طفل الوفاااا - °~*¤®§(§ شبـــكة ويــلان العـربـيـه §)§®¤*~ˆ°

**طلال الايداء** · 14/08/08, (04:45 AM)

جيت المكان وشدني فيـه نظـرات= طفل(ن)وحيد وفي عيونـه هزيمـه
جيته وبعرف وش سبب هالمعانـاة =كلي فضول(ن)شالني مـع عزيمـه
حـاول اداري خاطـره ببتسامـات =حيث الحزن راسم على الوجه غيمه
وش بك كسير(ن)جالس هناك بالذات =كنك سجين(ن)متهـم فـي جريمـه
ثم صد عني دون يدلـي باجابـات =ثـم التفـت يمـي بنظـره اليمـه
وش لك بطفل(ن)صار بعداد الاموات =طفل(ن) فقد ضمة كفوف(ن)رحيمه
طفل(ن)كساه الضيم وضاع بمتاهات =جالس سنين(ن)يشتكي هـم ضيمـه
ثم قلت له وش فيك تـوك ومافـات =سلم الطفل بهجـه وفرحـه حليمـه
اطفالنا مابيـن ضحـك ومسـرات =بالعابهـم فيهـا البـراءه عظيمـه
زاد الانيـن بداخـلـه والتنـهـات =والعيـن تنثردمعهـا مثـل ديـمـه
انا طفل مالي مـع النـاس هقـوات =طفل انولد في وقت غـدر وظليمـه
حاولت اكابر لكن الوقـت هيهـات =وقت(ن)تجرعتـه مآسي سقيمه
هذا زمان يخـص اهـل الخيانـات =صار الغدر مابيـن عـز وحشيمـه
ثم قلت له حاول تعيش المساحـات =حاول تذل الوقـت بنفس(ن)كريمـه
ثم ردلـي والصدريزفـر بحسـرات =طفـل (الوفاء)ماعادلـه اي قيمـه
ثم انثنيت ورحت بسكـات بسكـات =كلي الم وجروح وصدمـه وخيمـه
ماكنت اصدق بالقصص والروايـات =ان الوفا ماله مـع النـاس شيمـه
لين الطفـل بيـن حقيقـة خفيـات =وصدقت بانه صار ذكـرى قديمـه

**masha3el ** · 14/08/08, (04:57 AM)

الفاضل طلال
صح لسانك
ابيات رائعه جدا
ثم قلت له حاول تعيش المساحـات
حاول تذل الوقـت بنفس(ن)كريمـه
ثم ردلي والصدريزفـر بحسـرات
طفـل (الوفاء)ماعادلـه اي قيـمـه
ثم انثنيت ورحت بسكـات بسكـات
كلي الم وجروح وصدمـه وخيمـه

تحياتي ومودتي

**جنون الحلم** · 14/08/08, (09:06 AM)

ماكنت اصدق بالقصص والروايـات
ان الوفا مالـه مـع النـاس شيمـه
ليـن الطفـل بيـن حقيقـة خفيـات
وصدقت بانه صار ذكـرى قديمـه

نافذه صادقه للبوح الدامي
هنا حرف يأسر الذائقه
لاعدمناك
اختك جنون الحلم

**الصقار** · 14/08/08, (01:51 PM)

الاخ طلال الايداء

سلمت وصح السانك ...قصيده معبره .......تقبل مروري ودمت بخير

**عليا الشمري** · 14/08/08, (04:42 PM)

انا طفل مالي مـع النـاس هقـوات
طفل انولد في وقت غـدر وظليمـه
:
:
لاخير في الشعر إن لم يكفكف دموع الواقع بقوافيه
وأنت هنا شاعرناالفا ضل كفكت الدموع بهذه القصيده
التي تناولت شيئا من الجوانب المظلمه
صح لسانك وطاب فالك
ودمت مبدعاااا
تقديري
:
:

**ماجد الغانم** · 14/08/08, (07:24 PM)

الغالي

طلال الأيداء

صح لسااااانك ...ولاهنت

ما أجمل هذا الأحساس الصادق
وتجسيد الواقع

لله درك

دمت بكل خير ...............ودام هذا الحس الشعري المتميز

تقبل تحياااااااااااتي

**طلال الايداء** · 15/08/08, (01:46 AM)

صح الله بدنكـ

اختي مشاااعل
ولاهنتي على المرووور العطر

والقااادم افضل باااذن الله