نتائج المسابقة الرمضانيه للشعراء لعام 1432هـ

[هندي المقبل]

اعضاء وزوار شبكة ويلان العربيه الكرام

اسعد الله اوقاتكم وكل عام وانتم بخير

في البدايه نعتذر لكم عن تأخر اعلان النتيجه بسبب ظروف بعض الاخوه اعضاء لجنة التحكيم .

وثانيا باسمي واسم جميع اعضاء وادارة شبكة ويلان العربيه يسرني ان اتقدم بالشكر الجزيل والتقدير لكل الشعراء الذين شاركوا في هذه المسابقه دعما منهم لها فلهم كل الشكر والتقدير والجميع بأذن الله فائز ولم يتم طرح هذه المسابقه الا لأعطاء الشعراء فرصة للتعبير عن مافي صدورهم تجاه شهر رمضان المبارك وعيد الفطر السعيد .

وقد تم طرح هذه المسابقه في بداية شهر رمضان المبارك وهي من فكرة الشاعر سالم صالح وتنفيذ الشاعر سعد النفج مشرف قسم الشعراء وكانت المسابقه مقسمه الي جزئين الاول كان تقييمه من 60 درجه عن شهر رمضان المبارك والثاني من 40 درجه عن عيد الفطر السعيد .

وقد تم استقبال عدد جيد من القصائد للشعراء المشاركين في هذه المسابقه وتم ارسال جميع قصائدهم مرقمه بدون أسماء الي لجنة التحكيم التي وضعت بدورها الدرجات التي تراها .

وقد قام مشرف المسابقه بجمع هذه الدرجات وفرزها واستخراج الترتيب النهائي للمتسابقين وسوف يتم اعلان اصحاب المراكز الاولى فقط وللشعراء الباقين حرية نشر نصوصهم في اي وقت .


والان .. يسرني ويسعدني نيابة عن لجنة المسابقه ممثله بالمشرف عليها الشاعر سعد النفج ولجنة التحكيم التي قيمت القصائد وهم :
الشاعر : سعود العواجي
الشاعر : سعد النفج
ناقد ويلان: البدر

ان ابارك لأصحاب المراكز الاولى واعلن النتيجه النهائيه وهي كالتالي :


المركز الاول : الشاعر حمد الضوي

حصل على 227 نقطه من 300
حصل في المرحله الاولى على (139 من 180) وحصل في المرحله الثانيه على (88 من 120 )

يحصل على :

1- وسام المركز الاول بالمسابقه في شبكة ويلان العربيه
2- قسيمة شراء بقيمة 600 ريال سعودي من مكتبة جرير
3- 1500 نقطه تضاف الي تقييمه

المركز الثاني : الشاعر عبدالرحمن الجابري الحربي

حصل على 226 نقطه من 300
حصل في المرحله الاولى على (146 من 180) وحصل في المرحله الثانيه على (80 من 120)

يحصل على :

1- وسام المركز الثاني بالمسابقه في شبكة ويلان العربيه
2- قسيمة شراء بقيمة 100 ريال سعودي من مكتبة جرير
3- اشتراك في جريدة الرياض لمدة سنه
4- 1000 نقطه تضاف الي تقييمه

المركز الثالث : الشاعره بنت راشد

حصلت على 216 درجه من 300
حصلت في المرحله الاولى على (119 من 300) وحصلت في المرحله الثانيه على (97 من 120)

تحصل على :

1- وسام المركز الثالث بالمسابقه في شبكة ويلان العربيه
2- اشتراك في جريدة الرياض لمدة سنه
3- 500 نقطه تضاف الي تقييمه

وختاما اتقدم بالشكر الجزيل والعرفان لكل من :

مشرف المسابقه الشاعر : سعد النفج
صاحب الفكره الشاعر : سالم صالح
اعضاء لجنة التحكيم الكرام
الشاعر : سعود العواجي
الشاعر : سعد النفج
الناقد : البدر

وسوف يتم التواصل مع الشعراء الفائزين لكي يتم تسليمهم الجوائز العينيه ومنحهم الاوسمه والنقاط ان شاء الله .


وسوف تجدون قصائد الشعراء اصحاب المراكز الثلاث الاولى في الرد التالي ...

[هندي المقبل]

مشاركة الشاعر حمد الضوي الحاصل على وسام المركز الاول

المرحله الاولى

هل رمضان وكل مُسلم تهيّا=لعبادة الرحمن رب البرايا
شهر التسامح بالحساني مليّا=بصيامه الصدْقات تمحى الخطايا
فيه يتقرّب كل عبد ٍ تقيّا=يرجو عفو ربه عظيم العطايا
وفي فاقة الفقري يحس الغنيّا=ويعطف على المعوِز وينفق زكايا
يابخْت من يجعل به الليل حيّا=يوم الكسالى بالمراقد غفايا
خذها نصيحه ياللبيب الذكيّا=وافتح سموعك وانتبه للوصايا
إغنم لوقتك دام جسمك عفيّا=فرصة عمر للغافلين اللهايا
وأخلص لوجه الله في كل شيّا=وسدد وقارب والعمل بالنوايا
تنجا بيوم ٍ طايل ٍ سرمديّا=يوم ٍ عظيم ٍ به تبين الخفايا
وتكشف سراير كل بير مغطيّا=والخلْق محشوره حفاة ٍ عرايا
وإما سعيْد تصير وإلا ّ شقيّا=يالله عسانا في سعد لا شقايا
برفقة محمد بالمقام العليّا=نشرب من حياض الرسول الرهايا

المرحله الثانيه

بالأمس شهر الصوم نوّخ ركابه=واليوم شهر الصوم يعلن شديده
ياعزتي للي رحل مادرابه=وغيره من الحسنات زوّد رصيده
وعيد الفطر شارف هلابه هلابه=يالله علينا كل عام ٍ تعيده
العيد بالأسلام ماله مشابه=له ذوق غير وله مزايا عديده
يلبس به المسلم جدايد ثيابه=ويعيش فرحه من سواها فريده
عيدين سنّه للنبي والصحابه=لاعيد يوجد غيرهن بالعقيده

========================

مشاركة الشاعر عبدالرحمن الجابري الحربي الحاصل على وسام المركز الثاني

المرحله الاولى

ياهاجسي شد الركاب وخل لك قسم وسهم=بين الرجال اللي تسابق للمعالي كل حين
اكتب بيوت الشعر وارفع من طموحك والهمم=والله يوفقنا ونرجع ياهجوسي فايزين
وأشهد إن الفوز الأعظم والمكاسب والأهم=إنا بلغنا خير الأشهر يارفاقي سالمين
يا مرحبا بك يا ارْمضان عداد ما خط القلم=ضيفٍ جميع المسلمين قلوبهم لِهْ فاتحين
تِفْتَحْ بهْ أبواب الجنان الخلد والرحمة تِعم=ويصك باب النّار ويصفّد به إبليس اللعين
شهرٍ به الغفران والتوبة لمن نفسه ظلم=شهر العبادة والتكاتف خوّة الدنيا ودين
شهر العطا والجود والخيرات ذا شهر الكرم=فيه نتسابق بالعطايا رحمة الله طالبين
بِهْ ليلةٍ من صام فيها وقام عز الله سلم=هي ليلة القدر الفضيلة خير من كل السنين
الصوم في هذا الشهر له لذّة ولون وطعم=يجمعنا بأحبابٍ وأقارب من يسار ومن يمين
وإليا أذّن المغْرٍبْ تشوف بعينك أصناف النّعم=أرزاق من عند الإله الفرد رب العالمين
وإليا حضر وقت السحور نخاف كله من وهم=إن المؤذن أذن وحنا ما زلنا جايعين
طالبك ياللي مالك أمثالٍ ولا غيرك رحم=تعتق رقاب عبادك اللي لأجل عفوك صايمين

المرحله الثانيه

العيد ياحلوه ومحلى لياليه=في كل عامٍ له تواجد وميعاد
كلٍّ يدوّرْ بهْ عزيزٍ ومغليه=ويقول بالخيرات يا جِعْل ينعاد
وكلٍّ يدوّر به حبيبٍ ويهديه=عيديّته باللي بها خاطره جاد
وأنا تعبت أنادي الخل وأرجيه=وأرسل له أشواقي ولكن مافاد
واليوم جيت بصادق الود أهنيه=كل عام وانت الخير يا رمز الأعياد
عيديّتي شوفه وذكره وطاريه=وعيديّته حبٍّ بالاشواق يزداد

=========================
مشاركة الشاعره بنت راشد الحاصله على وسام المركز الثالث

المرحله الاولى

موسم حصاد وموسم(ن)للتجارة = وموسم تزيد أعمالك الصالحاتي
هل رمضان وبارك الله مزاره = وانزل به القرآن وهدي(ن) ثباتي
من قام ليله ثم صام بنهاره = تكتب له الحسنة بعشر حسناتي
ويضاعف الله حسنته باقتداره = ومنزله بآياته المحكماتي
رب(ن) رسم للكون خطة مساره = وبلغ عباده في حبال النجاتي
في منهج الإسلام صدق ومناره = ومعزت (ن) بالآخرة والحياتي
من يرزق المحتاج ممن جواره = وقام الصلاة وثم يوتى الزكاتي
وصام رمضان وناجح باختباره = به ليلة (ن)ياهب بها المكرماتي
كل يعد خطاه يبغى الصداره = وأنا طلبتك رفعتي يا غناتي
ما هان عبد(ن) يرفع الله وقاره = يا الله ترحمني وترحم أمواتي
وصلوا على المختار بأزكى عباره = على النبي سلامنا والصلاتي

المرحله الثانيه

عسى يعود العيد في عز الاسلام = وعسى الفتن والتفرقة ماتعيدي
للعيد بهجه والطفوله لها احلام = وحنا انتليها في خضم القصيدي
ناسً تقتل بااليمن واوسط الشام = وشلون نفرح لا لبسنا الجديدي
وشلون نفرح والجسد غادي أقسام= ومقسمينه بالفشق والحديدي
الشعب توه صاحين عقب مانام = والي على السلطة عتيً عنيدي
ناسً تقطع بالاواصل والارحام = وكلً يقول لزمرته ياالشهيدي
يارايت التوحيد رفي لقدام = وياجعل عمرك ياابو متعب مديدي
انتم حمات البيت عسكر وخدام = والشعب حبك وانت رايك سديدي
رفعت اهل العز يا حبر الاسلام = وكل القبايل دمهم بالوريدي
صلاة ربي والتحية له ختام = على نذير الخلق يوم الوعيدي

[اسيرة الزمن]

مبرووووووووووووووووك الفوز للفائزين

تستاهلــــــــــون الفوز

يعطيك العافية اخوي هندي

[محمد الدلماني]

الف مبروك للفائزين في المسابقه الشعريه الشاعر حمد الضوي والشاعر عبدالرجمن الحربي والشاعره بنت راشد والشكر موصول لمشرفي القسم على جهودهم طيلة الشهر الكريم والشكر موصول ايضا للجنة التحكيم

[البدر]

في البدايه شكرا للأستاذ سعد وجميع من ساهم في انجاح هذه المسابقه

ثم اهنيء وابارك للأخوه الشعراء الذين تميزت قصائدهم واستحقوا الفوز

الف ميروك للشاعر الكبير حمد الضوي ولاهو غريب الفوز عليه فهو شاعر يستحق وذو شاعريه مميزه

والف مبرروك للشاعر عبدالرحمن الجابري على نصوصه التي تميزت في هذه المسابقه واتمنى ان يستمر عبدالرحمن على هذا المستوى المشرف

والف مبرووك للشاعر القديره بنت راشد وهي شاعره لها قصائد مميزه جدا وتستاهل الفوز

اتمنى للجميع المزيد من النجاح واشكر منظمي المسابقه على ثقتهم بي وان شاء الله اني انا واخواني ادينا الواجب

من القلب الف مبروك وشكرا للجيمع

[**masha3el **]

الف مبروووووك للفايزين
واقولهم صح لسانكم جميع

تستاهلون الفوووز مبدعين

والف شكر للشاعر سالم صالح
والساده المشرفين شكرا لجهودكم

تحياتي وتقديري

[مشاعر شآمخه]

الف الف
مبارك
من نجاح الى نجاح