( قصــيـــدة شبــكــــة ويـــــلان ) ..دعــوة لكــافــة الشــعــراء

[نايف سعد الخمعلي]

عفواً هناك خطأ كتابي لم ألاحظه

والظاظما روحي على خـوة اللـي=ماهرجته وش قال وش قلت قل لي
اللـي لخاطـر صاحبـه مايعلـي=إن مالفاك بزوود ماجا بنقصـان

[نايف سعد الخمعلي]

المشاركة الأصلية كتبت بواسطة ابو غرام

صح لسانك مرة اخرى اخوي ناايف الخمعلي

والف شكر لك ولجميل تفاعلك هنا

في ظل نوم وسبات وغياب البقيه بمن فيهم اصحاب الفكره

خلف وسعد النفج

فائق الود والتقدير ... والغايب عذره معه

صح كلك يابوغرام
والعفو اخوي
انشا الله يجون وان ماجو بيت علي وبيت عليك

[نايف سعد الخمعلي]

الالف اببدا و اقطـف مـن المعانـي=الفيـة ٍ تـروي ضمـا كـل عـانـي
و انا الحكم تـروي ضمـاي بزمانـي=و العلـم غانـم و الجزالـه بويـلان
والبـا بـدايـة قافـنـا نـذكـر الله=مبري سقيم الجسـم مـن كـل علـة
اللـي فطـر فينـا الهدايـه جبـلـه=وشرع لنا الاسلام هو خيـر الاديـان
والتـا توكلنـا علـى خيـر بــاري=منشي مزوناً منهـن السيـل جـاري
الـواحـد الـلـي بالخفـيـات داري=سبحان رب الكون سبحـان سبحـان
والثاء ثبت في صرحنا الطيـب لازال=وهذي عوايدنـا علـى مـر الاجيـال
ومن يجحد المعروف ماهـو برجـال=من ..؟ يرسل المكتوب من غير عنوان
والجا جميل القول ينجب لـك اخـوان=من غير قومك تقترب نـاس واعـوان
قالوا قديـم العـرف بالقـول ميـزان=من عاقبه بالفعـل ضايـع وخسـران
والحـاء حبيـب الـكـل يامنتـدانـا=حنـا تجمعـنـا يـخـوف عـدانـا
وليـا بغانـا مــن بغـانـا لقـانـا=متجمعيـن وكلنـا مثـل الأخــوان
والخاء خيـوط الطيـب ياهـي قويـة=مـن بيننـا سلـم المحـبـة عتـيـة
لـو نبتعـد نبقـى قلـوبـن سـويـة=مافرق اهل الطيـب دورات الازمـان
والدال دوك العلـم لاصـرت واعـي=حـق الخـوي لابـد انـك تـراعـي
يبقى الخوي في نهجنـا مـا يباعـي=لأن الأخــوة ماتـقـدر بالاثـمـان
والذال ذل المال ماهـو علـى الكيـف=تخونـك الأيــام لازارك الضـيـف
ماينفعك لو تشهـر الرمـح والسيـف=المرجلـه صـارت تقـدر بالاثمـان
والراء رقي المجـد ماهـو ب(هيّـن)=لابـد تتعـب ليـن ذكـرك يبـيّـن
من لاصبـر للعسـر ماشـاف ليّـن=هذي هي الدنيـا مسـرات واحـزان
والـزاي زاد أهـل العقـول السليمـه=بالديـن هـو نعـم الثمـن والغنيمـه
ياراجـي مــد الكـريـم ونعيـمـه=نهـار ماينفـعـك ربــع وخــلان
والسين: ساد العلم في كـل الاقطـار=يحمي عماد الدين يحفـظ هـل الـدار
ومن لا تعلـم فاقـد الـدور محتـار=العلم دايـم سـراج نـوره بالأذهـان
و الشين شفت العـز خيـر الزهايـب=و الطيـب درب ٍ تنتويـه الركـايـب
و اللي ترك درب الزحازيـح خايـب=و الطيب ما يجزا جحـود ٍ و نكـران
والصا صفـاة القلـب حطـه بتعبـار=احذر يكون الجاش اسود كمـا القـار
واعلم ترى صاحبـه جـلاّب للعـار=لـو تقربـه تلفحـك غبنـه وطغيـان
والضاء ضروف الوقت يا هي غريبـة=الـي يشـب النـار ماحـدن دريبـة
والـي معـه ميـلان كلـن قريـبـة=كثرة فلوسك صـارت اليـوم ميـزان
والطـا طويـل البـال ماهـو بهالـك=ليازاد بك صبرك ترى الزيـن فالـك
ولاتـدع دنيـاك هـي راس مـالـك=والدايـم الله كـل مـن فوقهـا فـان
والظاما روحي على خـوة اللـي=ماهرجته وش قال وش قلت قل لي
اللـي لخاطـر صاحبـه مايعلـي=إن مالفاك بزوود ماجا بنقصـان

[نايف سعد الخمعلي]

صحت السنت الجميع
بانتظار اكتمال القصيده

[أبو غرام]

والعين عينك خلها سترن وصون=لا تكشف العوره ترى الدين مديون
من يكشف العورات لاشك مجنون=يفضح وعقب الستر ينذل ويهان

[نايف سعد الخمعلي]

والغين غير أهل الوفا والشجاعه=لاتقتدي به لوهو من الجماعه
وادرك..ترى أعظم كنز كنز القناعه=وحط المراجل بين الأعيان نيشان

[أبو غرام]

لله درك اخي مبدع مع غفوة البقيه

بنتظار تفاعل البقيه

وان لم يفعلوا فبي وبك الخير والسداد

^
^
^

لايحب ان يجد عملا لم يتقن ولم ينتهي

فما بالك بقصيدة تأخذ مسمى قصيدة سبكة ويلان

اعتقد بان القصيدة لو كانت من بنات افكار منتدى آخر

لاصبحت الان قصائد لا قصيده

متوقفه عن النبض

وشكرا

^
^
^
ماسبق من باب الغيرة اتى لمن لايعلم لم هذا الحديث