حروف متناثرة ارهقهاا الزمان

[محمد بن موسى]

الله على نوماس ماحلى قوافيه =لاقام ينقض بالقوافي ويفتل
شاعر وتعجبني بساطة مباديه=بالحرف يحييني وبالحرف يقتل

[محمد بن موسى]

بـيـن إيـــه وبـيــن ..لالا مـايـجـوز=لوبكيفي(ذبح بعض الناس) جايـز
أشغلتـنـي فــي حياتي(هالعـجـوز)=صرت ملفا..( للهروش و للعجايز)
ليت عندي من صواريخ (الكـروز)=ودي أقضي فيه(حاجات وعوايـز)
هقـوتـي إن مخّهـا(ضـارب فـيـوز)=وكل شئ(ن)بالمخيـخ أظن(بايـز)
قلت كيف الحال؟قالـت لي(أنـوز)=وهـي قسـم بالله تمشي(بالعكايـز)
مشكلتـهـا كاشخه(كـشـخـة دروز)=(شين)بعض العجز لالبسن(بلايـز)

[محمد بن موسى]

ياربي رباااه
الله لايسلط علينااا

[محمد بن موسى]

كيبورديه بيني وبين الشاعر الراقي / سلمان الكناني

يقوول سلمان ..

ياصاحبـي والـى خلـق ريـش للطـيـر=الـوقــت حــــارة فـضـتــه مــــن نـحـاســه
شـفـت الرفـيـق الــي يـــزف التبـاشـيـر=جـانــي وفـــي وجـــه رســـوم النـحـاسـه
اخـتــار شـــره عـقــب مـاكــان لـلـخـيـر=وشفـتـه يـقــص جـــذوع طـيـبـه بـفـاسـه
الصدر ضايق بطلق الرجل للسيـر=وادري مــجـــاراتـــك تــــهــــل الـــونـــاســـه
بنزف بدلو الضيق من باطن البير=وبـعــطــي عـــــدوك يـامـحـمــد دراســــــه
طـبـع الــردي مايكتـمـل فـيـه تقصـيـر=لـــــو هـــــام راســـــه مـاتــعــدى مــقــاســه
يــاكــم تـعـلــو فالـمـنـابـر عــــن الـغــيــر=يــبـــنـــون دنــيـــاهـــم بــــــــذل ونــجـــاســـه
يجزون راع الطيب من كيدهم كير=وعــن كيـدهـم للـطـيـب درع وحـراســه
الضيـق لـو عـاب الرجـال المناعيـر=كـــان الـزمــن بـيّــن مـخـالـب بـسـاسـه
يامحمـد الخافـق مـن العـام بــه زيــر=دقـــه عـلــى صــــدري مـقـطــع لـبـاســه
لــكــن ابــدعــي ربــنــا يـجـلــب الـخـيــر=مــــع الـلـيــال الـمـقـبـلـه طــيـــب نــاســـه

محمد بن موسى

يــامـــرحـــبـــا اعـــــــــــداد ورد الــــنــــواويــــر=واعــداد مــن حـــط الـنـفـل فـــوق راســـه
واعـــــــداد خــــيــــلً لـلـنــشــامــا مــغـــاويـــر=اهـــل الـقـنــا والـطـيــب واهــــل الـفـراســه
تـرحــيــبــةً تــمــســـك عــلــيــهــا طــوابـــيـــر=ويـاقــف عـلـيـهـا مــــن بــراســه سـيـاســه
الــذ واصـفـى مــن حلـيـب المصـاغـيـر=لـلـشــاعــر الـــلـــي يـسـتــحــق الــريــاســـه
ياصاحـبـي دامــك عـلــى جـمــة الـبـيـر=وعـنــدك عـلــى درب المـعـالـي فــراســه
خذها من اللي صور القاف تصوير=وعـنــدة عـلــى بـــدع الـقـوافــي حـمـاســه
احــذر تـرافـق شـلـة صـوويـر وعـوويـر=اهــل الـــردا والـخـبـث واهـــل النـجـاسـه
وايــــاك تــقــرب نــافـــخ الــزيـــر والـكــيــر=تـــــرا الـــبـــلا يـــاخـــوك داخــــــل لــبــاســه
خــلــك مــــع الــلــي مـابـقـربـه مـخـاسـيـر=رجـــــلً يـنــومــس بــيـــن ربــعـــه ونــاســـه

[محمد بن موسى]

اوووووووووووف

.
.

[محمد بن موسى]

الحب ماله وصف لا كمّ لا كيف
................................ لاطاح بيده قلب تعمى عيونه

لو تجمع اصناف القلوب المواليف
................................ وتحدهم للوصف مايوصفونه

وشلون يوصف شيّ والشي ماشيف
................................ حتى ولو عشنا هناه وغبـونه

رغم انه اوضح من شموس المشاريف
................................ باين على اللي معه و اللي بدونه

[محمد بن موسى]

شفت اليتيم اللي همومه تحوفه=شفت اليتيم اللي فقد لمسة الود
شفته لحاله جالس بجنب طوفه=الناس ضده والزمن صار له ضد
جسمه نحيل ومايدفيه صوفه=عمره ثمان سنين والعمر له حد
جاهل كثير اللي بوقته يطوفه=في دنيته مافرق المزح والجد
حزنه على وجهه تبين وصوفه=سارح يفكر فرق هاليوم عن غد
قربت صوبه والهموم أمعروفه=ناديتله يافلان يافلان مارد
مسكت يده وأنتهض في وقوفه=لد النظر فيه وعاجز عن الرد
في لحظه الأحزان همه يلوفه=مديت له يدي وباليد لي مد
ومشيت أنا وياه بعرف ظروفه=سألت عن حاله رفع عينه ولد
ودمعه على خده وهمه بجوفه=قال الظروف القاسيه مالها عد
قال الحقيقه من برائة حروفه=الأم ماتت قبلها الأب والجد
وسل الزمان اليوم قدمي سيوفه=عايش لحالي والزمن صار لي ند
ماكني الا ذنب كلن يعوفه=عجزت لصبر هم يجبر على الصد
روحت من عنده عسا الله يروفه=روحت من عنده و دمعي على الخد
وخوفي يناديني و دمعي يشوفه=الله يعينه بالصبر والصبر سد
سد الجروح اللي عساها أمخلوفه=في وقت قاسي مايجامل ولا حد