حروف متناثرة ارهقهاا الزمان

[محمد بن موسى]

.
.

اللي يبي يزعل بلا ذنب واسباب
يصفق مع الجدران راسه بطوفه

[محمد بن موسى]

خلاص لاتشكي ولاعاد ابسمعـك=كل ٍ يروح يالغضي فـي طريقـه
القلب ضاق ولابعد صار ياسعـك=وجروح قلبي من فعولـك عميقـه
قطعتني بالوصل واليوم ابقطعـك=هذا قراري مـاش شـي ٍ يعيقـه
خل الذي غرك وكبـرك ينفعـك=خلك معه واثنينكـم فـي حريقـه
ماني بناشد لـو غيابـي بيوجعـك=حتيش لو تونس من البعد ضيقـه
تعبت اجامل وادمح اخطاك ورفعك=وشيـل حمـل ٍ ماتوقـع تطيقـه
لاوحسايف غلطتي يوم انا اتبعـك=اشقيت نفسي في بحـور ٍ غريقـه
معاد امييز من حكي في واقنعـك=ولاعاد احسب رجعتـك بالدقيقـه
خذها حقيقه قلبي اليـوم ودعـك=والكذب ميت في عيـون الحقيقـه
خلاص مايشفع رجوعك ومدمعك=مال العشيق إلا مـوادع عشيقـه
ليت الذي جابك مع الدرب رجعك=دام الرفيق اليـوم ضيـع رفيقـه

[محمد بن موسى]

ماكل مايطرى على البال نقضيه=ولا كل ملبوسً كسى الجسم لايق
وماكل حاضر حافظً حق ماضية=ولاكل من عاهد يصون الوثايق
وماكل مخطى قادر آنك تقاضيه=ولا كل صاحب حق يثبت حقايق
لو من غدى ..ليل بخلا.. دل اراضيه=ماشفت بين الناس غادى وضايق
ولو من شكى همه لقى حل يرضيه=واللى خلقنى ما اشتكى للخلايق
لا صار ماللجرح طبً يداويه=الله كريم يزيل ماكان عايق
وش لى بزود الهرج وش لى بفاضيه=الصمت يستر من بجوفه حرايق
ياقدرة الله كيف من كنت مغليه=يقفى وآنا ماكنت كاذب وبايق
أن كان ماجانى ولا قال وش فيه=وشلون ابصبر كان باقى لحايق
ياعين لدّى بالنظر لا تغضيه=جودى على بنظرتك لو دقايق
جسر الوصل ما بيننا لا تقضيه=ماعاد لى قلبً على الصد طايق
منك الزعل لو طال مجبور اراضيه=وش عاد لو ما اخطيت ولا كنت رايق

[محمد بن موسى]

الله يصبرني ويدمح زلتي والله يعين=وجهٍ من غبار السنين العوج والحزن اكتساء
ياوجد حالي من عنى قلبي ودورات السنين=لاجيت بنسى ضيقةٍ فالصدر قلبي مانساء
ويامل قلبٍ له سنه مابين زين وبين شين =اصبـِح وانا طيّب واشوف الموت لاحل المساء
لي فكر متشتت ولي قلبٍ من اللوعه حزين= كله من اسباب الجفا والبعد وجروح الأساء
على الهنوف اللي غلاها بين قلب وبين عين=اللي غلاها بان فعيوني وفي قلبي رساء
اجي لها يومين واليومين كنها ساعتين =واروح عنها والطواري بين عل وياعساء
وايدي على الجوال قبل يدق واسمع له رنين= كني مواعد لي جموع شيوخ وجموع اريساء
ولا كلّمتني من حرارة صوتها اتوه لين =اروي ضما سمعي ويدفا السمع لامنه احتساء
والى طرت لي والهموم افواج جريت الونين= والى تذكرت الطريق الصعب غنيت يخساء
اشغـّل الفكسار دون شعور ويحذِف ميــّتين=ولا أحس إلا بدون شعور قد طفت الحساء
لاتسألوني وين خلوني كذا من دون وين =قلبي دليلي لو يطول الدرب ويطول القساء
وان كان شفتوني حزين وحافظ السر الدفين = خايف لجي منّي وكيفي علك فحلوق انجساء
به حاجتين الناس تكرها مع انها حاجتين=الموت من ضيم الدهر والموت من كيد النساء

[محمد بن موسى]

يامن غلاك يضمّـد القلـب ويفـوق
كـل القصيـد ومـا تـصـور ببـالـي
مالي على غيرك مشاريه وحقوق
وبحد ذات إرضاك هو راس مالي

[محمد بن موسى]

حسبنا الله ونعم الوكيل
على كل مقصر بحق هؤلاء الضحايا

ما احترق من سار لله في ثوب الشهيدْ=احترقنا بعهدهم بالغموم وبالهمومْ
عيدهم في جنة الخلد والله خير عيدْ=وعيدنا عيد المظاهر وتجميل الهدومْ
في مقاعد علم في حلقة الذكر المجيدْ= بين تسبيح المهيمن وتدريس العلومْ
في بيوت الشعب كلن فقد منا فقيدْ= اختلط نوح الثكالى مع جرح السهومْ
يا حمام البيت مالك عن الكعبه طريد=احسبك فوق المقابر على احبابك تحومْ
بالقدر نرضى وحنا لمولانا عبيدْ=ان بغاها في الحشى وان بغاها في الخشومْ
أسأله باسمه وهو صاحب الوصف الحميدْ= يجعل الفردوس بيت الضيافه والقدومْ
الجفون اكفاننا والحنوط من الكبود= ليتنا كنا الفدى بالجلود وباللحومْ

[محمد بن موسى]

سلمت يالقرني وصح الساانك