ردي على الشاعر بندر المطرفي........ - °~*¤®§(§ شبـــكة ويــلان العـربـيـه §)§®¤*~ˆ°

**عادل العايش** · 20/09/06, (07:46 AM)

السلام عليكم ورحمت الله وبركاته
أعجبتني قصيدت أخوي بندر المطرفي وأعجبتني قوة أبياته
فلذالك حبيت أن أجاريه وعسى أن تنال أعجابكم
ولكم قصيد الشاعر بندر المطرفي

ايه عنـزه ماهمنـي قـول نـواف
ورعن صغير وغارقـن بالجهالـه
ايه عنزه ربعي على العـز طـواف
حاميت عز المجد فـي كـل حالـه
ايه عنزه ربعي هلا العـز ماشـاف
مجدي رقى من فوق مجـده وطالـه
صغيرنا واقف على الباب مضيـاف
رابي على الفزعات من طيب فالـه
وكبيرنا ينزف من الطيب باسـراف
تلقـاه يفـرح لا لقـى مـن عنالـه
عطني جواب اللحين ياخوك لا تخاف
عطني جواب اللي عطيتـك جوابـه
وش حيلة اللي خصمه اليوم نـواف
كلبـن نبـح وتخوفـه فـي ظلالـه

وانتم بكرامه

وهاذا ردي على الأخو بندر

الهرج لامن زاد ياخوك ينعاف =والقول في غير المواقف جهاله
والحكم يستوجب لراعيه الأنصاف =والله أمرنا نلتزم بالعداله
يابندر ماكل الأقاويل تنشاف =والحر ماداج العصافير باله
وأنا ماجيت أعلمك وأنت عراف =ياخوك لاتبدا أضنونك جواله
يابندر أبدعت الترانيم بالقاف =وأبدعت في تلحين حرف الجزاله
وأنا علي أرد للكاف بالكاف =حسب الدروس المتقنه للعماله
تاريخ وايل مجد من ماضيٍ طاف =ألين هاذا اليوم مجده يناله
أسيوفنا وقت اللقا ماهن أرهاف =مادامها بيدين عز أو أصاله
ويلان رمزٍ شامخٍ مابه أخلاف =طال الذي غيره عجز لايطاله
وأنته وأنا ماهمنا قول نواف =ورعٍ صغير وغارقٍ بالجهاله
على الورق خطيت ردي من الجاف =للمطرفي بندر طريقت رساله
وأختامها يالوايلي شد الأكتاف =ولا تلتفت لهل الهزل والحثاله

تقبلو تحياتي
عادل العايش