( عشره ) - °~*¤®§(§ شبـــكة ويــلان العـربـيـه §)§®¤*~ˆ°

**أبو غرام** · 17/02/09, (02:20 AM)

‏(‏ عشره )

--------------------------------------------------------------------------------

*الأرض ماتمحل وفيها رجاجيل=والنفس ماتجزع وهي في وطنها
*والرجل طيبه هومته للمطاويل=لا هاوم العليا بطيبه ظمنها
*أن جيت أشكلهم بعيني تشاكيل=صنفتهم عشره بالأرض وسكنها
*الأول الشهم بكرامة حلاحيل=اللي على الشيمات يامر وينهى
*والثاني اللي له من الطيب تحصيل=اللي الى شبت يطفي فتنها
*والثالث اللي بالكرم له معاميل=صيته وصل لديار ما قد سكنها
*والرابع الوافي بكلمته لاقيل=واليا و عد نفسه بوعده رهنها
*والخامس اللي مثل برق عدا سهيل=خيله يروضها ويقضب رسنها
*والسادس المسكين لف المحاحيل=اللي به الحرمه تلفي ظعنها
*والسابع ضعيف بلا قوه وحيل=لاغليت المدات يرخص ثمنها
*والثامن اللي خاسر"ن" وزنه وكيل=وسط المجالس مايوجب صحنها
*والتاسع اللي صوورته التماثيل=عد الرخوم و كلمته ما وزنها
*والعاشراللي لا ذلول"ن"ولا خيل=لامن عدن يحسب ولا من بدنها
*الرجل في وصفه مثل ممطرالسيل=أما ربيع الأرض ولا أمتحنها
*ياما أختلف جيل عقب ماطلع جيل=والفرق فيهم فالطباع وحسنها
*الفرق فيهم ذا كريم وذا بخيل=هذاك ساسه طيب وذا حاد عنها
*وختامها صلوا على ماحي الليل=اللي له الجنه ألهه ضمنها

وسلامتكم
دانة القصيد

م ن ق و ل ة

كما هي