ஐღإهداء عبارات من القلب إلى القلبஐღ

[عوض بن خميس]

خلك ثقيل وخل كلآمك بـ مقيآس ....
مآ كل من يسمع همومك فزع لك ••!!

بعض البشر من حبهآ تقول لآ بآس ....
وبعض البشر من حقدهآتبتسم لك ••!!

[محمد بن موسى]

في خاطري لك حب واحاول انساه=لاكن عجزت انساك لو قلت ناسيك
لان الوفا طبع الوفي من سجايـاه=يمشي على درب الوفا مايخليـك
تبقى لي الذكرى اذا مـا ذكرنـاه=ويطيح دمع الشوق لامر طاريـك
الله يسمـح دربهـا لا طريـنـاه=والله يعظم اجر من كـان يغليـك

[بنت الكحيلا]

خـافـوا مـــن الله لاتجـيـبـون طـاريــه

لاصـــرت انـــا مـوجــود لاتـذكـرونــه

[محمد بن موسى]

شفتك وانا مشتاق / ولهان / ملهـوف=مسميّـات شعـور قلبـي عـديـده !
جمّعت من كلماتك العذبـه ، حْـروف=وركّبتها ، صارت ، قصيـدة جديـدة
سولف وانا اسولف وسولف لي وشوف=بكتب سواليفـك ، قصيـدة قصيـدة !

[بنت الكحيلا]

رايق وحتى بالزعل دوم رايق // واروق انا لو شفتبك لوم وعتاب
دامي اشوف الصمت نبض الحقايق // وش عاد لو حطوا سواتير وحجاب
لاشفت مضنوني أحسب الدقايق // واسخرحروفي على كيف ماطاب

[غموض الشمال]

كم كنت - غير البشّر ، في وقفتي .. والمسير
.............. يوم أغلب الناس فـالصعبات .. ما وقّفو

يا ليت ما أعرّف : آحنّ / أشتاق / أوله / أغير
.............. ما كان : حزن وهموم وضيق ، فيني لفو

أتعب على أشيا كثير .. وأكتشف بـالأخير :-
.............. إنّ اللي أتعب لها ، أشياء ( ما هي كفو ) !

[محمد بن موسى]

كتبت(أحبك) بين معكوف الاقواس=تعبير عـن ودٍ جـذوره عميقـه
وأشعلت لك بين المعاليق نبـراس=وزرعت لك فياض قلبـي حديقـه
يا أعز محبوبه ويا أجمل أحساس=ياكهرمـان الصايـغ وياعقيـقـه
أذوب فيك أحساس وأحيا بك أنفاس=وأرقى بحبـك فالطـوال المويقـه