اوراقي الخريفه في الليلة الصيفيه

[بروق الشمال]

بصبحك لو ماصبحتني بالخير =وبذكرك لو ماجيت في بالك
صباحك ندى عطر وجوه الغير=وصباحي ضما عطشان وصلك ولاجالك

لبروق الشمال

[بروق الشمال]

قافك وصلني يابناخي به تقول
مجنون من ذاق الهوى ثم خلاه
وش حيلته لو هوى واحدن يجول
وسط الحشى كل الشرايين ولاه
لكن مع دور الزمن حبه يحول
ويصير ذكرى ماضيه ثم يسلاه

[بروق الشمال]

هذي ابيات من اخ عزيز علي الله يذكره بكل خير

معاد بوجيه البشر خير يبروق=مات الحيا وسلوم الاجداد ماتت
الصدق والاحساس معاد له سوق=وشين النوايا بين الاحباب بانت
واللي سكن مابين الاهداب والموق=روح مع اول دمعتي يوم طاحت
قالوا تروق وقلت انا كيف باروق=وهموم عمري للخفوق استباحت
شفني اعاني ضايق الصدر مخنوق=من عبرتن بين المعاليق فاحت

وهذا الرد مني

معاد بوجيه البشر خير يبروق= يقولها شخصن محبته ساحت
وانا معه لو نختلف طرحن وسوق= وهقواتنا بكبار الاشخاص طاحت
يما عطينا والعطايا من النوق= ويما حصدنا دمعتين ولاحت
.....) لاتشكي من الهم مخنوق= هاته لصدري راحتيني تلاحت
ليت التعب فيني ولا فيك ياشوق= وليت الخناجر عن صميمك تناحت

[بروق الشمال]

لاتاسفن على غدر الزمان فطالما=رقصت على جثث الاسود كلاب

رحمك الله ياأسامه

[بروق الشمال]

من شعر خالتي الله يرحمها
طويله بس ماحصلت الا هذه الابيات ارجوا
ان تروق لمسامعكم

قالوا عشيرك وش عنك ملهيه=متعافين وقاعدن بالبطالي
اقول مريضن والبعد ناحيه=والقاع ماتنحفر والرب عالي
ليته تمعنى عالمطايا توديه=من دونهم متواسيات الجبالي
ياقلب يالي حامياتن مكاويه=عراقين ولا المخاطر تلالي
حالي كما قدن على ايديك طاويه=وميبسن بالغيض مابه بلالي
همي كبر سنجار وكوكب يباريه=عبد العزيز ولا لهمي عدالي
وهمي جبال عسيره مراقيه=ودموع عيني مثل العزالي
ولاهمني كلن على القاع واطيه=ولاهمني من شقاق بيته طوالي
ولاهمني شيوخن تعلى مراكيه=هم وعساكرهم ماهم فبالي
همي عشيرن غادرن والناس تبكيه=حلمت انا باليل انه قبالي
جيته مقيمن بيت الحد زاد بانيه=طلبت انا من الملك روح غالي
والمفتضي وش عاد بالهم يدريه=مايدري بالي سارقن سم حالي
ومن لامني ياعل قليلن جوانيه=ماله مع الاول ولاله توالي
يموت حضه والمخاليق تجفيه=ولاله من معبسات الشمالي
مع قلة النقال قلة ثواقيه=وبعازته يما يجيه الموالي
له عن الجنه حواجيز تنحيه=تقلبه بالنار شين العمالي

[بروق الشمال]

وه فديتك يابعد الدنيا من اولها لتاليها
ربي يفرحني فيك

[بروق الشمال]

يشدني قولت امه يابعد امه=لكن مع الصوت ماشوفه يباريها
يارب رده لحضن ام ن تبي شمه=وعن باقي الناس ترجنه يراعيها
يارب من يقطع المالود عن امه=عله بقطاع النفس باقرب محاريها