"كـــــثر الغموض.. اللي سكني وضوحــــــــــــي"

[غموض الشمال]

من خان عهد الحب خنا عهوده=والله ما احني هامتي واترجاه
باصد عنه قبل يعلن صدوده=اسعد حياتي يوم لحظات فرقاه
مشاعري ياما شكت من بروده=اثري تمنيته وغيري تمناه
ياما ذرفت الدمع سبة جموده=واليوم هليته ندم يوم عفناه
مابي معاذيره ولا ابغى ردوده=من باع قلبي بارخص اثمان بعناه
لو كان(جدي) واحدن من( جدوده)=حلفت وصله لاقطعه واتناساه
بحط له أكسٍ وادمر وجوده=حتى من الذكرى وفكري ابمحاه
حررت قلبي من سلاسل قيوده=ونزفت دمي لجل ترحل يقاياه
وارتاح بالي واستلذ بهجوده=وغفيت من بعد السهر والمعاناه
ونشوف من فينا قويٍ صموده=ومنهو على الثاني ندم يوم فرقاه!

[غموض الشمال]

كل عامٍ وانت يالغالي بخير= كل عيدٍ وانت عيدي يالغلا
تو زان العيد وافراحه تنير=اشرقت دنياي والحظ اعتلا
عيدي بشوفك وروحي لك تطير=كل عرقٍ صاح باسمك ياهلا
امتلكت القلب واصبحت الأمير=ارضخ لحكمك واقدم لك ولا

[غموض الشمال]

ابتغنى واعذروني ليـــــــــا قلت
محبوبتي اغـلى عليــه من امــي

احبها من صغــر سني ولازلــت
حــبٍ تمكـن مـــن شرايين دمـي

لوتطلب انفاسي وروحي له شلت
تامر على روحي وانا اقول سمي

المملـكه حـبٍ عظيم لـه اجبلــت
حبٍ ورثته عن ابــويه وعمــي

يكفي اهيم بحبـها اا لاتأمـــــلت
لاطهر بقاع الأرض كله تضمي

اعشق هواها ولثرى الارض قبلت
عسى الرخا والخير فيـهااا يعمي

[غموض الشمال]

ماعاد باقي لي سوى ذكرياتك=وريحة عطورك بالورق والسواليف
وحرفٍ على السلسال هو وامنياتك=وعلى جدار البيت ذكرى المواليف
ودعوة زواجي وردها يوم جاتك= بيت القصيد ودمعتك بالمظاريف
واني عليك اليوم حسبت خواتك=قول وفعل ماهو كلام وتخاريف
والموت لامرت عليه رجاتك=تحرق بقايا مابقى بالمهاديف
تقول سمي (فلان) هذي وصاتك=واقول من مثلك يجي بالتواصيف
لاوعذاب القلب من ذكرياتك=صارت على قلبي همومٍ مراديف

[غموض الشمال]

مرت سنه يانوف وانا اتحرا
...................متى الفرج ياتي واشوف التباشير

كن الفرح يانوف مني تبرا
...................يــــــاضعفه ابن آدم قليل التدااابير

عن كتبته ماله ملاذ ومفرا
...................لو يتعب الـرجلين كثر المشـــاوير

وانا على حكم القدر ماتجرا
..................أمـنت به ربـي وحكـم المقــااااادير

[غموض الشمال]

البارحه ياكبر همي=النوم عفته ولاجاني
والدمع مشيته بكمي=عن ابعد الناس والداني
من غربةٍ نشفت دمي=مالي بها من صدر حاني
وجدي على ديره اتضمي=امي وابويه وحياني
يوم ارتمي في حضن امي=انسى همومي وتنساني
ماهي مثل ديرة الغمي=ماروق لو جوها زاني

[غموض الشمال]

جيتك ندم جيت الخطا اعترف فيه=ان كان يرضيك الندم واعترافي
جيتك وانا احمل قلبٍ البعد كاويه=يناشدك باسم الغلا لاتجافي
اجبر بخاطر من يودك وتغليه=يستسمحك قلبي وينخاك قافي
اشره وعاتبني ولا اقولك ليه=اجرح وعذبني ولا اقول كافي
حتى العذاب الي يجي منك راضيه=جرحك حلا شهدٍ على القلب صافي
جفت عروق القلب من غبت ساقيه=ورده ومن عقبك ذبحها الجفافي
ارجع عساني مانحرم منك ياهيه=ياواحدٍ عن باقي الخلق نافي
ماهو صحيح الي تغلا نخليه=واكبر دليل القلب عيا يعافي
لان الحبيب يزيد قدره تغليه=ويزداد شوقك كل ماقال ((مافي))