يرف قلبي ؟؟؟؟؟؟

[سلمان الردسا]

لعيونك انظم ماطرى في خيالي 00000 وتسطرن كله على طرق آغي
يرف قلبي كان طيفك طرالي 00000 رف القطا والشمس عند انبزاغي
وانهد كني حر جا من عوالي 0000000 لامن عثا بالجول صلف وطاغي
اسرق نظر لا شفت زولك قبالي 0000000 ولاناظرتني صرفت اعدل شماغي
تدري ابي امثلك بكيف ببالي 0000000 ماينظمونه كاتبين البلاغي
احن لك حنين خلج المتالي 000000000 او حنة احوار من الجوع راغي
من شوفك انا اضيع من اول لتالي00000 وتنحل وسط القلب كل البراغي
افتح فمي بين العقل والهبالي 000000 من شافني يقول ماهو بصاغي
ومن دون شوفك عندي الكون خالي 0000 وكل عشق غيرك داخل القلب لاغي
انت الحلال وطلتك راس مالي 00000000 وانا الضما يامشربي ومستساغي
في هيبتك كنك مثل جيب غالي 00000 يارنج يالكزس يا بي ام ناغي
ما اقبل بغيرك وان عرض لي موالي 00000 مع خافقي برمجك حتى دماغي
واللي خلقك وصورك ياحلالي 000000 غير الغلا والشوق مالي مباغي
طيبك يذكرني بهبوب شمالي 000000 موجود عشقك ما لفا من فراغي
لاتسمع العذال بي لاتبالي 0000000 اهل الحسد واهل القلوب اللواغي
لا لا تخليني على جمر صالي 000000 يامن عنك شوفي ولا يوم زاغي
كانك تبي تغيب ياويل حالي 00000000 تكفا تعلمني على وين باغي