فــــــــــ الشي ـــــــــــــاقد..

[غموض الشمال]

جمر الغياب اللي وسط خافقي حي=احرق عروق القلب والهم فاحي
وجور المفارق له مظاريبٍ وكي=اركى على جرح الحشى واستباحي
بأسباب من فقده كما فاقد الضي=ظلمى حياته بعد مالشوف زاحي
وش حالة العطشان لافارق المي=حالي مثل حاله من الهلك طاحي
اقفى وانا عقبه طويت الفرح طي=والدمع من بعده على الخد ساحي
ياما دمحت اخطاه وله فارد إيدي=ومن شان عينه ماشتكيت الجراحي
إلين ماطاوع غروره مع الغي=قال افترقنا وكلن بدرب راحي
ماهو غياب ايام وواسبوع وشوي=فرقى غدى منها كسيرٍ جناحي
ودعته الله موادع الحي للحي=عساه من بعدي سعيد استراحي
هذي نهاية من طلب فاقد الشي=وشلون يعطي والمشاعر اشحاحي

[مشهور الرشدان]

الشاعره القديره / غموض الشمال
صح لسانك ياغموض قصيده جزله
تختلف عن قصائدك الاخرى لله درك
وبنتظار جديدك

[أبو غرام]

الشاعره المبدعه / غموض الشمال
ماشاء الله تبارك الله
مبدعه في كل نهج تنتهجينه
فحتى الحزن والفراق ورغم مرارته
إلا أن شاعرتنا أجادت وتفننت به
فلله دركي وحفظكي الباري مما أصابك
وأعاضكي الله خيراً منه
ابيات جزله وقويه أجبرت اخاكي رغم ظروفه
بالتواجد وتسجيل الاشادة والتي لستي بحاجةٍ لها
إلا أن جمال النص وبعده يستحق المرور وتسجيل الحضور هنا
اخوك / ابو احمد

[حمد الضوّي]

الشاعره القديره

غموض الشمال


صح لساك ملايين على هذا الإبداع قصيده معبره
وحبكة شاعره متميزه
لله درك إختاه




تحايا

[محمد دعسان]

الشاعره القديره غموض الشمال
الله الله الله بوح من القلب
ابداع حقيقي كل الصدق به
لله درك
تقبلي مروري
الله يحفظك

[بندر السديري]

إلين ماطاوع غروره مـع الغـي
قال افترقنا وكلن بـدرب راحـي

غموض الشمال
صح الساانك اختي
ابدعتي ياالشاعره
ولاهو غريب عليك الابداع
فـ انتي شاعره متمكنه
تحيااتي

[ميامين]

راائعه رااائعه راائعه ... ياغموض

حروف لامست وقع الفراق والغياب

في الروحـ يالغلااااا

سلمتي وصح نبضك .. وتستحق التقييييم

تقبلي حضوري ياورد