اقول..ياعاذلي رح مالك ومالي....... - °~*¤®§(§ شبـــكة ويــلان العـربـيـه §)§®¤*~ˆ°

**احمد العريفي** · 22/01/11, (03:45 PM)

أقـول ياعاذلـي رح مالـك ومـالـي=نفس الفتى ماتحب اللـي يعـذربهـا
اناابخص الناس في حِلي وترحالي=النفس نفسي واعرف اشلون احاسبها
لضاق صدري وتاه من الغـثـا بالـي=والارض ضاقت وضاقت بي مناكبهـا
نصيت لي مرقبٍ في صحـصحٍ خالـي=في راس رجمٍ تصافـق بـي هبايبهـا
بارضٍ خلا خاليه ماحولـك الوالــي=بس الذيابه تعـاوي فـي مراقبهــا
جلست في مرقبي ابكي على حالــي=من حـرةٍ بالحشـا زادت لواهبهــا
وقامت تكسر بصدري عـبرة الجالـي*=اللـي قبـل يتِقـي لـد لمضاربهــا
وقمـت اتفكـر بوقتـي اول وتالــي=وشلون عقب الصفا شانت مشاربهــا
طاوعت ثنتيـن والثنتيـن غربالــي=استاهل اللي حصل لي من مصايـبهـا
يامن يوصـل لابوجـراح* مرسالـي=انا على العهد احارب مـن تحـاربهـا
لغبت عني تكـدر خاطـري السالـي=لغابـت الشمـس ماتنفـع كواكبـهـا
دامك رفيقـي ورب البيـت مابالـي=اضرب على الكايده مانـي بهايبـهـا
يالله طلبتك ودمـع العيـن همالــي=اغفر ذنوبي قبـل تِنشـب مخالبـهـا

احمد بن عبدالرحمن العريفي
(نديم المجره)

*وهو الذي جلا عن مضارب قبيلته بسبب جنايه ارتكبها
*احمد بن ثامر بن سليمان السعدون

**بندر السديري** · 22/01/11, (03:59 PM)

اقتباس:

نصيت لي مرقبٍ في صحصحٍ خالـي
في راس رجمٍ تصافق بـي هبايبهـا
بارضٍ خلا خاليه ماحولـك الوالـي
بس الذيابه تعـاوي فـي مراقبهـا
جلست في مرقبي ابكي على حالـي
من حـرةٍ بالحشـا زادت لواهبهـا

الله عليك ياالغالي
صح السااااااااااااااااااانك
وعلى شاااانك
يعافيك ربي
تحيااتي

**عبدالله المعيوف الدهمشي** · 22/01/11, (05:55 PM)

أقول ياعاذلـي رح مالـك ومالـي=نفس الفتى ماتحب اللـي يعذربهـا
اناابخص الناس في حِلي وترحالـي=النفس نفسي واعرف اشلون احاسبها

أحمد العريفي

كالعادة مبدع

صح لسانك

**حمد الخمعلي** · 22/01/11, (08:37 PM)

الاخ الشاعر احمد العريفي

صح لسااانك 0

كُن بخير

**محمد بن موسى** · 22/01/11, (11:24 PM)

[quote=احمد العريفي;333110]

وقامت تكسر بصدري عـبرة الجالـي*=اللـي قبـل يتِقـي لـد لمضاربهــا
وقمـت اتفكـر بوقتـي اول وتالــي=وشلون عقب الصفا شانت مشاربهــا
طاوعت ثنتيـن والثنتيـن غربالــي=استاهل اللي حصل لي من مصايـبهـا

احمد بن عبدالرحمن العريفي
(نديم المجره)

صح السانك مدد بلا عدد اخي الكريم
لله درك يا احمد على هذة الجزاله الغير مستغربه
وعلى هذا الوصف الذي اضفى على روعة الابيات رونقاً وجمالا

تقبل مروري وفائق مودتي

دمت كما انت مبدع

**سعد بن هندي** · 23/01/11, (01:27 AM)

الشاعر / احمد العريفي
صح السانك وعلا شانك
وتقبل مروري المتواضع

**ماجد الغانم** · 23/01/11, (02:19 AM)

أحمد العريفي

صح لسانك ..ولاهنت

نص مميز تظمن الجزالة والأبدااع

دمت بكل خير ..ودام هذا التواصل

تقبل جل تقديري واحترامي