ركني الخاص (كلمات منتقاه)

[النايفة]

كويتني كية جفا بين الاضــلاع
--------- ولا يداوي كيتك لي ,, مجيـــك
لاصار مفتاح الوفاء بيننا ضآع
--------- لا انت بخوي لي ولا انا بخويك
شمع المحبه من قسى كلمتك مآع
--------- والحزن في حدب المحاني تشيك
رح في طريقك ماعلى مثلك اطمآع
--------- شمس المعزه عندنا دون فيك
مآنيب ندمانآ ,, ولانيب ملتآع
--------- من جابك النا جاب عشرين زيك ..!!

[النايفة]

ما سلا عني ولو العالـم سلـو
فدوته بيـض اللحـا واشنابهـا

والصداقه بير والصـدق الدلـو
والوفـا ماهـا وهـو طلّآبهـا

وانت لو تحتآجني عطنـي الـو
فدوتك عينـي وسـود اهدابهـآ

[النايفة]

اهداااااااء

لا تاخذ الشوق من قلبي وتتركني
.....................يشهد علي الوفا : ما جيت ابي غيرك
(المحك مثل السحاب العجل في ركني)
..................... واحس في داخل ظلوعي بتقصيرك....

[النايفة]

أهل المحبه فـ/ الغلآ مالهـم ( رب )..!
يدينهم عند (( المواصـل )) : قصيـره .!!


ولآ أنت ماخليت لـجروحنا ( طـب ) ..!
أقول : ضاع العمر ، وتقول : ( خيره ) .!!

استغفر الله واتوب اليه ...

[النايفة]

مجنونـك وعاشقـك للحـيـن مامـلّـك
مسرعـك تِنـكـف وتبـعـد يامعنيـنـي
((ياهـيـه ياكـثـر مانـاديـك وأرسـلّــك
وانتـه ولكنـك اللـي كنـت توحيـنـي ))
لو إن حبي صطابك صدق واحتلّك
ماكان يرضيك هذآ اللي حصل فيني....
ياسيفـي اللـي بوجـه العـاذل أسلّـك
ويـن انـت ياغايتـي يابهجـة سنينـي ؟؟؟؟
مادام قلبـي ليـا ذآ الحيـن شفـقٍ لّـك
أحـذر تجامـل مـع اللـي مايدانيـنـي ....
وان كان جاملتهم والقلب صافٍ لّك
عز الله انك بعدها طحت من عينـي ....

[النايفة]

الجرح أكبر , ولو العذر من غالي.....
وما كل عذر ٍ يرد النفس , لا شامت...


ترسل وانا منـْك , مبطي قاطع ارسالي..
و أرد كف الرضا , والنفس لا هامت....


إمن أول ان غاب صوتك , اسهر لحالي
واليوم مرتاح وعيني , فالهجر نامت....


وإمن أول ( آفـز ) .. لامن دق جوالي
واليوم اخليه فوق الرف , ع الصامت ....!

[النايفة]

تنشد عن عْلومي جعل مالـي علـوم
وش هي علومي ..؟ وأنت طاريك غيّب؟؟
يابري حالي [ فـي غيابـك ] وياقـوم
أكيد لامن غبت .. مانيـب طيّـب .. . .!