قصيده بمناسبة شفاء خادم الحرمين الشريفين ( الملك عبدالله بن عبدالعزيز )
وعودته إلى أرض الوطن سالما ً معافا ولله الحمد
متمنيا ً أن تنال أستحسان الجميع
حيّ الربوع وحيّ طلّت نهاره=يوم ٍ به الأنفس تجلّى كدرها
يوم ٍ سمعنا به بيان الوزاره=الساعه اللي في شغف ننتظرها
عبر الأثير وذبذبات الاشاره=ذاعت وكالة واس صادق خبرها
للشعب والدوله تزف البشاره=أعظم وأعز بشارة ٍ نعتبرها
قالوا ملكنا اليوم عايد لداره=من بعد رحله تم ثالث شهرها
نعمه من الله زال شره واجاره=وانعام ربي ماخسر من شكرها
واليوم هذا كلنا بانتظاره=يالفوة الغيمه ولفوة مطرها
حييت يارمز النقاء والطهاره=ياعز شعب المملكه يافخرها
حييت ياضيّ الوطن يامناره=يانجمها ياشمسها ياقمرها
ملك ملك لاقال ينفذ قراره=ويرضى الجميع بخطة ٍ يبتكرها
يبقاء مكانه بالصدور و وقاره=ثابت على مر السنين ودهرها
ظلّه حجب عنا شديد الحراره=للشعب والدوله حياته نذرها
وحُبه دخل في كل حيّ ٍ وحاره=وقلوب كل الشعب بالحب أسرها
الجود طبعه والتسامح شعاره=واللي بها نفع ٍ لنا ماذخرها
كم من فقير أعطاه مال وعماره=وأنها معاناته وحاله سترها
كفه كما غيث ٍ بداء بنهماره=وأروى عطاش الارض وانبت شجرها
بعد أرزمت سحبه وصب بغزاره=حتى يباس الارض شابه بحرها
عم كرمه شعبه وعدّى لجاره=وحبال جوده مدها ماقصرها
وماصيغ من جمله وصيغة عباره=مكارمه مانستطيع نحصرها
الدار بحماه محميه مُجاره=من فتنة ٍ قام يتقادح شررها
بقوة عزيمه قادها للصداره=والله على الأعداء نصرْه ونصرها
الزمره اللي تتصف بالقشاره=اللي على الأسلام عوّد ضررها
شلة خزاء شلة فساد وحقاره=يارب تجعل كيدها في نحرها
ناس ٍ تحسب إن الخيانه ظفاره=ربي عطاها قلوب وأعمى بصرها
مدري يبون المشيخه والاماره=وإلا على الحكم المساكين شرها
يامن عرف مصدر قديح الشراره=من حثها من مدها من ومرها
ومن سبب الفتنه علينا حصاره=كلمة زعيم المملكه من ذكرها
وقت ٍ وجيز ودورة ٍ وإفتراره=ونقضي على الفتنه بشتى صورها
ونسقيهم السم الذحاح بغضاره=ومن ثم تنهار وتموت بقهرها
ناس ٍ حصل فيها إختلاف وغياره=سارة على نهج الفقيه ودمرها
الخاين اللي قام يسرج مهاره=سيوف الغدر بوجيه الامه شهرها
لعل تدبيره يكون لدماره=ويجني ثمار الفتنه اللي بذرها
بإذن الله الواحد قريب إنهياره=ونحوله بالحفره اللي حفرها
والله ليبطي مافرح بإنتصاره=ومقاصده يبطي عظم ماقدرها
لامثاله الطايف يصوت شهاره=مختص بعلاج الجنون يحشرها
""""""" وسلامة الجميع """"""""
09/05/11, (06:36 PM)
{{ عبرالأثير وذبذبات الإشاره }}
العرض العادي
