لانساح خاطرك الليالي تنوشه - °~*¤®§(§ شبـــكة ويــلان العـربـيـه §)§®¤*~ˆ°

**مشهور الرشدان** · 22/03/11, (02:27 AM)

بسم الله الرحمن الرحيم
السلام عليكم ورحمة الله وبركاته
ابيات متواضعه علها تنال رضائكم

لانساح خاطرك الليالي تنوشه = تدله معاه احيان واحيان مهموم
اما تركت الهم والا تحوشه = والا سهرت الليل والعالم اتنوم
ترجف عروق القلب كنها امخروشه = والزاد كنه سم في عرقي ايعوم
اسباب غرون عذبتني ارموشه = يرمي سهام الموت من قبل لايقوم
شدوبه العربان واقفت اطروشه = والعين تذرف دمعها وبل ديموم
اشرب من الدله وكنها امغشوشه = ماميز الفنجال لاصرت محروم
يالله يامشبع اسباع ابعروشه = تنزل علي الصبر ياحي قيوم

**غموض الشمال** · 22/03/11, (07:51 AM)

صح الله لسانك اخوي مشهور

نص جميل ورائع من شاعر عودنا على الابداع

لاهنت اخوي على تميزك وروعة حروفك

تقديري لك

**بندر السديري** · 22/03/11, (11:57 AM)

مشهور الرشدان
صح الساانك ياالغالي
ولاهنت ع هاالابداع الغير مستغرب
يعافيك ربي
تحيااتي

**محمد بن موسى** · 22/03/11, (01:23 PM)

الراقي / مشهور الرشدان

دائماً ماتشدني نصوصك فأنت تملتلك اسلوب خاص لا يتقنه الا مشهور

لله درك على مافاض به قلمك من درر

وصح فكرك ملايين يالغالي

تقبل فائق الود والمحبه

كن بخيرر

**حمد الضوّي** · 22/03/11, (03:04 PM)

مشهور الرشدان

{ مطنوخ الويلان }

صح لسانك وإعتلى شانك
مبدع في كل حالاتك يامشهور
لاخلا ولا عدم يامبدع

تحايا

**عبدالله المعيوف الدهمشي** · 22/03/11, (08:45 PM)

أنا أشهد أنها جزلة

صح لسانك يا مشهور

صح لسانك ملايين

**مشهور الرشدان** · 22/03/11, (10:57 PM)

الشاعره القديره / غموض الشمال

صح بدنك شاعرتنا الرائعه والاروع مرورك وتشريفك الذي
زاد من جمال هذه القصيده شكرا جزيلاً