,’,’, خســارة فيــك الشنـــب والعمــامه ,’,’, - °~*¤®§(§ شبـــكة ويــلان العـربـيـه §)§®¤*~ˆ°

**مشاعر حالمه** · 16/08/06, (10:32 PM)

السلام عليكم ورحمة الله وبركاته ..

قصيدة كتبتها منذ زمن ..وهي في زوج صديقتي السابق ..( لأنه لايستحقها كزوجه فهو جااااااااحد ونذل )

لاتستغربون لأنها صديقة عمري من أيام المتوسطه ^____^

لو ينبت براسك نخل والله ماأجيك
انا عزيزة نفس وعندي كرامه

اذلف عسى الله لايردك ويبليك
بلوى كبيره ماوراها سلامه

كل الخطا اللي صار من تحت اياديك
خسارةٍ فيك الشنب والعمامه

عزالله ان اللاش واحد يساويك
ياواحدٍ فيك البخل والرخامه

جعل العمى ياخاين العهد يعميك
وتقضي حياتك دايمٍ في ندامه

ماتستحق اللي يحبك ويغليك
ولاتستحق اللي غمرك بغرامه

آخر دعاي الله من العقل ينسيك
وتعيش في دنياك دون ابتسامه

هذا غضب مظلومةٍ من تعاليك
راحت ضحية للجهل والزعامه

وسلاااااامتــكم ...

ملاحظه / أهديها لكل زوجه مظلومة من زوجها ..

**عبدالله المعزي** · 16/08/06, (10:50 PM)

جعل العمى ياخاين العهد يعميك
وتقضي حياتك دايمٍ في ندامه

الاخت / مشاعر حالمه

والله الي راح فيها الرجال صح اللسانك وسلم بنانك

والحقيقه انك راعية فزعه تسلمين

تقبلي تحياتي 00000000

**سندريلا** · 16/08/06, (11:14 PM)

صح لسانتس طال عمرتس

بيض الله وجهتس على هالقصيده

بأنتظار كل مافي جعبتك فلا تبخلي علينا

تحياتي

**مشاعر حالمه** · 16/08/06, (11:26 PM)

اقتباس:

المشاركة الأصلية كتبت بواسطة عبدالله المعزي

جعل العمى ياخاين العهد يعميك
وتقضي حياتك دايمٍ في ندامه

الاخت / مشاعر حالمه

والله الي راح فيها الرجال صح اللسانك وسلم بنانك

والحقيقه انك راعية فزعه تسلمين

تقبلي تحياتي 00000000

خخخخخ

خله يروح فيها احسن ..والله ( بعد طلاقها منه حكت لي كل شي عنه )<<== ماكني سويتها سجع

فيه ناس قالوا يمكن مايستاهل هاللي كتبته فيه ...بس لو الكل يعرف بقصتها معه راح يدعي عليه ^__^ ..

ومن قلّ التوفيق امه غاضبه عليه يادافع البلا ...

وصديقتي رفيقة عمر وانشهد لو بغت عمري فدوةٍ لها ..( ماعندي غير ملايكتها تشهد على كلامي )

مشكووووووووووووور ياخوي عبدالله المعزي لاهنت والله على المرور ..

تحيتي لك / مشاعر حالمه ..

**مشاعر حالمه** · 16/08/06, (11:31 PM)

افتخر اني عنزيه ...

تسلمين فديت راسج يالغاليه ..

صح ابدنج ولاهنتي والله على المرور الكريم ..

تحيتي لج / مشاعرحالمه ..

**شمــــــــوخ** · 16/08/06, (11:35 PM)

يالبى قلبتس بس ياأم الفزعااااات

أجل لاصار شيء واللااااااش علمتس تفزعين لي خخخخخخخخخ

أي وربي خساره فيه الشنب والعمامه

تسلمين يالغلاااااااا

وصح لسااااااااااااااانتس وعلا شانتس

.

تقديري لـ قلمتس النزيه

,,

**مشاعر حالمه** · 17/08/06, (12:23 AM)

شمــــوخ ..

^________^

انا اللي لبى قلبج فديت روحج ^________^

صح ابدنج يالغاليه ولاهنتي ..

تحيتي لج / مشاعر حالمه ..