ضيقة البال

[فهد الشافي]

يامن حديتيني على ضيقة البال

ماكفاك عن طرح السؤال الرسالة

يعني ضروري صوت وحساب جوال

وارهاق فكر وموجبات انشغاله

حاضر بحاضرواسمعي روس الامثال

جواب يتحمل جوابه سواله

الحب نفس الحب في كل الاجيال

لو يختلف مع كل جيل مجاله

ياكثر ماعذب مشاهير وابطال

كم عاقل عن واقع العقل شاله

اكبر من التعبيرفي كل الاحوال

واخطر من الاخطار في كل حاله

كم جادل تحتل بالحب رجال

ويشاف بعيون الجميع اختلاله

ما مثلها يرخص له الحال والمال

اغلى من الغالي من اغلى عياله

عن حبها ما يحكم الدمع لاسال

لو طال تعذيبه على طول باله

هذا القليل وغير ماهوب ينقال

الحب منه العقل يرجح هباله

واكبردليل محدثك شاف الاهوال

الله لو تدرين عن ماجرى له

عاش العذاب سنين مع كل موال

باسباب حب تل قلبه وجاله

حب الهنوف اللي لها الحب لازال

حب غصب ماهوب طيب وجماله

الشاعر الكبير/ دحيم النومسي

[صالح الضويحي]

يعني ضروري صوت وحساب جوال
وارهاق فكر وموجبات انشغاله

لـ كل شي ضريبه .. لكن يكفي ان نرتشف
عذوبة الحرف ..


فهد الشافي



للموقف صورٍ جسدها الشِعر
في لغه رائعه


تحياتي لك

[فهد الشافي]

شاعرنا القدير صالح الضويحي

اطلالة وتعليق تعطي للقصيدة رونقآ أخاذآ

وابتهاجآ بإنارتك لمتصفحي

فائق الود

[طلال الايداء]

سلمت ذااائقتك على النقل المميز


وفي انتظاار الجديد بااذن الله
اخوكـ طـــــــــــــــــــــلال الايداااء

[فهد الشافي]

شاعرنا القدير طلال الايداء

حضورك اللبق هو الذي اعطى للقصيدة التميز

سعدنا بوجودك

فائق الود

[سليمان الجعفري]

الحب نفس الحب في كل الاجيال = لو يختلف مع كل جيل مجاله
ياكثر ماعذب مشاهير وابطال = كم عاقل عن واقع العقل شاله
اكبر من التعبيرفي كل الاحوال = واخطر من الاخطار في كل حاله
كم جادل تحتل بالحب رجال = ويشاف بعيون الجميع اختلاله

فهد الشافي

الله يعطيك الف عافيه على

النقل المميز والطرح الراقي

تقبل تحياتي

[الجادل]

فهد الشافي

ذائقة متفردة بإختيارك للعذوبة هنا

دمت ودام لنا هذا الحضور يزين صفحات منتدانا

تقديري