ركني الخاص (كلمات منتقاه)

[النايفة]

تعال يكفي ترى فرقـاك مرهقنـي . . في ذمّتي يومي أغبر يـوم ضريتـك
كل الحكايه كلامك كـان يحرقنـي . . وانا من خبالـي أبعاتـبك وأبكيتـك
ومارست وياك كل شعور يطرقنـي . . أكره عنادك وأموت بحسن تربيتـك
وأكرهك مرّات لاشفتك مضايقنـي . . وان جيت تبعد وصار الجد حبّيتـك
يعني ليامن زعلت أقـول فارقنـي . . وأودّعك وان بغيت تروح ناديتـك
هذا جنونـي وهـذا اللـي يفرّقنـي . . وسوء التفاهم يجي من بين اهل بيتك
بسّك دلع كافـي وعـوّد وعانقنـي . . شف وشكثر بين صفحاتي تهجّيتـك
وان جيت لك غصب واللهفه تسابقني . . لاتخذل الشوق فيني يوم انا جيتـك
اسمع عسـى الله يوفقـك ويوفقنـي . . والله لـو مـا أحبّـك ماتمنّيـتـك
وان كنت منّي بكيت بيوم صدّقنـي . . لو منت غالي علي ماكـان بكّيتـك

[النايفة]

منّـك .. خذيـت اعظـم مفاهيـم الغـرام الفـوضـوي

ومنّي .. خذيت اصدق شعور عاش في صـدري .. ومـات

يكفينـي ان الرابـط اللـي بينـي وبيـنـك .. قــوي
ان جيـت والا رحـت .. تفـداك البـنـات المتـرفـات

انا بدوي .. وانـت تعـرف وشلـون .. لا حـب بـدوي
يقدّسـك .. ويغـض طرفـه عـن جمـيـع المغـريـات

[النايفة]

اللي خذا قلبي وانـا واثـق بـه

وعرّض على صدري ودك ضلوعه

لا تسألوني وش حصلّـي عقبـه

بجاه ربـي سكّـروا موضوعـه!

[النايفة]

لـي خفـوقٍ عـلـى وجــه آلبسيـطـه رهـيـف
مــآطـــوآه الــبـــرود .. ولآ مـــــلآه الـجــفــآ

مـآ سكـن فـي ضلوعـه غـيـر قـصـدٍ شـريـف
وإن حصل مآ حصل من طيب خآطر عفآ

[النايفة]

الجرح يبقى له [ أثَر ] داخل ، القلب
من مُنطَلَق هالشي .. قمت ؟ و " جرحتك " !!

ماأبيك تستغرب حبيبي ، من الحب
لو كنت أحبك .. زود ؟ يمكن " ذبحتك " !!

[النايفة]

خلّك مع ( فالك ) وتدري مع الوقت ,
أن ( الغلا ) في خاطري مابعد ( راح )
قاطعتني ياصاحبي صدق قاطعت ؟
وعساك لا من غبت , ( طيب ومرتاح )
أشتقت لك , وأنته بعد مثلي أشتقت
وبرق ( الندم والهم ) من فوقنا لاح :-
تدري وش آغني بعد ما ( تغيبّت ) ؟؟
( أي والله أهوجس ولا ني بـ مرتاح ) !

[النايفة]

وجودي وجود اللي حداها الذراء والشبك ..شعـتـهـا الـبــروق وذكـرتـهــا مـرابـعـهـا

تكـسـر عبايـرهـا وتــرزم رزيــم ودبـــك ..عطـت عمـرهـا لامـقـدم الشـبـك جابعـهـا

ولا تسمـع الا عوقهـا يـوم قـال ابـك ابـك..ولا صبـحـت لا راعـــى الـــذود بايـعـهـا

على اللي سكاكينه تحبـك المفاصـل حبـك...وقـامــت مــــدورة الـفـقــارى تقـاطـعـهـا

وجودي عليك ووجد حالي وياما اصعبـك...ظــروف حدتـنـي عـنـك مـانـي بطايـعـهـا

ايــا واحــداً لــوك بعـيـدٍ عـلــيّ مـقـربـك..سكـنـت العـيـون وكــن قـلـبـي ينـازعـهـا

ولامني ذكرتـك يالغـلا والزمـن قـالبـك...تـداريـك عيـنـي يــوم تـــذرف مدامـعـهـا

تخاف الدموع وسيل الاشـواق لا تشربـك..وتفقـد عيونـي صـورتـك وانــت طابعـهـا

انـا البارحـه لانــي بخـاسـر ولا كاسـبـك...وتلعب بي الفرقـاء علـى روس اصابعهـا

تـذكـرت بـيـت اوحيـتـه الـعـام ويناسـبـك..واظــنــه يـنـاســب حـالـتــي يامـلـوعـهـا

بــدون الـتـزام بمـذهـب القافـيـه والسـبـك..وكـــل احـتـرامـي للقـصـيـد ومراجـعـهـا

(((عسى من حداني عن وليفـي وانـا باغيـه..تـحـده ذنـوبـه مــا يـجـي بـــارد الـجـنـه)))

علـى البيـت هـذا والضميـر ان بـدا ينـبـك,...فلـي رغبتـا مــدري مـتـى كـنـت تشبعـهـا

ايا السالب اللي من عرفتـك وانـا موجبـك..الـى ويـن نفسـي عـن مواصـلـك تمنعـهـا

ياليـت الليالـي فـي مكـانـي شـهـر تقلـبـك,,..واصيـر بمكـانـك وانــت ليـتـك تجرعـهـا

مــرارة فـراقـك يمـكـن تـحـس بمـعـذبـك,,ونفسـك عقـب طـول المـفـارق تراجعـهـا

كتبتك بعمري بس اخـاف الجفـاء يشطبـك,,.واليا مـن شطبـك الوقـت رح عـاد رقعهـا

زمن يا مفرق شمل الاحباب انـا بشاربـك...قـلـوب الـولايـف ليـتـك الـلــي تجمـعـهـا

كفانـا قسـاوة خطـوتـك يــا زمــن طالـبـك...وسومك على وجيـه البشـر مـن مدامعهـا

حدانـي علـى طـرق التوجـد حبيسـة شـك...سنـا الـبـرق ذكـرهـا الـولايـف وضيعـهـا

سنـه بالصطـر لا روحـت وارده تطربـك...ولـكــن طـويــل الـوقــت عـيــا يطـبـعـهـا

وانا مثلها رغـم الجفـا مـا قـدرت اشطبـك...عيـونـي عـلـى فـرقـاك تــذرف مدامعـهـا