"كـــــثر الغموض.. اللي سكني وضوحــــــــــــي"

[غموض الشمال]

لاتطري البعد طاري البعد يخنقني=ويضيق صدري ليا منك لي اطريته
افهم شعوري وعنك لاتبعدني=مادام قلبي مع احساسي لك اهديته
ولاتشك بغلاي ومنك قربني=الشك يهدم غلاك وينخرب بيته
يا اغلا البشر كان اهمك لاتعذبني=يكفي عذابٍ قبل للقاك عانيته

[غموض الشمال]

ياليت مااالي قلب يشعر ولايحسْ
.........................او ليتني طفله بسن المهادي

تعبت من دنياي بكره مثل امس
.....................واليوم عندي صار لونه رمادي

[غموض الشمال]

يانوف انا وش حيلتي باقرب الناس=شخصٍ اعده بالشدايد رفيقي
اللي طعني بالظهر والرحم داس=دم(ن) جمعنا له يحاول يرقي
كنت احسب انه مربحي وقت الافلاس=اثره غدا اول عثرةٍ في طريقي
ياحيف بايعني على كل بلاس=صار السبب في هم قلبي وضيقي
ماطعت به هرج العواذل والانجاس=واثق وله بالقلب حبلٍ وثيقي
كان الصديق اللي مثل قرب الانفاس=يومٍ قدره بالضماير عميقي
واليوم تجمعنا حروفٍ بكراس=لاهو عدولي ولاهو صديقي
(قال السديري قبلنا للهدم ساس=بيتٍ ظلاله مايظل الرفيقي)

[غموض الشمال]

اجرح فداك القلب..ياقلب مغليك=قبلك زماني.. جرح القلب وادماه
اول "غلا عمري" وفرحه مسميك=واليوم سميتك "فرح مر ممداه"

[غموض الشمال]

خلك معي متصل لو ماتحاكيني=بالقائمه لونك "الاخضر" يريحني
اليا متى يالغلا وانت مجافيني=لاقايل ابعد..ولا بالوصل تفرحني
كانك تبي البعد وقلبك مايدانيني=الصبر لا الله ولاتحكي وتجرحني
خلك معي متصل واقول باغيني=مشغول بكره يجي يمي يصافحني!

[غموض الشمال]

تغيرت ما انت اللي عرفته تغيرت=مدري وش اللي عليه غير احوالك
من شفتني مغليك عني تكبرت=احاول اجيك وانت تشح بوصالك
ماهو جفا لو غبت عنك وتصبرت=بعطيك فرصه تحدد وش هي امآلك
كان الفراق بخاطرك وله تخيرت=والله لا اعز النفس لو كنت هالك!

[غموض الشمال]

تعبت يمه..وماتت كل احلامي=ياحسرتي من شقا ايامي وخيبتها
ضميني يمه..ابسترجع دفا ايامي=ذكرى الطفوله برائتها ولذتها
يومي صغيره واقول العمر قدامي..!!=طفله ولاهمها ياغير لعبتها
من قبل لاحط لاشيله ولا اللثامي=ولاذقت حر الليالي مع مرارتها
كبرت يمه..وكبرت كل ألآمي=ودعت حلم الطفوله مع حلاوتها