ليه..بدر بن عبد المحسن

[غموض الشمال]

ليه ؟


ليه أحس وانا اشوفك حزين
وقلبي الليله بهمي ممتلي
كانها الفرقا .. طلبتك حاجتين
لا تعلمني .. ولا تكذب علي



خلني مابين شكي واليقين
السكوت رضاي عنك .. وازعلي
باكر اللي خافي لازم يبين
الوعد بلقى مكانك به خلي
وانتظر لي ليلةٍ او ليلتين
لين مايقفي السحاب وينجلي
ولا طويت الياس بذرف دمعتين
للهوى الغالي وبوادع هلي
صاحبي باموت من كثر الحنين
خلني بختار لحظة مقتلي


الشاعر : بدر بن عبد المحسن


مما راق لي

[نافع عيد الجديد]

ماراق لكي راق لنا مشرفتنا القديره
وصح لسان شاعرها الاميربدر
رعاك الله

[غموض الشمال]

مشرفنا القدير نافع الجديد
شرفني مرورك العطر اخوي
كل التقدير والاحترام لك

[سليمان الجعفري]

الاخت الفاضله / غموض الشمال

صح لسانك ولسان الشاعر/ بدر بن عبد المحسن

اختيار رااائع وراااقي ..الله يعطيك الف عافيه

تحياتي واحترامي لك

[غموض الشمال]

هلا فيك أخوي سليمان
الاروع هو مرورك العطر
تقديري لك

[مشاعر شآمخه]

ماراق لكي راااق لي
كلمات لامست اعماق قلبي
رائعه تفوق الجمال
تسلم يداكي
غلاتي
مودتي

[احساس قلم]

الله على اختيارك
يا غموض الشمااال
ومن فيه مثل مهندس الكلمة يصيغ هذه الاحرف
صح لساانه وصح االساانك
دمتي بود