ركني الخاص (كلمات منتقاه)

[النايفة]

الجرح يبقى له [ أثَر ] داخل ، القلب
من مُنطَلَق هالشي .. قمت ؟ و " جرحتك " !!

ماأبيك تستغرب حبيبي ، من الحب
لو كنت أحبك .. زود ؟ يمكن " ذبحتك " !!

[النايفة]

خلّك مع ( فالك ) وتدري مع الوقت ,
أن ( الغلا ) في خاطري مابعد ( راح )
قاطعتني ياصاحبي صدق قاطعت ؟
وعساك لا من غبت , ( طيب ومرتاح )
أشتقت لك , وأنته بعد مثلي أشتقت
وبرق ( الندم والهم ) من فوقنا لاح :-
تدري وش آغني بعد ما ( تغيبّت ) ؟؟
( أي والله أهوجس ولا ني بـ مرتاح ) !

[النايفة]

وجودي وجود اللي حداها الذراء والشبك ..شعـتـهـا الـبــروق وذكـرتـهــا مـرابـعـهـا

تكـسـر عبايـرهـا وتــرزم رزيــم ودبـــك ..عطـت عمـرهـا لامـقـدم الشـبـك جابعـهـا

ولا تسمـع الا عوقهـا يـوم قـال ابـك ابـك..ولا صبـحـت لا راعـــى الـــذود بايـعـهـا

على اللي سكاكينه تحبـك المفاصـل حبـك...وقـامــت مــــدورة الـفـقــارى تقـاطـعـهـا

وجودي عليك ووجد حالي وياما اصعبـك...ظــروف حدتـنـي عـنـك مـانـي بطايـعـهـا

ايــا واحــداً لــوك بعـيـدٍ عـلــيّ مـقـربـك..سكـنـت العـيـون وكــن قـلـبـي ينـازعـهـا

ولامني ذكرتـك يالغـلا والزمـن قـالبـك...تـداريـك عيـنـي يــوم تـــذرف مدامـعـهـا

تخاف الدموع وسيل الاشـواق لا تشربـك..وتفقـد عيونـي صـورتـك وانــت طابعـهـا

انـا البارحـه لانــي بخـاسـر ولا كاسـبـك...وتلعب بي الفرقـاء علـى روس اصابعهـا

تـذكـرت بـيـت اوحيـتـه الـعـام ويناسـبـك..واظــنــه يـنـاســب حـالـتــي يامـلـوعـهـا

بــدون الـتـزام بمـذهـب القافـيـه والسـبـك..وكـــل احـتـرامـي للقـصـيـد ومراجـعـهـا

(((عسى من حداني عن وليفـي وانـا باغيـه..تـحـده ذنـوبـه مــا يـجـي بـــارد الـجـنـه)))

علـى البيـت هـذا والضميـر ان بـدا ينـبـك,...فلـي رغبتـا مــدري مـتـى كـنـت تشبعـهـا

ايا السالب اللي من عرفتـك وانـا موجبـك..الـى ويـن نفسـي عـن مواصـلـك تمنعـهـا

ياليـت الليالـي فـي مكـانـي شـهـر تقلـبـك,,..واصيـر بمكـانـك وانــت ليـتـك تجرعـهـا

مــرارة فـراقـك يمـكـن تـحـس بمـعـذبـك,,ونفسـك عقـب طـول المـفـارق تراجعـهـا

كتبتك بعمري بس اخـاف الجفـاء يشطبـك,,.واليا مـن شطبـك الوقـت رح عـاد رقعهـا

زمن يا مفرق شمل الاحباب انـا بشاربـك...قـلـوب الـولايـف ليـتـك الـلــي تجمـعـهـا

كفانـا قسـاوة خطـوتـك يــا زمــن طالـبـك...وسومك على وجيـه البشـر مـن مدامعهـا

حدانـي علـى طـرق التوجـد حبيسـة شـك...سنـا الـبـرق ذكـرهـا الـولايـف وضيعـهـا

سنـه بالصطـر لا روحـت وارده تطربـك...ولـكــن طـويــل الـوقــت عـيــا يطـبـعـهـا

وانا مثلها رغـم الجفـا مـا قـدرت اشطبـك...عيـونـي عـلـى فـرقـاك تــذرف مدامعـهـا

[النايفة]

جدران صدري هشمتها المقادير...
وبرج الغلا في داخل القلب وقع
خلاص بنسى عشرتن مابها خير
والحب من بين الحنايا تفرقع
سعيت في وصلك ولاجاك تقصير
ولا اطري الفرقا ولا أنا أتوقع
خطأ الحبايب له رقاعه وتبرير
إلا الخيانه يالغظي ماترقع
والله مارجع وأنت مقفى مع الغير
((إلين أحذف غترتي و اتبرقع))

[النايفة]

متسحّرك قلبيْ ، ولا فـادك به صُومْ
ما كنّي موصيكْ وأقولْ . . : راعه؟؟؟

مـا به على دنيا الفنا حاجة : تُدوم
وأكبر دليلْ ؛ الحبْ ضعت بضياعه

يا ليل وش سرّاك في قلب مظلومْ ،
منت برفيقٍ ليْ ولا لكْ . . / وداعه

سريتْ متثبّت ، وذا الحينْ منجُوم
وشْ يرحم المشتـاقْ والشّوقْ لاعه

[النايفة]

الحين لو دقّيت .. يعني ابي شي ؟؟؟!

الله وأكبر كيف فكرت فيني !؟؟؟!
مشكور هـالكلمه ترى ماهي شوي ...
غلطان قلبي يوم جرجر ( حنيني )
ولهت لابوهـ الوله... والذي فيّ
شي ( شبيه الموت ) دايم يجيني
ابداُ .. انا والله مابي ...ولا شي
واللي ضغط رقمك لقافه يديني ...

[النايفة]

صبحيه البرد شينه وانت بلحالك !
............... كنّـك على كثر ناسك عايش بمنفى

بالذات لاجف دمع وسال في بالك ..
................... والله لتبطي تبي تدفا وماتدفا !