عبدالكريم العواجي .. غـــــيـر ؟
يوم : الخميس .. وتحديداً " ليلة الجمعه "
التاريخ 17/ 1 / 1432هـ
الموقع : بجوار " هداج " في مدينة الشِعر " تيماء" .. وتحديدا .. قصر المعالي .
لأول مره منذ ان كتبت "قصايد المناسبات أجد الرغبه الملحه في نشر قصيدة مناسبه " ولكنها مناسبه مختلفه و في ليلةٍ من ليالي العرب ..! وأمسياتهم ذات الرونق الأنيق.. والواجهه المشرقه الشامخه.. ليلةٍ احياها .. سمو الهدف ..وبشاشة الوجوه .. وسعة الصدور .. وشفافية اللقاء .. وغيوم الكرم الممطره ..
ليلةٍ كانت على غير عادة الليل.. الذي يرمز للسواد .. وهو كذلك كـ لون ..ليلةٍ أخذت من الليل أسمه وسلبت من النهار لونـه ..ليلةٍ كانت .. كـ الحياة .. روح .. وجسد .. وأحساسٍٍ يعمر الروح والجسد ..ليلةٍ استثنائيه في كل تفاصيلها ..
بدءً من الشيخ عبدالكريم فرحان العواجي " المضيف " وأنتهاءاً بآخر من حضر في تلك الليله الصاخبه بحضورها وجمهورها الآتي.. لهدفٍ سامي .. اكتملت الصوره .. الأسمى .. الأجمل .. الأكثر بقاءاً ..
ولاغرابه بذلك عندما ندرك ان هذه المناسبه اقيمت احتفاءاً بسلامة ملك الانسانيه .. وعودة ولي عهده الأمين ..بمبادره ليس غريبه على الشيخ عبد الكريم العواجي ..وتخللها الشِعر وتكريم الشِعر .. الذي كان حاضرا بكل ما اوتى من سحرٍ وبيان .. فما اجملها من لحظات ..شكر وتقدير لولئك الرجال .. على كل شئ .. فكل شئ كان غير ..
من احساس صادق .. يدفعـه صـادق التقديـر=سلامي .. سـلامٍ يشـرح الصـدر .. تعبيـره
اسوقه وفاء .. لأهل الوفاء .. قبل أحث السيـر=علـى درب طـاروقٍ مشتـنـي مشـاويـره
على الطيب جينـا .. لاتصنّـع .. ولاتزويـر=جمعنا الوفاء .. لعيـون شيـخ الوفـاء أميـره
راع الأوله .. عبدالكريـم العواجـي .. غيـر=معي حيّوا .. الشيخ الوفـي .. طيّـب السيـره
صدى صوته الشامخ .. يزيد الفخر .. وإيثيـر=في اصدور عدوان الوفاء .. الهـم .. والغيـره
مواقف زعيم المجد .. عـز .. وبشايـر خيـر=تعيـد الكيـان اللـي فقـد بعـض .. تأثيـره
غريبـه ؟ لاوالله وارده .. ماتـبـي تفكـيـر=حفيـد العقـاب الصيرمـي .. ذي مشاويـره
هو الشيخ .. كان الشيخ هيبه .. ووجه إيجيـر=هو الشيخ كـان الشيـخ .. عـزه .. بتقديـره
هو الشيخ .. كان اللـي يقـود الرجـال أميـر=هو الشيخ .. كان القول .. بالفعـل .. تقريـره
عطا .. من وفاه .. ولاتعـوّد علـى التقصيـر=على شان يبقى البيـت .. عـز .. لخطاطيـره
بعيد النظر يسعى .. على أن الجميـع إيصيـر=على قلب واحـد .. لـو تضاعـف مخاسيـره
هذا الشيخ .. والاّ .. شيوخ بعض العرب تمرير=أسامي علـى .. لاشـي .. وختـوم تأشيـره
تنهّـض وراس الوايلـي .. ياتنهّـض.. غيـر=يرود الفضاء .. والأرض تخشـى زمهريـره
تنهّض.. ترى العالـم تحـت غفـوة التخديـر=وقليـل العقـول العايشـه .. تشكـي الحيـره
فداك القلم والحرف .. وأسماء لهـا .. تأثيـر=على هالزمـان اللـي شكـى الكـل تزويـره
نبي من يقول أنا .. لها .. الزير سالم .. زيـر=وحنّا ..صـدى صوتـه .. وثـورة جماهيـره
تعبنـا .. نؤلّـف للوجيـه .. أقنعـة تبـريـر=علـى شـان دمٍ قـرر الوقـت .. تصـديـره
تعبنـا .. نـدوّر للكسـور أضمـدة تجبـيـر=تعبنـا .. مـن الهـرج المزيّـف .. وتكريـره
تعبنا .. مابيـن الجـزر والمـد .. والتغريـر=نسولف عن .. الماضي .. وقومـه وأساطيـره
تعبنا .. من أرواية شكسبير .. شك .. اسبيـر.=نبي حاضراً له شـان .. وايـن أنـت يازيـره
وريـث الشيـوخ اليادعـى الوقـت للتغيـيـر=على منهجه يبقى .. من الصعب .. تصخيـره
ونظيف العقيـده لـو طغـى عالـم التنصيـر=مـن الصعـب عـن مبـداه صـده وتكفيـره
تنهـض وراس الوايـلـي ياتنـهـض غـيـر=يرود الفضاء .. والارض تخشـى زمهريـره
26/12/10, (11:16 PM)
راع الاوله عبدالكريم العواجي .. غـــــيـر ؟
العرض العادي
