مخلوط سكر .....

[سلطان المسلط]

تركي صالــح

اسلوب السهل الممتنع .. لايجيده الا متمكن

وهنا أجاده بحق ..


أبيات تدخل مباشره الى القلب

صح لسانك



مودتي
سلطان المسلط

[خلف فلاح الحمرون]

المشاركة الأصلية كتبت بواسطة تركي صالح

بعد الغياب


أمل أن تحوز على رضاكم

غرواً سحرني باهي الزين رعبوب=ما شفت أنا مثله مع كل الاعراب
مخلوط سكر والحلا فيه مسكوب=ومدموج من ورداً وفلاً وعناب
مميز وطيب ورائع وحبوب=وخلوق وحنين وفتنه وجذاب
ورويان ونحيف ورزه ودبدوب=ومزيون ومحطم وفلته ونهاب
أليا هرج في هرجته سحر وسلوب=وعليه مبسم خالطً سلم ورهاب
يغار ردفه من خصر قد مسلوب=وعينه تعاند سلهمت رمش وهداب
والخد مبيضً وخمري وملهوب=مخلوط مع زين الاعراب زين بنجاب
كله على بعضه حزازات وحروب=وله سلطةً تفرض على كل الاحزاب
يذوب اللي ما بعد فكر يذوب=ويلخبط اللي دارسً علم الاعصاب
يا لعن ابو حيه مشا بي مع دروب=والله مدري وش نهاية ها لاعجاب
ان قلت حبوبً فهو حيل حبوب = وان قلت له سيد فهو سيد الاحباب
كله حلا ما فيه أيات عذروب=وعلى الصبايا حاز زينات الالقاب

ودمتم بكل خير وعافيه

الشاعر \\ تركي صالح صح لسانك ملايين
قصيده في قمة الروعه
والله انك وصفت وصف دقيق
يشوفه الي ماشافه
اسلوب مميز
سجل اعجابي وتقديري

[تركي صالح]

الاخت / مشاعر حالمه

تسلمين أختي على هذه

المرور الكريم

وشكراً لك على هذا الاطراء الجميل

ودمتي بكل خير

[تركي صالح]

االاخ القدير / مشعل الضوي

كم يسرني مرورك وكم يسعدني أطراء

والذي يهمني كثيراً

دمت وسلمت أخي الكريم

وتقبل فائق التقدير والاحترام

[تركي صالح]

الاخ العزيز / سلطان السويلم

كم شرفني وأسعدني مرورك الكريم

وكم يهمني رائع شاعراً بقدرك أخي الكريم

دمت وسلمت بكل خيراً وعافيه

وتقبل فائق التقدير والاحترام

[صالح الجطيلي]

المشـــــــرف الغالي الشاعر/ تركي صالح

صح لـسانك

لا

فض


فوك

جزل يا طويل العمر


اسأل الله لك التوفيق

[محمد الدلماني]

قصيده جميله ياخوي تركي وصح لسانك على هالسكر