي مسند العنزي** · 30/10/10, (09:57 PM)

التوجه بجزيل الشكر لجميع اخواني على مرورهم وكلامهم الجميل وملاحظاتهم القيمه الف شكر لكم 000