{{ خوّة رديّ المعرفه تنكب العفش }} - °~*¤®§(§ شبـــكة ويــلان العـربـيـه §)§®¤*~ˆ°

**حمد الضوّي** · 30/07/11, (10:39 PM)

السلام عليكم ورحمة الله وبركاته

أحبتي أضع بين أيديكم هذه الأبيات التي وجهتها لإبني الأكبر ( خالد )
أرجو أن تنال إستحسان الجميع
كما أسأل الله جلّت قدرته أن يصلح لنا ولكم ولجميع المسلمين

الأبيات

يا خالد إن رافقت للخبل والدفش=عرّضت نفسك للزراء والشمايت
رافق لقرم ٍ مايجي خاطره طفش=عونك لياشاتك من الوقت شايت
والسر لاتفشيه لو قالوا إلا ّ افش=أهل الهروج ملقطين الحتايت
يهرج بك اللي ينفش السالفه نفش=ومن ألسنتهم بالمجالس فلايت
وخوّة ردي المعرفه تنكب العفش=و امرافق الهايت يقولون هايت
ومن لايقوت النفس في هامته هفش=في ذمتي للغير ماهو بقايت
وجه القشر ضاري على القبض والكفش=والهرج باهت والملامح بهايت
لعل ذاك الراس لمعبرد القفش=اللي يخلي كل عظم ٍ شتايت

وسلامة الجميع

**محمد دعسان** · 30/07/11, (11:15 PM)

صح السانك اخوي حمد
وبيض الله وجهك
تقبل مروري الله يحفظك

**حمد الضوّي** · 30/07/11, (11:30 PM)

اقتباس:
المشاركة الأصلية كتبت بواسطة محمد دعسان
صح السانك اخوي حمد
وبيض الله وجهك
تقبل مروري الله يحفظك

محمد دعسان

صح بدنك ووجهك أبيض يالغالي
شرفني مرورك بارك الله فيك
لاخلا ولا عد يالعزوه

تحايا

**محمد البويليد العنزي** · 31/07/11, (03:01 PM)

الشاعر القدير// حمد الضوي
صح لسانك وعتلا شانك على هذا الابداع
شاعر جزل ومافيك حيله
وانا من المتابعين لشعرك
وشهادتي فيك مجروحه
كل الشكر لك
دمت بخير
وبنتظار جديدك

اخوك// محمد العنزي

**جايز المفوز** · 31/07/11, (05:17 PM)

الشاعر القدير// حمد الضوي
صح لسانك وعتلا شانك على هذا الابداع
شاعر جزل

كل الشكر لك
دمت بخير
وبنتظار جديدك

**حمد الضوّي** · 31/07/11, (08:03 PM)

اقتباس:
المشاركة الأصلية كتبت بواسطة محمد البويليد العنزي
الشاعر القدير// حمد الضوي
صح لسانك وعتلا شانك على هذا الابداع
شاعر جزل ومافيك حيله
وانا من المتابعين لشعرك
وشهادتي فيك مجروحه
كل الشكر لك
دمت بخير
وبنتظار جديدك

اخوك// محمد العنزي

محمد البويليد العنزي

صح بدنك والإبداع يكتمل بمجرد مرورك الذي يشرفني ويسعدني كثيرا ً
بارك الله فيك وأدام الله حضورك المميز
وشهادتك وسام على صدري وأعتز بها
لا خلا ولا عدم ياالعزوه

تحايا

**حمد الضوّي** · 31/07/11, (08:07 PM)

اقتباس:
المشاركة الأصلية كتبت بواسطة جايزمليحان المفوز
الشاعر القدير// حمد الضوي
صح لسانك وعتلا شانك على هذا الابداع
شاعر جزل

كل الشكر لك
دمت بخير
وبنتظار جديدك

جايز بن مفوز

صح بدنك ومرورك شرف والجزاله بمرورك
بارك الله فيك وفي حضورك المميز دائما

تحايا