سجل دخولك للمنتدى ببيت شعر اعجبك

[هند آل فاضل]

نشف حبر القصيد ودمعي الاقلام
..............تذكرتك وانا مالي سوى الذكرى
تذكرتك سحابة ضللتنـي غمـام
..............تذكرتك حنين الشوق والبشـرى

[خلف الغريب]

مبطي ترا طبع العفون الملابيد

.....................ليا شاركوا بالهينة صعبوها


عايد بن ضافي الجلوي رحمه الله

[صالح الضويحي]

المشاركة الأصلية كتبت بواسطة الجادل

تــحــكــم عـلـيـنـا ظــروف .. ونـعـانـد ظـــروف
والـغــالـي .. الـغـالـي .. مــكأنــه .. مــكانـــــــــه


** صالح الضويحي **

تقديرا لاينفد وشكرا لاينتهي لكِ ولـ كل من شـرّفني بـ نقاء ذاته وسمو ذائقتـه ..

---

[صالح الضويحي]

الـنـاس قالـوا.. وقـول الـنـاس ياناســـي
الكلمة اللي شـعـرت إبـثـقـلـهـا . قـلـهـــا


ياليلة البارحـه .. مـن حـرّك احسـاسـي
الا .. الهنوف "الأنيقه " في تعاملها

[خلف الغريب]

لا تلوموني اذا جبت قصيدة كاملة لمتعب التركي المطيري.. الشاعر الشاعر

لا تنشغل فيني.. أنـا بحالـي أدرى =قلبٍ تعلَّق فيك ينسـى مـع الوقـت
أكثر من اللي صار لي ويش يجـرى=بين الرجا واليـاس شفنـي تعلقـت
مثلي.. ولو شفته عن همومـه أزرى=ما قال ليتـك فـي جروحـه ترفقـت
هاك القصايد لا تضايقـت.. وإقـرا=شف وش كثر فيها لبسماتك إشتقـت؟
أثر الوفا ينبـاع عنـدك ويشـرى!!=ما كنت أصدق فيك.. واليوم صدقت!
يا مشتهي فرقـا المواليـف حـذر=تبعد وأنا من سكرة الحب مـا فقـت
لا طافت الفرصه.. تحريت الاخـرى=وتروح! مـا كنـي عليهـا تشوقـت
ساري لو إن الليل مـا فيـه قمـرى=أشيل من حمل الهوى فوق ما طقـت
لا صار حظ أقشر.. والأيـام قشـرى=ما فيه أحد عاقل يلومك إليا ضقـت!
صحيح بعض الناس فرقـاه بشـرى=وبعض البشر لا غاب ليله تضايقت!!
ليتك خذيت بليـل الأحبـاب مسـرى=غربت من كثر الطـواري وشرّقـت
السيل يبقاله علـى القـاع مجـرى=ويبقا لك التذكـار لـو كنـت فارقـت
أشوف لك من وين ما رحت ذكـرى=ولا شفتها صديـت عنهـا ودنقـت
ما كل جـرحٍ لا خـذا أيـام يبـرى=بعض الجروح يزيد شره مع الوقت!!!

[أبو غرام]

الشاعر الشاعر

يستاهل تكتب قصيدته كامله

صح لسانه ولسان الناقل بعد

حياك الله اخي

[صالح الضويحي]

ياصاحبي مادامها بالطوارف
تهون .. وان صعبت كما كان هـانـت