:: إذا أنـــفـــرط وجـــه الـحـــيـــاااا ::

[بدر الحنيف]

:::


اسعد الله اوقاتكم بكل خير ،،

الشعر ووجيه الرجال ومنطق الفكر الرزين=الله يسوّد وجه ... ما ياف الرجال حقوقها
يا الله دخيلك من حديث النفس وأبليس اللعين=دام العقل نعمه وبـ عقول الرجال فروقها
وانا رجل قبل الشعر أعين طيب .. وأستعين=ما راس مالي بـ الشعر لامن عرض محوقها
من قبل لأقبل للشعر محد ٍ نظر لي بـ نص عين=وجيته والا شافت عيوني غير شي يلوقها
ما ضاف لي حاجه والا عيّنت منه الأسودين=ما غير يا سلطان نفسي منه كثر حروقها
قـوم اتحّـفاني سلام ٍ حار والملقى الحسين=وانا ادري ان بـ وقفتي يفور دم عروقها
قدام عيني تفتخر بي والخفايا بين .. بين=ومنـّيــتي .. لو بيد واحدهم عليّ يسوقها
دامي جبل قدامهم لا يذخرون القوتين=واثق بـ حالي وأعرف السكه وأدل اطروقها
"عـووذه" .. من أفواه الغبا والعالم المتلونينين=بـ متونها بشت ٍ مـبيّـن للعيون .. افتوقها
يا ليتني ما صرت شاعر حين أجي المستشعرين=قوم ٍ تنفخ بالهياط وبـ العلوم شدوقها
اكره هنا حالي واقول الله يعين الصابرين=بـ مزون ماصبت مطر لكن تلوح ابروقها
عموا على الشعار والشعر الاصيل .. المارجين=أللي ضمايرهم من الحقد اللعين خروقها
يا كثرهم شعار لكن تفقد الفكر الرزين=أللي يلامس ذوق طرحه للحشام وذوقها
مثل المرض وجودهم والدااء نقل الكلمتين=بـ العالم اللاهين والمقفين كثر طقوقها
خزعبلات الشعر ما تظفر بـ فكر الراشدين=من تعطي المقدار للحيّه حسب منطوقها
خصيم نفسه كل عاقل لا وصله وجهتين=وألا المعاني .. تاجد النقاد لاجت سوقها
على الشعر وجودهم يشبه كلبشات الرتين=مدري البلا بـ قلوبها .. والا البلا بـ حلوقها
فـ أذا انفرط وجه الحيا .. وألا عرق سطح الجبين=هنا تأكد ضيعت الطاسه بّيد مطفوقها
ينعاف شعر ٍ يجمع السربوت والرجل الرزين=في مستوى واحد واحكام العرافه فوقها
للشعر ووجيه الرجال .. ومنهج الطرح الثمين=الطيب يبقى من يوفي للرجال حقوقها

أحـــــتــــرااااامي للــجــــمـــيـــع










،،

[هبوب العنزي]

ينعاف شعر ٍ يجمع السربـوت والرجـل الرزيـن
فـي مستـوى واحـد واحكـام العرافـه فوقهـا
للشعر ووجيه الرجال .. ومنهج الطـرح الثميـن
الطيـب يبقـى مـن يوفـي للرجـال حقوقـهـا



صح لسانك مليوووون ..


بدر الحنيف .. شعر سياسي غزلي مدح هجاء دائما مبدع يابدر ...

[سالم صالح]

الشاعر الرائع والمبدع


بدر الحنيف

صح السانك مبدع اين ماتحل وثق ثقة تامة اخي انه لن يبقى الا الشعر الاصيل طال الزمن والا قصر والدليل ان الناس لاتتداول الا الشعر الجميل والفاتن والا الهزيل هزيل ولن يبقى

ودام هناك شعراء مثلك وشرواك فالشعر بخير ولله الحمد وهم كثر

قصيدة رائعة وتحمل من المعاني والمفردات الجميلة والفكر النزيه الشيء الكثير فالله درك


ابيات متماسكة وبيت افضل من الاخر لذلك لم انتقي بيت بعينه لاني خفت من ان تغار الابيات الاخرى فالقصيدة كلها رائعة وكاتبها رائع


تقبل تقديري واحترامي لك واسف على تواضع ردي

[طلال الايداء]

صح الله لساانـك

اخووووي بدر ولله دركـ على هالنص الرااقي


ولاهنت وقلمي يصغر اماام نصك الشااامخ


وفي انتظاااااااااااااار جديدكـ بااذن الله


اخوكـــ طـــــــــــــــــلال الايــــــــــــــــــــــــداااء

[الجوكر]

شاعرنا القدير

بـــدر الحنيف

اجاده بأصابة الجزاله...ومعانقه للأبداع

فلقد ارتوينا بنص اشبه بالزلال...وأخرجت ردوود

كانت تجوش بصدورنا..

هنا نص تلألأ بالسطوع امام متذوقي الشعر ومحرق

للمتشبثين بسرد الكلمات المستشعره..


دوماً مبدع

[ماجد الغانم]

الشاعر القدير


بدر الحنيف

ما أروع هذه الأطلالة التي تشبه البدر بجمالها

...
.
هنا منبع الشعر الأصيل..والمفردة الرااقيه


لله درك ..لله درك ..لله درك

بدر الحنيف ..بدر الحنيف..بدر الحنيف

أسم عندما أجده أتأكد أنني سأرتوي شعراً

كل الشكر على هذا النص الرااقي والملتهب

الذي أصاااب الهدف بكل دقة

هكذا عرفتك ..ولازلت واثق بأن بدر يحمل الكثير من الأبداااااع


...
.

دامـي جبـل قدامهـم لا يـذخـرون القوتـيـن
.......واثق بـحالي وأعـرف السكـه وأدل اطروقهـا
"عووذه" .. من أفواه الغبا والعالـم المتلونينيـن
............بـمتونهـا بشـت ٍ مبيّـن للعيـون .. افتوقهـا

وأنا أقول ياجبل مايهزك ريح

صح لساااااااااانك بلاعدد

ودمت بكل خير ...وداام هذا النزف الرااقي والجزل
..
.

تقبل خالص تحياااااتي

[سعد النفج]

الشاعر الرائع

بدر الحنيف

أهلا بهذه الجزاله الهائله..

و أهلا بهذا النبع ..

صح لساااانك يا بدر

اشبعتنا شعر و ارويتنا من عذوبته..

شاعر بكل ماتعنيه هذه الكلمه من معنى..

قصيده تستحق الوقوف عندها مرات و مرات و مرات

.
.
تقديري