قصة وقصيدة بين اثنين من شعراء عنزة وشمر

[خليف فراج الشمري]

السلام عليكم ورحمة الله وبركاته :

( القصيدتين رواهن لي العم عبدالله عودة السويدي )

ابورد لكم قصيدة الشاعر / مقبل بن حمود المخلص العنزي

عندما كان جار لقبيلة (السويد) من شمر لفترة من الزمن وعندما رجع الى ديار عنزة قال هذه القصيدة .



ياحمود واحمل عقدتي لاتحله *** خفيفة سلام جار على جار

ياحمود ياجيت اطرف النجع قله *** قله نوادعكم بنعيمات الاذكار

ياحمود ياجيت اطرف النجع قله *** اولاد صقر مدلهة واله الجار

عسى مفاليهم بسحب تبله *** تشرب ضواميهم وتبذر بالاخضار

سحابة على متالع مهله *** وبذارها بس الزبيدي ونوار

وبيوتهم مثل الهضاب المضلة *** ورباعهم تلقى بهن بن وكتار

وركابهم تشكي الحفا والمملة *** دبر(ن) غواربهن من حث الاوثار

ياجن من العدوان مثل الاهلة *** ياحمود من العدوان يلفن بالاخبار

واسعد منهم باللقى فزعة له *** اهل الندى ياحمود بلوذات الاسعار

ياحمود يعزون الولد عن هل له *** وكلامهم ماعاد يظهر على الجار

ولا أحد قربه على الكبد علة *** مسوي جماله لو يجدد لك الدار



وهذه قصة الشاعر / ساكر الخمشي

عندما كان جار لشمر في منطقة سلمى منذ صغره , وعندما كبر وجاه عيال وكبروا اشاروا عليه ان يعودوا الى

ديار ربعهم , ورجعوا لكنه لم يستطيع ان يصبر عن جيرانهم الذين عاش معهم اكثر عمره , وقال هالابيات :

يامل قلب عايل ثم عايل *** يامل قلب عايل واحلولاه

اعلمه باصله من اولاد وايل *** متولع مع شمر(ن) علق الشاه

متولع مع كاسبين النفايل *** اللي لهم عند الملازيم عاداه

ورجع الى منطقة سلمى حتى توفي رحمه الله .


وهذا ليس بمستغرب بين ابناء قبيلتين متجاورتين , وليس مستغرب من الشاعرين من حفظ حق الجيران .


رحمهم الله جميعآ ..

[حمد الضوّي]

خليف فراج الشمري


سلمت أناملك والف شكر لك على ماطرحت
وهذا ليس بغريب من الطيبين إظهار الجميل
وهذه عوائد شمر وعنزه دون قاصر بجميع القبائل
بيض الله وجهك يا أبا وافي


تقبل جل تقديري

[سليمان الجعفري]

يامل قلب عايل ثم عايل
،،،،،،،،،،،،،،، يامل قلب عايل واحلولاه
اعلمه باصله من اولاد وايل
،،،،،،،،،،،،،،، متولع مع شمر(ن) علق الشاه
متولع مع كاسبين النفايل
،،،،،،،،،،،،،،، اللي لهم عند الملازيم عاداه

خليف الشمري
بارك الله فيك على طرح الرااائع والمميزة
وحسن الجوار ليس مستغرب من شمر وعنزة
حيث انهم تعاقبو اللحم والدم جيران وخوال ونساب
لك تحياتي

[سالم العنزي]

خليف فراج الشمري

لاغريب ان ياتي الطيب من شمر فلهم الكثير من السوالف في اكرام الجار ولاتهون بقية القبائل

والقصص كثيره واذكر منها مثلا قصة الحربي نسيت اسمه اللي يقول

الله سأل ياحمود عن معرفة يوم = وحنا ثمان سنين ياحمود جيران
ياحمود يظهر لك صديق من القوم = ويظهر من الربع الموالين عدوان

الي ان قال ..
خليتهم ياحمود مابه على لوم = مستانس في وسط نزل العليان
ماكني الا عندهم باشة الروم = ميزاننا يرجح على كل ميزان

والعليان فخذ من شمر

شكرا ياخليف على ما اوردت

[صالح الأسود الجعفري]

خليف الشمري

تسلم يمينك ع مااوردت
ماهو غريب ع شمر الطيب
وحسن الجيره دون قاصر بالقبايل
دمت بخير

[خليف فراج الشمري]

حمد الضوي

سليمان الجعفري

سالم العنزي

صالح الاسود

الف الف شكر لمروركم

وليس غريب الطيب لا من قبيلة شمر ولا قبيلة عنزة

وليس غريب حفظ حقوق الجار بينهم

ولا هو قصور بباقي القبايل

[خلف الغريب]

من قصيدة لي بإحدى المناسبات ألقيت قصيدة منها هذه الآبيات :

الطيب كنز ولا يحوز الكنز غير أهل الكنوز =واللي يحب الكنز يبحث عنه حتى يكنزه
واذا لقيت الكنز ما بين الطنياي والعنوز=ماهي غريبة ينتشر ما بين شمر وعنزة
حنا تبارينا بها واثنيننا دايم نفوز=وايل تسجل معجزة شمر تسجل معجزة

اشكرك اخوي خليف على ايراد القصة والشواهد ولا هي غريبة على شمر مدلهة الغريب ..