صبـــاحكمـ / مسائكمـ معطر برائحة الخزامى والنفل
الله يسعد هالوجيه بخيــــر
من يوم قالوا لي ترى نجد مسيـــول=وقلبي كما طير ينهض حبالـــــه
قالوا لي العذال تدله على طـــــــول=وقصرت وطالت مير ماني بداله
وياعاذلي واردك ماهو بمقبـــــــول=مير اسمحوا لي كل ابخص بحاله
مشف بنجد وسجة فيه بحـــــــــلول=وقت الربيع اليا سقى الغيث جاله
ما مثل نجد وخص واد الرشا اقول=زينه الى اخضرت مراتع حلالــه
زينه اليا شفته من البدو منــــــزول=ولا جا عليه ارسوم كل عنالــــــه
محبتي له وقت رجعان ومحــــــول=مانيب ناسن سجة مع رجالـــــــه
ربع على وقت القسا تذبح الحـــول=اليا جاهم الطرقي دله عن عيالـــه
ألا يا صبا نجد متى هجتِ من نجد...
..................لقد زادني مسراك وجدا على وجد...
نجد التي أثارت الهوى و الفتون،،، ونشّأت ليلى والمجنون،
نجد أجا وسلمى وأبانان، وحيث سهل القصيم والصمّان،،،
وحيث اليمامة ذات النخيل و الزروع، والأودية والعيون.
مسارح الجلال والجمال،
............ ومشاهد البداوة والحضارة،
..................... مجالس النشاط والقوة،
..................................والمروءة والفتون.
لقد هام الشعراء بها عشقا فوصفوا مغانيها ومباهجها فتغزلوا بشيحها وخزامها
وبانها فترابها غب المطر عود ومسك وعنبر.
نجد في الشعر العربي
ونقرأ هنا لمجنون ليلى وقوله في (نجد):
أكرر طرفي نحو نجد وأنني =إليه وان لم يدرك الطرف أنظر
حنينا إلى أرض كأن ترابها =إذا مطرت عود ومسك وعنبر
بلاد كأن الأقحوان بروضة =نور الأقاصي وشي برد مجر
وهذا الصمت بن عبد الله القشيري يبدع في قصيدته الشهيرة التي يقول فيها:
أقول لصاحبي والعيس تهوى =بنا بين المنيفة فالضمار
تمتع من شميم عرار نجد =فما بعد العيشة من عرار
وللصمت أيضا قصيدة تعد من غرار القصائد التي تغنت بنجد:
وقد غنتها سفيرة النجوم إلى الأرض الفنانة (فيروز)
قفا ودعا نجدا ومن حل بالحمى =وقل لنجد عندنا أن يودعا
بنفسي تلك الأرض ما أطيب الربى =وما أحسن المصطاف والتربعا
وهذا أبو فراس الحمداني يقول:
يذكرني (نجدا) حبيب بأرضها =أيا صاحبي نجواي هل ينفع الذكر
وقال المتنبي:
نحن أدرى وقد سألنا بنجد =أقصير طريقنا أم يطول
وكثير من السؤال اشتياق =وكثير من رده تعليل
وكثيرة هي القصائد التي قيلت عن نجد والتي يحتاج رصدها إلى سفر طويل يضيق المقام عن الإحاطة ببعض ما قيل فيها.....
وكما ألهمت نجد شعراء الفصحى كذلك وكان لشعراء الشعر الشعبي وقفات مع نجد... وما أدراك ما نجد؟!..
نجد في الشعر الشعبي..
يقول الأمير الأديب المبدع خالد الفيصل في قصيدة له بعنوان "سريت" أهداها للأمير سلمان بن عبد العزيز قال فيها:
سريت ليل الهوى لين أنبلج نوره =أمشي على الجدي وتسامرني القمرا
طعس وغدير وقمر ونجوم منثوره =وأنفاس (نجد) بها جرح الدهر يبرا
(يا نجد) ألأحباب... لك حدر القمر صوره =طفلة هلال وبنت أربع عشر بدرا
حبيبتي (نجد) عيني فيك معذوره =معشوقة القلب فيها للنظر سحرا
فضة شعاع القمر في (نجد) مسحوره =من شاف لمعة قمر في خدة السمرا
وليالي نجد ليس لها مثيل.... يقول الأمير خالد الفيصل أيضا:
ليالي نجد ما مثلك ليالي =غلاك أول وزاد الحب غالي
ليالي نجد للمحبوب طيبي =أمانة نور عيني يالليالي
وقال الأمير محمد بن أحمد السديري في قصيدة بعنوان(الدمعة الحمراء)
سقى (نجد) من نور السماء صادق بالحياء =من الهرف هطال تقافا سحايبه
أنا عفت (نجد) وصاحبي بين حيها =ولا ذكر محبوب جفا دار صاحبه
ولكن حبيبي حيل دوني ودونه =وحبل الرجاء من قطع كف جاذبه
أنا عفت (نجد) وحبها يسكن الحشا =وفيها عزيز الجار قلبي يداعبه
سقى نجد مما قلت تسعين حجة =زهر عشبها فيها مغطى ذوابيه
تركت (نجد) ولي (بنجد) بضاعه =حريب الردا ما رضى على الذل حاجبه
وللأمير محمد بن أحمد السديري قصائد عديدة في نجد وفيها:
أنا من (نجد) يكفيني هواها =ويبري لوعتي شربي لماها
هذا وصف رائع لنجد وهذا البيت من الشعر هو عندي في ميزان قصيدة
ولريم الصحراء أبيات جميلة تقول فيها:
يا (نجد) لو حبيت ما أحب مثلك =لا والذي يا(نجد) بالعز غطاك
حبك بوسط القلب يا(نجد) يكبر =روحي معاه العمر يا(نجد) تفداك
يا(نجد) يا عزي ويا عز غيري =يوم الوفاء والجود والعدل مبداك
هذه هي نجد موئل السحر والجمال بنسيمها العذب الرقيق اللطيف فتنت الشعراء وفجرت لديهم ينابيع الشعر هتانة عذبة ...
فهذا الشيخ ابن هذال يقول في احدى قصائده:
يا نجد لا جاك الحيا صيحي لنا =وشبي لنا بدار المقوقي نار
يا نجد لا جاك الحيا وصي لنا =لا زان وقتك وأرسلي عمار
حلفت أنا يا نجد ما أرخصك عندي =مير الدهر والوقت فينا جار
كل مايمرالوقت حبّك يزيدي=يانجد ياللي ساكنه بالوريدي
أنتي وماأنتي شي عادي بدنياي=حبّك سكني يالحبيه أكيدي
06/03/09, (11:56 AM)
يــانجد // ماذكــر محبوب" جفــا دار صــاحبه....
العرض العادي
