سعد بن شايش تفضل من هجوسي ماتريدة

[ماجد الغانم]

سعد النفج :شاعر فرض احترامة للكثير بحسن أخلاقة ورقي تعاملة

وهذه الأبيات تشرح نفسها....

اقبل الهاجس لفكري وابتدى جوالقصيده=والجزاله سارت الليله لمن نال الجزاله

سعدبن شايش تفضل من هجوسي ماتريده=جاك من صميم القلب شي مضمون وكاله

ماتصنعت المشاعروالوفا ماسّكْه بيده=جيت اصوغه لجل شخصك دون ماأرثي لحاله

لانك بكل اختصار/ن مصدر العز وحفيده=جدك اللي في زمانه زبن الخايف وشاله

قصةِ/ن تذكر من اول ماهي بقصه جديده =ولاني اللي ابتدعها اوسردها من خياله

جيت لك وانابن عمك عاشق حروف/ن فريده=صاغها فكرك بحِرفه واكسبت شعرك جماله

بحرشعر/ن لاقريتك والمعاني بك سديده =نال منك الشعر فخره واعلن بعز احتفاله

لانك بحس الجزاله تكتب الشعر وتجيده=وتدحراللي في عروقه خبث مخلوطه نذاله

نحو هالقمه تقدم لاتعثر بالمكيده=سل سيف العزم بيدك واصعد المجد ابساله

أنت فيك الطيب سامي والجزل فكرك يصيده=لا يهبّط عزمك اللي نظرتة بس ال ظلالة

اكفخ بجنحان حر/ن طوح النظرة بعيده=واهمل اللي لاكتب بيت القصيدة عد عالة

مثلك المعنى بفكرة والشعر راهي رصيده=وانت اكبر من كلامِ ينظمه شعر الهزالة

[نافع عيد الجديد]

الغالي ماجد الجعفري
يشرفني ان اكون اول من صافح هذه الشامخه
وصح لسانك ملايين ولا يكفون
وابو شايش يستاهل كل الطيب والله ومليون نعم بالجميع
تقبل فاائق احترامي وتقديري

[صبيح العوض]

اخي الشاعر القدير ماجد الجعفري
كل عام انت بالف خير وعافيه ودام الله هذ التميز الغير مستغرب على ماجد الغانم
صح السانك ملايين ولا تقول الا الصحيح عن سعد بن شايش وقصة جده المعروفه عند من يدور العلوم الطيبه وبو شايش يعتبر معتق رقبه بفعله الي قليل من يسوي سواته
وسعد شاعر مميز في جميع حضوره ونشاالله نقراء رد اخوي سعد عن قريب
تحياتي واحترامي للجميع

[سعد النفج]

الراقي و الشاعر المبدع / ماجد الجعفري
تنحني كلمات الثناء خجلاً من حرفك الراقي
لا أعلم من أين أبدأ و كيف أبدأ ..
و لكن ..
لا أستغرب هذا الإبداع و هذه الثوره التي ابدعت بكتابتها شعرياً..
حميّا لا تستغرب عليك يا ابو غانم ..
احرجتني فعلاً بهذه الفاخره ..
صح لسانك حتى ترضى و يعلم الله انك من الأقرب إلى القلب ..
بيض الله وجهك و بارك الله فيك ووفقك لما فيه خير ..
و شكرا لك و الشكر لا ينتهي ..
دمت بخير ..
و شكرا للمبدع / نافع الجديد على تعليقه الراقي و هو مميز دوماً و شهادتي فيه مجروحه ..
و أشكر العم / صبيح العوض الذي افتخر به و افتخر بتواجده هنا على تعليقه الراقي و المميز و الذي لا يستغرب عليه و هو من الشعراء الذي ابدعوا في الشعر و تعليقه وسام شرف لي ..

[محمد بن موسى]

الرائع / ماجد الجعفري

صح السانك مدد بلا عدد

ونعم المادح والممدوح

نص راقي لايجيد نزفه الا شاعر بقامة ماجد

وشاعرنا الراقي / سعد النفج يستاهل ان يطرز اسمه بماء الذهب

فهو رمز للرجوله والشعر وسمو الاخلاق

ادام الله المحبه بين الجميع

كن بخير

[حمد الضوّي]

الشاعر الراقي/ ماجد الجعفري

صح لسانك قصيده مدح جزله من شاعر جزل بمستوى ماجد الجعفري وألف نعم فيك وفي الممدوح الشاعر المعروف سعد النفج الذي يستحق كل كلمة مدح قلتها فيه يا أخ ماجد وأكثر ..فأدام الله عزكم وأدام الود والمحبه والألفه بينكم ,, ودمتم سالمين ..............ولكم تحياتي جميعا ً

[**masha3el **]

الشاعر الراقي

ماجد الجعفري

صح لسانك على جزاله نصك وجمال معانيه

ماجد الجعفري
شاعر يجبر الجميع على انتظار نصوصه العذبه وماتحمله من ابداع ورقي في الطرح
لله درك على ما زينت به صفحات المنتدى من ابداعات شعريه

وشاعرنا العذب
سعد النفج \
يستاهل كل كلمه خصصته بها في نصك
فهو شاعر يشتهر بسمو اخلاقه وجمال قلمه حين يسكب ابداعاته وعطره الشعري يلفت الانظار في جمال كلماته

الله يجمعكم دوم على المحبه ولا يغير عليكم

تحياتي وتقديري