(هزيت جذع القافية حتى جنيت من الرطب )..صدى للرائع حمدان المطرفي .

[مزيد المزيد]

خلف الغريب

شاعر من طراز نادر يتعب على المفرده وويجتهد بقنص الفكره ..

عاد باقـي رتبـة تفـرق علـى باقـي الرتـب
شف الشمال اصبح جنوب..شف الجنوب اصبح شمال
وما دام هـذا وضعنـا .. خـل الملامـة والعتـب
لومك على اللي يـارد العـد الطويـل بـلا حبـال


صح لساااااااااانك مليووووووووووووووووووووووووووووووووون

[سلامة الجعفري]

ابو خالد كل الاسف اني وصلت متأخرا وان كنت مررت سابقا على هذه المعلقة

لاني لما قراتها اول مرة رأيت ان اي امتداح لها لايوازي ابداعها


لكن رجعت مرغما لكي ابدي اعجابي فقط



ابو خالد لافض فوك يذهب الابداع حيثما تذهب



تقبل مروري ولك الود والتقدير

[شجاع النومسي]

صح لسانك مليون ومايكفون

كلمات متميزه وأبيات مبهره

أبدعت

بأنتظار جديدك

دمت بخير

[عبدالعزيز السعود]

ابو خالد


متميز دائما ً بطرحك قصيده استمتعت بقراءتها وسماعها

تعرف مدى اعجابي بما تكتب

صح لسانك

[الخاطر]

المشاركة الأصلية كتبت بواسطة خلف الغريب

استجابة للصوت الجميل والشعر العذب الذي تشرفت باستقباله من اخي الشاعر الجميل والمبدع

حمدان بن ربيع المطرفي


وهو على الرابط التالي :

http://www.weelan.com/vb/showthread.php?t=15280

جاء هذا الصدى آملا أن يرتقي إلى مقام الصوت أولا وإلى ذائقتكم الراقية ثانيا مع عذري الشديد لتأخري في الرد ..

يا صوت حركت الصدى .. ويا قاف جا وقت الطلب=دام المشاعر راقية يا هاجسي بالله تعال
هزيت جذع القافية حتى جنيت من الرطب=وانا احمد الله عن هجير الشمس جالس فالظلال
يهزني حرف الشجا ..وافز وافرح واضطرب=حرفك جمع مر وحلا ..كيف اجتمع مرٍ وحال ؟.
يا صاحبي يا ابن الرجال اهل المكارم والادب=اللي بنوا صرح من الامجاد عمره ما يطال
اسأل مجرب خابرٍ ..لو ما قرا لو ما كتب=والنصح يشرى من قديم الوقت في خشم الريال
كم شمس غابت قبل وقت الليل بقنوف السحب =بس النهاية دائما للشمس.. واما الغيم زال
والليل مهما حارب الاشراق لازم ينسحب=دام الهدى بنهاية المشوار هو موت الضلال
قال المثل عش في رجب ترا من الدنيا العجب=والبدر في جو السما لا بد ما يرجع هلال
وشف كيف غيّر وقتنا المفهوم واصبح منقلب =صار اكبر عيوب الرجل انه يكون ( ابن حلال )
ما عاد باقي رتبة تفرق على باقي الرتب=شف الشمال اصبح جنوب..شف الجنوب اصبح شمال
وما دام هذا وضعنا .. خل الملامة والعتب=لومك على اللي يارد العد الطويل بلا حبال
(نار الكرامة شبها لو تصبح ضلوعك حطب=ما هو لنا صبر الذليل اللي يسميه احتمال )
أبعد عن السير بمتاهات الغياهب واجتنب=الله خلقنا للعلا من عال نطلع فوق عال
حنا غواليب العجم ..حنا سلاطين العرب=لو ما كملنا من البشر لا شك نسعى للكمال
واللي حياته سايرة مع درب حامض يا عنب=قل له : هنيا لك براد الصبح مع نوم الليال

اخي الرائع والمبدع.
خلف الغريب.
قليل من الشعر مايشابه ماتنشد به يابو خالد لله درك على هذا الابداع وهذا ليس غريبا عليك لان الابداع اقترن بأسم خلف الغريب.
صح لسانك ملايين صوت رائع من اخي حمدان المطرفي وصدى اروع من خلف الغريب.
صح لسانكم وعلا شانكم جميعا دمتم مبدعين ودمتم بك الخير.
تحياتي لكم.
اخوكم محمد العنزي

[عناد الغريب]

اخي الشاعر القدير خلف الغريب

صوت وصدى مثل الرطب

صح لسانك ولسان حمدان

لاهنتو وبيض الله وجيهكم

دمتم بخير وعافيه

[ناجي الخمشي]

شاعر القدير الخلف الغريب

هزيت مششاعرنا حتى وقفنا نصفق اعجابأ لك

صح لسانك على هذا الإبداع الشعري الجميل

امتعتنا في هذا الطرح المميز

شكرا على هذا الابداع الشعري والمفرده الراقيه والتمكن الشعري العذب

مليوووووووووووون صح لسانك ومايكفون

تحياتي لك