ركني الخاص (كلمات منتقاه)

[النايفة]

اي والله اني قبـل احبـك,,, تمنيـت

موتي ..من هموماً تزعـزع ركونـي

واحزاني اللي كل ..ما اضحيت وامْسيت

ما فارَقت (لحظـه) معالـم جفونـي

حتى.. عرفتك وارتوى قلبي (المَيْـت)

من ..نهْر حبك يـا هقـاوي ظنونـي

[النايفة]

نوّخت لك علـى المحبـه ركابـي

وشكرت لأقدار الزمن كل مجهـود....

وسلّمت لك قلب ٍ ماهوب امتحابـي

وعديّتي حدودٍ ماهي بأيـة حـدود...

وان كان ماتدريـن .. لاواعذابـي

عزالله اني من ضحايـاك مفقـود...

لدّي وشوفيني .. وشوفي صوابـي

ادنى مايثر فيّ .. لو نسمة النـود..

[النايفة]

ياحلوها......

وش الجديد ؟ إحتجت لك ما لقيتك ؟؟
هاذي عوايدك القديمه .. ، .. تجدد ... !
ياليتني ..... ماعرف رقمك... و بيتك...
عشان ما أقضي ليلتي .. فـالتردد ...!

[النايفة]

( شاعرك ) قبلك , كان يكتب عن ../ البرد

ومـن يـوم جيتـي يـا دفـاه ونجاتـه !

ماعادت ضلوعه بعد .. ( ضمّتك ) .. جرد

شفتي وجـودك , كيـف غيّـر حياتـه ؟؟!

[النايفة]

قصيدة قمة شوي عليها ....
للشاعر مشعان البراق..

...فرحـت لـك .. ..وأنـا معاليقـي حطـام.

والصدر .. مـن مـا فيـه بيّـح كنينـه..

فرحة يتيـم ٍ .. ليلـة العيـد مـا نـام !

خـالاتـه , وخـوالـه .. مواعـديـنـه

مواعدينـه.. بشـت .. وشمـاغ بـسّـام

ويلّعبونـه .. فــي مـلاهـي المديـنـه

مانـام .. واحـلامـه تـحّـراه قــدام

كنـه يطـول أحلامـه ب( راحتينـه ) !

صبحه تجّلا نـوره ب/ عيـد الاسـلام

وقبـل يــروح المسـجـد : ملّبسيـنـه

جده مـا بيـن العيـن والجيـم والـلام

خلّـيـه يافـلانـه .. ولا تأخـريـنـه !

تراقبـه ب/ عيونهـا .. حـب وهـيـام

وعيونهـا .. مـمّـا تكـنّـه / حزيـنـه

"يعرض لها الماضي مثل عرض الافلام "

ل.. ماضـي ابـوه وغــلاه وحنيـنـه

يرجيه ل( سنيـن القسـا ) درع وحـزام

وجنـب ٍ علـى صكـات بقعـا يعيـنـه

ابـو ثـلاث أعـوام .. والا 4 أعــوام

يغـار منـه البـدر .. مـن كثـر زينـه

صلّى وجاء وأمر الله اللـي قضـى تـآم

ماهـوب داري عنـه .. زينـه وشيـنـه

بشتـه عليـه .. مهنـدم ٍ خيـر هنـدام

واللـي ب/ عمـره .. كلهـم محتريـنـه

يوم اطلعـوا للشـارع انقسمـوا أقسـام

وأهــم مـافـي القـصـه ؟ ملّعبيـنـه

تداعـب رموشـه .. ذعاذيـع الانسـام

ويابردهـا .. يـوم آيبـسـت شفّتيـنـه

وعلى تـراب الأرض بأصبعـه رسّـام

أمـا رسـم لـه طيـر .. والا سفيـنـه

العيد طعمه كـان فـي الشـارع العّـام

ماهـوب عـن رغبـاتـه .. مقيديـنـه

رجـع ولكـن فرحتـه ضايعـه ( دام :

كـل ٍ مشـى ) وأخـذ ولـده ب/ يمينـه

صاروا خواله في نظـر عينـه اصنـام

آحيـوا ب.. داخلـه الجـروح الدفيـنـه

ولا عنده الا أمـه ونـاب القهـر سّـام

جاهـا يبـي منهـا اليـديـن الأميـنـه

شعوره اللـي حـس بـه مثـل الإلهـام

وأول سؤال فـي بالـه : (أبـوي وينـه ) ؟

سؤال : لكـن كـان مثـل النبـا الهّـام

لازال باقـي فـي المسامـع .. رنيـنـه

جته تعـدي , ماهـو تخّطـي بالاقـدام

وشالتـه بيديـهـا .. وحـبّـت جبيـنـه

(أبوك : جاء البارح وقبـل الفجـر قـام)

وشـرى لـك ألعـاب , وهدايـا ً ثمينـه

تراه حبّك وأنـت غـارق فـي الاحـلام

وراح ل.. دوامـه , والشغـل مرسليـنـه

لحظه .. وهو بيـن الحقايـق والأوهـام

والدمـع الازرق حـايـر ف.. مقلتيـنـه

يمّـه : تـرى مانمـت والعالـم نـيـام

ماجـاء .. ولا لمسـت يدينـي / يديـنـه

ومدام رقمـه معـك مـن بيـن الارقـام

ب.. أكلمـه , يـوم إنــك تكلميـنـه !

طاحت ما كن آلها من الصدمـه عظـام

ولاعـاد فيهـا صـبـر .. ولا سكيـنـه

قالـت بـدون شعـور وإدارك وإلـمـام

أبـوك ! فـي تـراب القـبـر دافنيـنـه

العام مات .. ومـتّ مـن موتـه العـام..

وكنـي بعـد مامـات عـنـي سجيـنـه

أبـوك جنـدي للوطـن ضـد الإجـرام

عـطـاك عـمـره دون داره وديـنــه

تفجّـرت مـن تحـت رجلينـه ألـغـام

ولاعـاد لـي بعـده حصـون ٍ حصينـه

بكّت .. وطاح الدمـع مـن حـر الآلآم

وبكى وطـاح الكـون مـن مـوق عينـه

وكـل ٍ عذلهـا .. بيـن عاتـب ولــوّام

تصّبـري .. خلـي ضلـوعـك متيـنـه

ماهو صحيح ان الضروره لهـا احكـام

اكبـر خطـاء يــوم إنــك تعلميـنـه

بـكـره تنسّـيـه الليـالـي والايــام

هـو فيـه أحـد ينسـى حـدا والدينـه ؟؟؟؟؟؟؟؟

طير السعـد فـي عالمـه مابعـد حـام

والله يعـلـم وش تـخـبـي سنـيـنـه؟؟؟؟

((((وأنا كـذا ! ساكـت وصابـر ومنضـام

لكـن كـان الفـرق بيـنـي وبيـنـه :

الدمـع ل.. عيـون الأرامـل والايتـام

ودمـع الرجـل ذل وهـوان وغبيـنـه !)))))

[النايفة]

ابا ارفع الركن من شانك [ وخايف عليك
........ لجرح شعورك وانا شاعر وكلّي جنون !
يمكن تقول اني انا . ماني فيديك.....
........ لكن انا اقول [. والعشره بعد ما تهون )!

[النايفة]

الا يـاوجــودي مـــن فـراقــه ويـاعــزّاه
وجود الوحيـد اللـي شريـدة عـرب بيتـه



هو الله عطاه الصبر عنّي !! وانـا والله
مـأخـلّـي جـــدارٍ مـأتـلـوّا بـزاويـتــه !!



عسى الله يبـرّي ذمتـي مـن خطـا فرقـاه
كثر ما أنتظرتـه فـي الـدروب وتحريتـه


الإنسان ودّه ينحـرم مـن ( رغـد دنيـاه )
ولاينحـرم مـن ( نـور عينـه وعافيـتـه )