ان كنت متحدي انا اقبل تحديك=يا واد جنّب غاد مالك .. ومالي
قافي اذا جالك يهدّك ويبنيك=لكن انا بنصحك دور بدالي
واحد شاورما يامعلم على ستيك=وكثربها شطة نجوم العلالي
انصحك يا معلم تضبط مشاويك=لو انه مجمّد لحمك استرالي
اصْــرَف لكم ياخوك طاوع بناخيك=وخل القصايد لــَ اهْلها ياحلالي
بندر يقول الجيش كله مسابيك=حطك سبيكه يا منسم بــ جالي
تجيبك الكلمه.. وكلمه توديك=خلك على قدرك عزيزٍ وغالي
والا ترا معْيــَه جهازات تدليك=والا اذا ماعجبك عندي عقالي
انتم هواكم بالطرب دق مزّيك=بالبرتغاله هِــمت يالبرتغالي
وحنا هوانا يوم دك الدواكيك=ولا اصطكت العجه بيوم القتالي
نطرب على درب الشقا والتهاليك=لا ولّعت بالحرب نصليه صالي
عسى جيوشك يا مناحي تناحيك=مشان نحكمكم بحكم انتقالي
بندور يا حضرة جناب المكانيك=سيارتي شفها وصلّح عطالي
عبود خلص طرطعان التماتيك=جب لك من البسطه جديد بـ ريالي
ثم عبّها والعبها في ملاهيك=وخلك من علوم العرب والدلالي
بندور لا تفرح بـ فزعة بنيخيك=لا حلت الشدة وذيب انتخالي
النار في جيشك لظاها يصاليك=جيشٍ عرمرم ماله اول وتالي
جيش يتضحك لك على شان يبكيك=والقصد واضح ما يبي له مقالي
ما كل من تشكيه همك يشكّيك=واللي حكالك يا بنيدر حكالي
لا تكبر الهقوه وتخطي هقاويك=اللي يشوفك قال هقوا السحالي
حربٍ وفيها بابتدي فيك وانهيك=نهايتك تخضع لأمر احتلالي
ماجاك شيٍ مع قصيدٍ يبي يجيك=ما هوقصيد اللال يالال لالي
والله يا عبدالله من ادناي لــ قصيك=شاعر فحل بالشعر يا همّلالي
لا اجيب شي ما تجيبه قوافيك=تتعب معي بالشعر مالك مجالي
لو تعلن التوبه م والله نخليك=مادامك لبندر خوي موالي
قبل الخطا ملزوم تحسب خطاويك=ولا منها فاتت صعيب المنالي
حدك من فلونه وبيتر يسليك=ونحول مع زينه على فلم سالي
هذا دواكم يا جموع المتانيك=طب جديدٍ تو حله طرالي
هذا جواب اللي عن الشر ناهيك=لا كنت تسمع من حكيم المثالي
اللي مهو بسنك حذاريك يرميك=ومن ثم تبلش في حلول التوالي
لحافك تمده !! على قد رجليك=وان طولت يزغلك برد الشمالي
25/08/05, (04:19 AM)
العرض العادي
