اكتب كلمه واللي بعدك يعبر ببيت شعر

[هبوب العنزي]

مات الجمر وقلوب الاحباب حيه ... والموت لا ماتت قلوب الحبايب

القهر

[ماجد الغانم]

...
.
.
القهر الله يبعده عنا وعنك ياهبوب

يوم شفتك انجلى كل القهر =وانرسم في هيئتي كل انشرااح
ولك شعورٍ داخلي والله ظهر = وجا يعبرلك عن الحب المباااح

(ماجد الجعفري)

.....
.
.

الـــقـــمر

[الصقار]

القمر

ياقمر بالسماء بالارض مثلك قمر ...يشبهك في وصوفك بالحلا والجمال

(المطر)

[خلف الغريب]

المشاركة الأصلية كتبت بواسطة ابن هندي

القمر

ياقمر بالسماء بالارض مثلك قمر ...يشبهك في وصوفك بالحلا والجمال

(المطر)

من ابيات لي في أحد الزملاء ..

والا انت طيبك يا ابو نايف دوامي...مثل المطر من وين ماراح به خير

( الشِعر )

[ماجد الغانم]

صح لسااااانك يابو خالد

استلم ...

وان كانها للشِعر بكتب وصورك =واكشف لك احساسي وتصوير حاله
وتصبح قصيدة بين الأضلاع اسطرك =من شان نسيانك يصير استحاله

(ماجد الجعفري)

.....
.
.

الطّيب

[عليا الشمري]

:
:
:
صح لسانك مشرفنا ماجد

المرجله دربا وعر صعب مرقاه
عالي سنامه يشبه لقامة طويق

ومنهو تتقى عن وعره وتحاشاه
ماينحسب بحساب روس المطاليق

ومن لاظهر (طيبه) مع فزة صباه
ماهو بظاهر لاغدا شيبه يويق

::‏(‏ الوفا)

:

[صالح الجطيلي]

السلام عليكم ورحمة الله وبركاته

صح لسانك اختي العليا

الوفـــــا

راع الوفا دايم تحطه بيمناك = والا ردي النفس وش ينبغابه
اللي يمرك با العجل ويتعداك = وللضيف ما يفتح مغاليق بابه
خوي حاجة ويتمسكن ليا جاك= لبس النذاله مثل لبسه ثيابه

صالح الجطيلي

الحــــــظ