بسم الله الرحمن الرحيم
السلام عليكم ورحمة الله وبركاته
أما الشاعرة نورة الحمود من الظفير فهي كانت متزوجه من رجل اسمه قبلان من ضمن موظفي إمارة القصيم في عام 1331هـ قبل
وقعة جراب بسنتين أرسل أمير القصيم
رجلاً يقال له ابن عامر في الليل لإحضار زوجها للمغزاء قالت:
ياويل بن عامر من النار ويلاه
اللي سعى بفراق مروي الرهايف
مستانسه كل أول الليل وياه
وتاليه عانق موميات السفايف
عسى الزلايب كلهم من فداياه
والى فدوا قبلان مالي حسايف
حبه حويل محيل والحال يبراه
حبه ثقيل وحب غيره خفايف
وفي ليلة من الليال رأته في المنام وقالت أبيات منها تقول:
قبلان هرجني وانا في منامي
وفزيت له ما بين فرحه ودهشان
الكاذبات الخاينات الحلامي
للعين جانبه وهو يم كبشان
وفي شهر محرم من عام 1331هـ قتل زوجها قبلان في شهر محرم
ويسمى بلهجة بعض أهل نجد شهر العمر..
وتقول من ضمن أبيات لها بزوجها قبلان:
لاقيل هل العمر حزنت
هذي سوات العمر فيه
أنا بطرد الهوى غربلت
غربال يوسف وانا حيه
لولا معي من عشيري بنت
عانقت منهو ضرب نيه
دام اللحد ما حفر ودفنت
فانا بخلي رجاويه
البلد سالت وانا ماسلت
دايم عيوني شقاويه
07/07/11, (02:33 AM)
شاعرات من الماضي( السادسة )؟
العرض العادي
